¹ Ku themberi re ku Antiokia kwanga kune aphorofita neafundisi: Barnabas, Simoni ano zina Nigeri, ne Rusio we Sirene, na Manae, waka kudzua pa udhoko wake na Herode, na Sauro. ² Awona zwa anga aita basa kuna Ishe, ne kutsanya, Mwiya Mutswene wakaati: ''Paradzanai Barnabasi na Sauro kuti aenda ku basa re ndakaadaidzira''. ³ Kudaro, ne ku tsanya, ne ku namata, akaatsanzjika nyara ne ku wa eneka. ⁴ Echitumidzwa ne Mwiya Mutswene, akachita ku Selêucia, iwo woyenda ke Chipre na chikhepi. ⁵ Zwa aka guma ku Saramia, ei paridza Soko ra Mwari mu ma sinagoga re adjuda; anga ari ne Juau se mubetseri. ⁶ Paaka dharika tshese tchirwecho ku guma Pafo, akagumira muwe mudhiridzi, muphorofita we manyepo, mu djuda wezina rekuti Bardjesus. ⁷ Iyena anga ari ne muguvunadori we nyika Serijo Pauro, murume wa kangwara. Uyu akadhaidzwa kwaari Barnabas na Pauro, eitswaga kuzwa Soko raMwari. ⁸ Anga asikazwirani na Erimas, mudhiridzi, (zwino reketa kuti zina rake), ku tswaka kubvisa muguvunadori mu kutenda. ⁹ Asi Sauro, uno dhainzwa Pauro, akadzadzwa no Mwiya Mutswene, akamuonesesa akati: ¹⁰ ''Iwe mwana wa sathani, wakadzadzwua nekunyepa nekuchaicha, muwengi we zwese zwakanaka, aurembi ku phikisana ne ma gwanza akanaka a Ishe? ¹¹ Zwino, nyara yaIshe inorwisana newe, utchaita bhofu, wechitama kuona zuwa mu nguwa inganani. Pa nguwa yeneyo pakaita dhima pa hope pake, echifamba echitswaga munhu kuti amu bhate nyara kuti amuperekedze. ¹² Apo muguvunadori we nyika, nekuona zwakaitika akatenda, etchikahamika nge zvifundiso zwa Ishe. ¹³ Paakanga abhuda ku Pafo, Pauro noanga ari nawo akaenda ku Perges. Guta roku Panfiria. Asi Juau echi paradzana nawo akahzwirira ku Djerusarema. ¹⁴ Aona paaka pinda ne kuPerge, akauya ku Antiokia, guta reku Pizidia; echipinda mu sinagoga mu tsiku re sabhudhu, akagara. ¹⁵ Mumasure mwekuerengwa kwe mutemo wemaphorofita, akuro wekumasinagoga akaatuma echiti: ''Arume, hama, kuti mune soko rekukohomedza ku anhu, reketai''. ¹⁶ Pauro, echimuka, echianyararisa ne moko akati: ''Arume eku israeri, naimwimwi munothya Mwari izwai: ¹⁷ Mwari we anhu aya e israeri wakatsanangura madzibhabha edhu, echia simudzira mu anhu, anga ari anhu ekupinda mu Egipito, ne moko wakaamutsa echiabvisa mu Gipita. ¹⁸ Ne nguwa ye makumi marongomuna e makore, akaabhata mu madhiro awo mu thambe. ¹⁹ Paka phutsa madzindza manomwe wo nyika yo Kenani, akaa gurira pasi po nyika ngo soroti. ²⁰ No kudaro kuyita ko mazana marongomuna no ma gumi machano wo gore, aaka pasa wa tongi, ko póthia kuna muphorofita Samueri. ²¹ Paku pinda ko izwona, aka kunbira manbo umwe, iyena apasa kuna Saul, mwana wa Quis, muwanarume wo dzindza ra Benjamim, pa nguwa yo magumi marongomuna wo makore. ²² Aka bvisa uyu, aka mutsa Mambo Davidi, akadharo wo pasa chapupu, echi buya kuti: Inini ndawona Davidi, mwana wa Jessé mwanarume, wo moyo wangu, achadha kuyita kwangu. ²³ Dzindza ra aya, wotchi pikirhwa, Mwari aka undzisa umwe muponesi ku Isiraeri, Djesu; ²⁴ ndinaye Juau po ku tanga, asati a uya, achi paridza ku babatidzwa noku chunyuka kuno anhu ese wo iziraeri. ²⁵ No ku daro Juau mubhabha tidzi paka pedza basa rake aka buya kuti: