¹ Mapositori, ne hama dzanga dziri ku Djudeia, akazwa waya wanga asiri ma Djuda aka tambira soko ramwari. ² Peduru aka kwira ku Djerusarema, ese ai mutuka ngokuti anga oku chekerwa, ³ ''Ochi buya kuti: Iwewe wapinda munba wo anarume asikazi kucherwa, wariha nawo''!. ⁴ Peduru akatanga kupanganidzira zwese, echiti: ⁵ Inini ndainga ndiri mu munamato ku guta re Jopa, ndakawona chioneswa ichi: chiro chakakura hinga djira rokupukuta ndiro, raichita kudenga, raakasungwa pa matii marongomuna rechichita dakara pandiri. ⁶ Ndechinangisisa, ndakaona zwinyama zwirongomuna, zwe nyika, zvinemirenje mirongomuna zwe pasi, zwinhama zwinoguzva pasi, ne shiri dzokudenga. ⁷ Ndakazwa izwi rainditi: "Muka Peduru, uraya urye." ⁸ Asi inini ndakadaira ndechiti: "Nakamwe, Ishe; mukanwa mwangu amusati mapinda chiro nachimwe chakakumiswa, kana chakaswipa." ⁹ Izwi ndakarizwazwe kubva kudenga rechipiri rechiti: icho chakacheneswa, "Ndi Mwari iwewe usachiti chakaswipa." ¹⁰ Izwi zwakaphindwa katatu, zwikapetuka zwese kudenga. ¹¹ Chiriporipocho, akaguma anarume atatu, mu nhumba mwatainga tiri akatumwa kubva ku Sezaria kuwia pendiri. ¹² Mwiya wakandiudza kuti ndiaperekedze, pasina kukakamidzwa;ndaiwiawo, ne hama nhanhatu tikapinda mumba mwe umwe mwanarume. ¹³ Iyena, akatipanganidzira kuti wainga akaona ngirosi yakaguma pa nhumba pake, yechimuti: ''Tuma wamwe warume unoenda ku Jopa, kundodaindza Simoni we zina rimweni rekuti Peduru. ¹⁴ Iyena anozokubvunza mazwi, anozokundzira ruponeso, iwewe ne mhuri yako yese''. ¹⁵ Apo pandakatanga kureketa, Mweya Mutswene wakachita pa musoro pawo, hinga zve wakaita pamsoro pedu pakuwamba. ¹⁶ Ndakaedzurira izwi ra Ishe: ''Apo pa aiti awona zviro kwazo ''Juau wakababatidza nge nvura, imwimwi hino munozobabatizwa mu Mwiya Mutswene''. ¹⁷ Kudai, Mwari zwa akapasa chipo chimwe chimwecho icho chakatipasa, ngekuti akatitendera muna Ishe Djesu Kirisito, ndaizoita ani inini, kuti, ndirambidze Mwari?''. ¹⁸ Pakazwa mazwi, akaagarisika, ne kupasa mbiri Mwari, echiti: "Mwari wakapasawo wahedeni ruchinyuko runoendesa mu upenyu." ¹⁹ Awo anga abararika pakusungwa kwa Estefani, akaenda dakara ku Fenisia, Chipre ne ku Antiokia, asi anakuwavzundza munhu masoko kundza kwe djuda. ²⁰ Kwakaonekwa amwe arume echipre Sirenia akaenda ku Antiokia, akareketawo nawagiriki echiazisa Vhangeri ra Ishe Djesu. ²¹ Nyara ya Ishe yainga inaawo, wakawanda akatambira rutendero ne kutendeuka kuna Ishe. ²² Soko rakazika ku wanamati re Djerusarema, ne kutumidza Barnabasi, ku Antiokia. ²³ Iyenazve akaguma ne kuona makomborero ye akapaswa ndi Mwari, wakafara, ndizvo akakohomedza ese kuti andogare akabhatana ne moyo umwe ari muna Ishe. ²⁴ Ngekuti wainga ari munhu kwae, wakazarwa nge Mwiya Mutswene. ne rutendero; pa kudai wanhu ajinji akazowanda muna Ishe. ²⁵ Barnabasi akaenda ku Terso, kotora Sauro, akamuona , akauwiya nae ku Antiokia. ²⁶ Gore rese ainga ari pamwepo mu themberi, echifundisa anhu ajinji; ku Antiokia kwekuti, wadzidzi akambidza kudhaizwa ''kuti akirisito''. ²⁷ Pa tsiku idzo, aphorofita akachita kubva ku Djerusarema kuenda ku Antiokia. ²⁸ Umwe wawo, wainzwi Ágabo, akadudzira mu Mwiya kuti, kwaizonekwa nzara huru pasi pese; ndiyo iyo yakaitika pa nguwa ye utongi wa Kraudio Cezar. ²⁹ Mudzidzi umwe noumwe, akapangana paikwanisa napo, kutumidza zvibetsero ku hama dze ku Djudea. ³⁰ Akazviita, echizvitumidza kuna watchenjebvu muna Barnabasi na Sauro.