¹ Kwaka itika ku Icônio, aka npinda Paulo na Barnabas mu sinagoga mo madjudeu, aka buya pe anhu azidji, Wo madjudeu no magrego. ² Madjudeu asikatendi zwitiro zwo madziyo wo ku fara ko mahedeni ne hama. ³ A wona akagara penepo panguwa yaka wanda, ochi buya no simba ra Ishe, ai pasa chapupo no nhasha koma soko awo, wo chitenda ne zwipangidziro no minana dzino izuwa no nhara dzawo. ⁴ Anhu azidji oku guta aka gurirana, wamweni wamadjuda akagara ku dhii rawo, wapositori agarawo dhii rawo. ⁵ No kupandukirana wa madjuda ne wahedeni, pamwepo ne watungamiriri, wo buya masoko wokuchata kwayo, ne kuwafura ne mapuwe. ⁶ Paulo na Barnabas, nokuziya izwi wakatiza kuenda kuguta we Licaônia, rokudhaidzwa Listra ne Derbe; ne mutanha wo padhuze po. ⁷ Penepo aka paridza Vhangeri. ⁸ Mumwe murume ku Listra akanga akagara, akangue asikahambi tchirema kubva pekumbarua kwake, asi kahambe. ⁹ Akazwa Paulo kubuya: Nokunanguisisa nokuwona kuti anga anakutenda pokurapiwa. ¹⁰ Wamubvundza ne inzwi riguru: muka ne murenge wako. Iena akadzwika ne kufamba. ¹¹ Anhu, no kuona zwanga zwakaita paulo wamutsa mazwi wo chiti na ndimi ne licaônica: Madzimwari wacazwiita hinga anhu akachitha kuchika kwetiri. ¹² Wodhaidza Barnabasi wa Júpiter; na Paulo, wa Mercúrio; Ngonda uyu anga ari mutungamiriri wakubuya. ¹³ Maphirista we Júpiter, wakanga wari pamberi pa guta rayo, watchiuya na nkhombe iguru ne grinaldas pamusuyo pake, pamwepo na waperekedzi, waidha kupa chipiriso iwona. ¹⁴ Wapositori Barnabasi na Paulo, nekuzwa izvi, aka mwesa machira awo, aka dzwika pakati pa anhu, otchidhaidza, ¹⁵ Wotchiti: ''Wanarume, ngei muno ita zwiro izwi?''  Isuwo tiri wanarume hinga imwimwi, taka gadzirirwa mushobho umweyo, tino mubvundzai Vhangeri kuti mu tendeuke mu zwiro zwisikasenzi kuna Mwari wo upenyu, akaita dhenga, no pasi, no bahari, no zwese zwiripo. ¹⁶ Dzindza rakapinda , raka sia mahedeni wotchihamba muguanza rawo. ¹⁷ No kudaro, asati ambosia, iyena pasina chapupu, kuyita zwakanaka ko denga, kutipa nvura, pa nguwa yoku bhereka, nokudzadza moyo dzedhu ne zwo kurha no mu mafaro. ¹⁸ Kupera kubuya izwi, a karambidza kuti wasape tchipiriso kuna iyona. ¹⁹ Akauya amweni madjuda we Antiokia, ne Icônia, uye aka kukumidza rujinji; akafura Paulo nomapuwe, akamupfupfurudzira kunza koguta, kurangarira kuti wa kafa. ²⁰ Kudharo wa wafundi aka gara mu cheto, iyena amuka, wopinda mu guta; zuwa rochi piri aka budha na Barnabasi aka yenda ku Derbe. ²¹ Pakapedza kuparidza Vhangeri paguta, wakaita wafundi wakawanda, aka hirira iyona ku Listra, Icônio, Antioquio, ²² Adzadzisa ku fara kwa wafundi, ku abvudza a gare pa kutenda, zvinodikana ti pinde ku Mambo wa Mwari napakati pakunetseka. ²³ Kusanangurwa ne matsananguro watchenjebvu ma themberi rimwe ne rimwe, kunamata ne mutsanho, iyo akatumwa kuna Ishe, iwo wanga watenda. ²⁴ Paa pinda ne ku Pisidia, akauya ku Panfilia. ²⁵ Pakabuya mazwi Mwari ku Perges, aka tchitha kwenda ku Itália. ²⁶ Kubva ipapo akaenda ne tchikepi ku Antiokia, kanga kwakatumirwa nhacha dza Mwari pe bhasa rakange rawakaita. ²⁷ Pakaguma, akabatanisa themberi, aka buya zviro zvikuru zva kaita Mwari kuna iwona; aka fungunura musuwo wo kutenda kuna wahedeni. ²⁸ Iwona aka gara ipona nguwa ikuru no wafundi.