¹ Hino, kutenda itchokwadhi pamusoro pezwiya zwino imirwa. Tchiratidzo tche zwiya zwisingaoneki. ² Nokuti, nokutenda, akuru ye kare akawona tchapupu tchakanaka. ³ Nokutenda, tinozwiziya kuti nyika yaksikwa nosoko raMwari, maitire okuti zwinowonekwa azwizi kuizwa nezwisinga wonekwi. ⁴ Ngo kutenda Aberi wakapasa Mwari tchipiriso tchakanaka kupinda tcha Caimu, nge pamusana pazvo wakaphasiswa kuita wakarurama, uye Mwari wakamuitira tchapupu pamusoro pe zwipo zwake. Uye nokutenda Aberi utchiri kureketa, kunyangwe wakafa. ⁵ Ngokutenda Inoqui, wakatwarwa kuti asaone rufu."apana Wakamuona, kuti Mwari wamutora". " Nokudharo, asati abhukwa, wakaona tchapupu tche kufadza Mwari. ⁶ Pasina kutenda apana kufadza Mwari. Nokuti zvino dhikana kuti uya unokwedhera kuna Mwari, ngatende kuti iyena uriyo uno pasa mubhairo kuno awo anomutswanga. ⁷ Nokutenda Noa, pawakafundiswa na Mwari, pamusoro pezvia zwiro zwanga zwisinga oneke, nokuthyia Mwari, wakawaka ngarawa kuti aponese nyumba wake. etchiita izwona akaphanitcha nyinka uye wakaita nyanhaka we kururama onouya pamusoro pekutenda. ⁸ Zwakaita nokutenda kuti Abrahama, wakadhaizuwa, wakaterera akabhudha akaenda pambuto paidha kutambira nhaka. Iyena akabhudha asinga zi kaenda. ⁹ Nokutenda akafamba mu nyika wetchipikirwa kunga wokunza. Iyena akararama mumatumba na Isaka na Jacob, akaizwa nyanhaka ye tchetchipikirwa tchimwecho. ¹⁰ Izwo nekuti iyena wainga etchi ona kuno guta rine madziriro, uye mugadziri ne muwaki ndi Mwari. ¹¹ Zwakaita nokutenda Sara, kunhangwe ari mbhanje, aka tambira simba reku bhereka. Izwi zwakaitika kunhange ane makore aka endherera, naizvo wakaita kurarama uya wakamuitira tchipikirwa. ¹² Nokudharo, pamwanarume uwo, anga ari paduze ne rufu, akabhara mbumba izindji, inga nherendzi dze kudenga dzisingaerengwi, inga madjetcha he bhahari. ¹³ Ese aya akafa pakutenda asina kutambira zwetchipikirwa, etchizwiona, etchizwibhata ne kure, etchipupura kuti anga ari we nyinka dzekundza uye afambi pa nyika. ¹⁴ Kuno awo anobhuiya zwiro izwi, zwino gara zwaka djekeshwa kuti arikutswaka nyinka. ¹⁵ Kudhai airangarira nyinka yakasiya, aizo wona nguwa ye kuhwirira. ¹⁶ Asi, iwona akadha nyinka wakanaka, yokudenga. Nokudharo, Mwari azi kutsweruka kudhaidza Mwari wayo, nokuti wakaagadzirira rimwe guta. ¹⁷ Zwakaita nokutenda Abrahama, paaka edzwa, wakaapa Isaka, dhangwe rake, pamusoro pa iyena waakatambira tchipikirwa. ¹⁸ Zwakaitika zwakabhuzuwa kuna iyena izwi kuti: "Ndi Isaka atchadhaizwa hana ako". ¹⁹ Abrahama akatendera kuti Mwari anga ano simba roku mumutsva muwakafa, uye netchiratidzo, wakamutambirazve. ²⁰ Zwakaizwa nokutenda kuti Isaka akomborera, Jacob na Esau, pamusoro pazwia zwaidha kuiya. ²¹ Nokutenda, Jacobo, paanga etchifa, aka komborera nhumwe ye nhumwe yeana a Josefa, akakotama pamusoro pe mudhondhoro, aka namata. ²² Zwakaiwa nokutenda Josefa, paanga ari duze ne magumo ake, akareketa ne zwekubhudha ke mwana eIsiraeri mu Egipita akaapa murairo pamusoro pe magudho ake. ²³ Zwakaizwa nokutenda, Mozesi, paaka bharwa, aka iguwa, pakupera kwe mwedji mutato, ne madzibhabha ake, nekuti akawona kuti mwana anga akarungama. Azi kutya mitemo wa mambo. ²⁴ Zwakaizwa nokutenda Mozesi paaka kura, akaramba kudhaizwa mwana we mukunda wa farao. ²⁵ Asi, iyena aka sanangura kushuphika ne yanhu a Mwari, kunza kweku fadzwua ne kunaka kwe zwitema panguwa dhoko. ²⁶ Iyena, akatendera, kushorwa muna Kirisitu, kwainga fhuma huro kupindha ufhume we Egipito, nokuti, anga aka kandha madziso ake, mutchibhairo. ²⁷ Zwakaiwa nokutenda Mozesi akasiya Egipita, iyena anakutwa chungu dza mambo, nekuti, akachingirira se uia waiwona zwisinga oneki. ²⁸ Zwakaiwa nokutendha, iyena akaita pkasika nokunama kwe ngasi, kuita kuti mu paradzi we madhange asa abhate. ²⁹ Zwakaiwa nokutendha akadharika bhahari kutsvuka, kunga nyinka yakaoma. Ma egipita paakaedja, kuita izwona, akamedzua. ³⁰ Zwakaiwa nokutenda, madzitiro e Jerico yakawa, paaka tendererwa mazua manomwe. ³¹ Zwakaiwa nokutenda, Raabe, hure, arizi kuparadza ne aya asina kuterera, nekuti wakatambira aya akauya kuzodhongorira ne rugariko. ³² Ngazwipizwe zwandingabvundza? Nditcha shoterwa nenguwa ye kubhuiya pamusoro pa Gidion, Baruque, Samsoni, Jefte, Davidi, Samueri, ne maphorofita. ³³ Uya, nokutenda, akawina umambo akaita zwakanaka, uye akatambira zwipikirwa. Akafunga muromo dze mbhomdoro, ³⁴ akaparadza simba remuriro, akabhukunyuka parudzi retshorora, akabhabiswa pakuremba, akauwa akundhi pa wondho akatizisa masurdhadho e nyinka dzekundze. ³⁵ Anakadzi akatambira akafa ao pakumuswa mukufa. Amweni akatambhudzwa, asinga tendhi kusunungurwa kuti ayone kumuka kuakafa kakanaka. ³⁶ Amweni akaedzwa kushorwa uye ne kuzvengwa pakuguma mu madjee ne madjeri. ³⁷ Akafurwa nge mapuwe, ogurwa ne pakati, uye akaurawa ne rudzi re tchorora. Akahamba akafheka mathewe ye mabhira uye ne mbudzi, akashoterwa, akatchukwara ne kutambuzuwa. ³⁸ Nyinka yanga isina kutendeka kwaari. Iyona akafamba etchi tvseteka mu thambe, mumadhundhu, mumabhako, uye ne miparo ye pasi. ³⁹ Kana zwawo akatambira tchapupu tchakanaka, pamusoro pekutenda kawo, hana kutambira tchipikirwa. ⁴⁰ Nokuti Mwari, wakatigadzirira tchiro tchakanaka, kuitira kuti naisuso ayona adzadziswe.