¹ Ndaona zwirinani kuti ndisauyezwe kemurio munguwa dzokusua. ² Kudhai ndakakutsamwisai, ndianizwe ungandipfadza kunza kwenyu imwimwi andino tsamwisa? ³ Ndatara mukhaindi uu kuitira kuti, kudhai ndikamuvakatchirai, ndisa tsamwiswe ngo aidha kuti ndipfare. Ndino rugondeso rokuti mupfaro wandinao ndionao hingana wenyu mwese. ⁴ Ngokuti ndakutarirai mudhambudziko guru, noushungu mumoiyo, no musodzi yakawanda. Inini ndanga ndisikadhi kuti musuwe; kunza kwazwo, ndaidha kuti makadzika me rudho randinaro kemuri. ⁵ Hino kudhai pane unoshaisha, aazi kushaishira bhasi kwendiri, asi munguwa imweni, wakanganisirao nemwio, kuti visanyanye kurwadza. ⁶ Kutchunyuswa kwe munhu iyena no ajinji kwakwana. ⁷ Zwino pano, kunza kwe kutchunyusa, muregererei moseka nae, kuti asatware mutoro wekusuwa. ⁸ Hino, ndinokumbira mupangidzire rudho rwenyu kwaari patchena. ⁹ Izwi ndizwo zwaita kuti nditare, kuitira kuti ndikwanise kuona noku nyatsa kuzia kuti muri kutondoedza pazwese. ¹⁰ Kudhai mukaregerera munhu, neniwo ndino regererao munhu iyena. Tchanda regerera, kudhai pane wanda regerera, waregererwa ngopamusana penyu pamberi paKirisitu, ¹¹ kuitira kuti sathani asatitchengedze. Ngokuti isusu atinyozeri zwirongwa zwake. ¹² Pane musio wakafungurwa na Ishe pandakaenda ku mutanha we Troadi koo paridza Vangeri ra Kirisitu. ¹³ Kunyangwe zvakadharo, andizi kuona rugariko re mwaiya, ngokuti andizi kugumira hama yangu Tito. Hino ndakazoa siya ndo whirira Macedoni. ¹⁴ Asi, ngatikudze Mwari, kuti muna Kirisitu unotipa simba rokukunda. Ngopamusana pedhu, iyena uno teketesa kutapira kunoita kwe Ruzio rakemu mbuto dzese. ¹⁵ Ngokuti kuna Mwari isusu tiri mafuta anonuwhira aKirisitu, kuno akaponeswa pamwepoo no arikutsakatika aiya. ¹⁶ Kuno arikutsakatika, zwino nuha rufu kwenda parufu. Kuno arikuponeswa, imunuwhi wendaramo kwenda pandaramo. Ndiani wakakwana pazwiro izwi? ¹⁷ Ngokuti isusu atizi kuita hingana zwinoita anhu amweni anotengesa soko raMwari kuti aone mubhairo. Kunza kwazwo, no zwinangwa zwakanaka, toreketa muna Kirisitu, sa atumwa a Mwari, pahope yaMwari.