¹ Pauro, muphostori wa Kirisitu Djesu ngokudha ka Mwari, nehama yedhu Timoti, ku kherekhe yaMwari iri ku Korinte no atsweni ese ari kumbutoo ye Akaia. ² nyasha ngadziwe nemwi, norugare kuna Mwari, bhabha edhu, na Ishe edhu Djesu Kirisitu. ³ Kuti Mwari Bhabha wa Ishe wedhu Djesu Kirisitu ngaakudzwe; Iena ndie bhabha we nyasha uye Mwari wekunyaradza. ⁴ Mwari anoti nyaradza, mukutchetcherwa kwedhu kwese, kuitira kuti tinyaradzeo anonga ari pa pfumvu, tino nyaradza amweni no zwatino tambira kubva kuna Mwari. ⁵ Zwakadharoko, matambudziko aDjesu akakura ngopamusana pedhu, nokudharoo kunyaradzwa kwedhu kwakakurao ngopamusana pa Djesu . ⁶ Asi, kudhai tetchi teishuphika, kuitira muone nyaradzo no ruponeso; uye kudhai tetchi nyaradzwa, kuitira kuti munyaradzweo. Rubhatsiro iri rakanaka kudhai mukabhatsirana nousisi mumatambudziko amweo hingana isusu. ⁷ Zwakadharoko rukariro rwedhu kemuri rakakwana, tinozvizia kui nemwio murikubhatsiranao mumatambudziko, hino bhatsiranai oakunyaradzana. ⁸ Ngokuti atidhi, hama, kuti mutame kubara matambudziko atakabhatana nao tiri ku Asia. Matambudziko atakabhatana nao anga akakura kupinda zvataikwanissa kubhata, tanga tisisina rukariro re ndaramo. ⁹ Zwirokwazwo, isusu taizviona hingana tadzitemerwa mpanitcho we rufu. Asi, izwi zwanga zwiri zwokuti tisakande tchithemeso metiri, asi kuna Mwari, wokuti anomutsa akafa. ¹⁰ Iyena wakati nunura panjozi yerufu, uye atcharumbwa etchindoti nunura. Zwirikwazvo, tinorugondeso kwaaari, zvokuti atchati nunurazve patswa. ¹¹ Iyena utchati sunungura kudhai mukati tsigira ngeminamato yenyu. Hino, ajinji atchatenda ngerubhatsiro renyasha ramunotipapaminamato yeajinji. ¹² Isusu tinozwa kudhakara ndizwo: tchapupu tchondangariro dzedhu. Ngokuti indawa ye tchokwadhi, kuna Mwari, zwatakaita panyika, kunyanya kemuri, zvisiripi noruzio renyika, asi ngonyasha dza Mwari. ¹³ Atizii kutara zwiro nhando zwamusika kwanisi kuwerenga nokuzwa. Tinorukariro rokuti mutcha nasa kutizwa zwakanaka, ¹⁴ hingana zwamakatizwa kudhii rimweni. Hino, mu tsuku ya Ishe edhu Djesu, mupfare ngo pamusana pedhu, hingana kwatinako nemwi. ¹⁵ Ngokuti ndakanyatsa kutenderena nazwo, inini ndakadha kuuiya kemurio pakutanga, kuti mutambire mubhairo we vakatcho mbiri. ¹⁶ Ndai gadzirira kumuonai kudhai ndikaenda Macedoni, phothopo ndaizoendazwe koomuvakathcirai ndika hwirira zwia, kuti muzondi perekedze pa rwendo re Djudia. ¹⁷ Pandai gadzirira izvi, ndaitita here? Ndakamboita here urongwa ngokudha kwe nyama, ndozoti: "ndizvo, ndizvo" uye" andizvopi, andizvopi", tchikamwe? ¹⁸ Asi zvakadharoko Mwari wakatendeka, isusu atiiti nguwa imweio" ndizvo, Andizvopi". ¹⁹ Mwama wa Mwari, Djesu Kirisitu, wokuti Sirasi, Timoti na inini watino paridza pakati penyu, andizvopi kuti " honde" kana kuti "nee"; asi ngatiti nguwa yese "honde". ²⁰ Ngokuti rugondeso ra Mwari rinoti " ndizvo" Kwaari. Hino, ngopamusana pake, isusu tinoti" ameni" paku kudza Mwari. ²¹ Ngokuti ndiMwari unoti bhatanidza nemwi muna Kirirsitu, uye ndiena wakatipa bhasa iri. ²² Iyena wakakanda tchipangidziro tchake metiri no mumoiyo dzedhu, wakatipa Mweiya kuti tibhatire. ²³ Inini ndinodhaidza Mwari aite tchapupu tchngu kuti tchandaka tama nditcho kwenda ku Korinte kuti ndimu rerutsirei. ²⁴ Zwisiripi kuti taidha kuedza kuonerera kutenda kwenyu ne, asi ngokuti tinosenza nemwi kuti mupfare, ino, ngokutenda murumbwe makagwinya.