Muri ku rangarira kuti ndiri ani? andiripi Kirisitu, iyena uno uya sure kwangu, wa ndisi ka kwanisi ku sunungura changu dzake. ²⁶ Anarume hama, wana wo dzindza ra Aburahama, ne anya pakati penyu anothia Mwari, rinotumwa soko ruponeso kuna imwimwi. ²⁷ Ngondaa ano gara mu Djerusarema, no atungamiriri waho, asika zvizí, pa ku sunga no kusama kuzuwa izwi ro maphorofita, ano erengwa mu ma sabhudhu ese. ²⁸ Nokudaro azi kuwona nda kuti amu raye, aka kunbira kuna Pilato kuti awu rayiwe. ²⁹ Paka pedza zwiro zwese zwanga zwaka nyoruwa kuna iyena, noku mu bzisa pa muchidjikwa, aka iyenda komu yiga muma siya. ³⁰ Mwari aka mu mutsa kwa kafa. ³¹ Zwa kawoneka pa ma zuwa aka wanda ku aya ayi kuwira naye ku Garireia kwenda ku Djerusarema, ari zwapupu kuna anhu. ³² Hino isusu tiri pano kuitira kumuziisa vhangeri rakanaka, rekuti tchipikidziro tchakaizirwa adzibhabha edhu, zwetakadzadziswa na Mwari wedhu, wiye ne ana awo, paku purumutsa Djesu. ³³ No kudharo zwaka tarwa muna mapisarema pa zwiri: Iwewe uri mwana wangu nyamasi ndaka ku bhara. ³⁴ Kudhai waka mutswa kwakafa, kuti musaitezwe huchaichi, akareketa kuti: inini ndi cha mu pasai zwiro zvinatswi zwa Davidi. ³⁵ No kudaro mu tsamba imweni ya Salmo ino buya kuti: 'Imwimwi maka tcheneswa musa tende, wona ochi ita zwakawora''. ³⁶ Zwirokwazvo Davidi nokuita rupango ra Mwari, akafa noku iguwa pamwepo no madzi baba ake, aka wona kuwora. ³⁷ Nukudharo unya aka mutswa na Mwari azi ku wona kuwora. ³⁸ Ndimwi muno zikanuwa, wanarume no hama, ne kuti na iyona munobvunzwa rukererwa ko zwitema. ³⁹ Zwese zwo mutemo wa Mozesi, mukasazo dhairirwa, ipona acha dhairirwa ese ano tenda. ⁴⁰ Onai kuti zwasazo wuye kwamuri zwakayorhwa, mu buku ro maphorofita: ⁴¹ Imwi wanhosi, onai minana bhudhai muyende ngokuti inini ndino sendza pama zuwa enyu, bhasa rokuti munhu aka mubvunzai musatende. ⁴² Pa yi bhudha Pauro na Barnabas ku sinagoga, aka rekete nawo kuti sabhudho rinounya wa zwundze masoko anya. ⁴³ Paaka pedza ku ungana mu Sinagoga, azindji wo wadjudeu no anamati, aka tera Pauro na Barnabas, ayi a zwundza kuti garai murimo noku enderera nberi munhacha dza Mwari. ⁴⁴ Mu sabhudhu raka guma aka bhathana maguta ese kuti azwe Soko ra Mwari. ⁴⁵ Wadjudeia paka wona anhu azindji, akagara noku zonda, abuya zwimwena zwi sikazi kubuya Pauro, a chi buya zwikunhepa echi tuka. ⁴⁶ Pauro na Barnabas, achi buya zwanozia ochiti kuti: Zwaidhikana kuti Soko ra Muawri ri tange ku buyiwa kuna imwimwi, noku dharo muri ku ramba kuri tambira, andi mu tongeri kupenhyu usingaperi, isusu tichauiya takaringisana ne wahedeni. ⁴⁷ Ngokuti Ishe watituma ochi buya kuti: Inini ndamukandai chiyedza kuna wahedeni, kuti iwewe uyite hinga ruponeso ro kuwenda no kuwenda ko mavu'''. ⁴⁸ Wahedeni pakasuwa izwi, akafhara no ku rumbidja Ishe, aka tenda ese paka simbiswa upenhu usinga peri. ⁴⁹ Soko ra Ishe rai paridzuwa pa nbuto iya ese. ⁵⁰ Wadjudeia ainyadza anakadzi amweni we rusimbo, kuno wantungamiriri wo gutha, aka mutsa kutere kwa Pauro na Barnabas, aka dzingirwa mu mugano mawo. ⁵¹ Awona aka gugudza murenje dzawo,aka unya ku Icõnio. ⁵² Wadzidzi akadzara ne mu faro we Mweya Mutsweni.