¹ Ndinoda kuronza kwomuri kuti Febhi hama yedu, mushandiri wechiara chiri muKhenikerea, ² kuti mumuashire munaMambo ngenjira inosisira vakacheneswa, mumudetsere ngeizvo zveshe zvaanotama kudetserwa ndizvo ndimwi, ngokuti iye emene wakadetsera vazhinji neniwo pachangu. ³ Tambisai Prisikha naAkwira, vangani vangu mumushando wa Jesu Kristu , ⁴ avo ngendaa yangu vakazvipira upenyu vavo. Andisinipi ndega, ndinovabonga, asi zviara zveshe zvevemadzinza. ⁵ Tambisaizve chiara chiri mumhatso yavo. Tambisai Epaenetusi mudikani wangu, ndiye mutendi wokutanga kutenda munaKristu muAsia. ⁶ Tambisai Maria, uwo wakashanda ngesimba pakati penyu. ⁷ Tambisai Andronikhusi naJuniasi, hama dzangu nevangani vangu muubhanditi; vanhu vane mbiri mukati mwevapostori, vainga munaKristu kutangirira inini. ⁸ Tambisai Ampriatusi, mudikani wangu munaMambo. ⁹ Tambisai Ubhanusi, mungani wedu mukushandira Kristu, naStakhusi mudikani wangu. ¹⁰ Tambisai Aperesi, unotendwa munaKristu. Tambisai avo vari vemhuri yaAristobhurusi. ¹¹ Tambisai Herodhioni hama yangu. Tambisai avo vemhuri yaNakisusi, vari munaMambo. ¹² Tambisai Trifaena naTrifosa, avo vakashanda ngesimba muna Mambo. Tambisai Persisi unodikanwa, wakashanda kakurutu munaMambo.13 ¹³ Tambisai Rufusi, wakatsanangurwa munaMambo, namai ake nevanguwo. 14 ¹⁴ Tambisai Asinikritusi, Fregoni, Hermesi, Patrobhasi, Hermasi nehama dziri kwavari. ¹⁵ Tambisai Firorogusi, Juria, Nereusi nehama yake, Orimpasi nevakacheneswa veshe vaanogara navo. ¹⁶ Chungamidzanai umwe kunoumweni ngemuromo ngenjira yakachena. Zveshe zviara zvaKristu zvinomutambisa. ¹⁷ Ndinomupota, hama, ngwarai avo vanomusa kuparadzana nezvakapesana neizvo zvemwakadzidziswa. Ibvai kwavari. ¹⁸ Ngokuti vanhu vakadaro avashandiri Kristu Mambo wedu, asi vanoshandira ndani dzavo, nekureketa kwavo kwakaserera kwakanaka vanochengedzera mwoyo yeavo vasina ndaa. ¹⁹ Nokuti mufananidzo wekuzwisisa kwenyu kwa bata weshe. Ndinofara kwomuri, asi ndinoda kuti muwe vazii kune zwakanaka, neku tchena kune zwakachata. ²⁰ Mwari we rugare, mange utcha tsika satani ngepashi petsoka dzake. Iwai ne Nyasha dza Mambo wedu Jesu Kristu. ²¹ Timoti, mumwe wangu pa bassa, unokutsungamidza; Pamwechete nevabereki vangu, Luci, Jasin na Sosipatri. ²² Inini tarcio, unonyora tsamba iyi, ndimomutchungamidza muna Ishe. ²³ Gaiusi, unondiburira nechiara cheshe, unomutambisa. Erastusi, mungwariri wemare yedhorobha, unomutambisa, nehama yedu Kwatusi unomutambisa. [, ²⁴ Nyasha dzaMambo wedu Jesu Kristu ngadzigare nemwi mweshe. Ameni.] ²⁵ Zvino, kwaari unesimba rekumugwinyisa kudai ngezvinoronzwa ngevhangeri rangu nekuparidzira kwaJesu Kristu, kudai ngekuoneswa kwechakafishika chakangwarirwa mukunyarara kubvira pakutanga, ²⁶ Asi zvino chaoniswa kubvira ngezvinyorwa zvevaprofeti kumadzinza eshe, kudaingemupango waMwari unomhera nariini, kuitira kuti wasgwe nekugonda. ²⁷ Kunaye ega ne muzii Mwari, neguda kwa Jesu Krisitu, ngaa kudzwe zwa tchose. Amen.