¹ Hama dzangu, kuda kwemoyo wangu nekukumbira kwangu kunaMwari padera paIsraeri ndiko, kuti vaponeswe. ² Nokuti ndinovapupurira kuti vanoshingairira Mwari, asi havaiti nokuziva. ³ Nokuti, zvavakanga vasingazii kunaka kwaMwari, vakatsvaka kumuisa kururama kwavo vamene, vakasazviisa pasi pokunaka kwaMwari. ⁴ Nokuti Kristu mugumo womurairo pakutsvaka kunaka, kune mumwe nomumwe unotenda. ⁵ Nokuti Mosesi unonyora: ''echiti, munhu, unoita kunaka, kunorewa nomurairo, uchararama nazvo''. ⁶ Asi kunaka kunobva pakutenda, kunoreva kuti: ''Usati mumoyo mako: Ndiani uchakwira kudenga? (ndiko kuno unza Kristu); ⁷ kana, ndiani uchadzaka kwakadzikadzika? (ndiko kubudisa Kristu kuvakafa)''. ⁸ Asi kunorevei? Shoko riri pedo newe, mumuromo mako, nomumoyo mako; ndiro shoko rokutenda ratinoparidza. ⁹ kuti, kana uchipupura nomuromo wako kuti Jesu ndiye Ishe, nokutenda mumoyo mako, kuti Mwari wakamumutsa kuvakafa, uchaponeswa. ¹⁰ Nokuti munhu unotenda nomoyo, ndokururamiswa; unopupura nomuromo, ndokuponeswa. ¹¹ Nokuti Runyorhwa runoti: Aninani unotenda kwaari, haanganyadziswi. ¹² Nokuti muJudha nomuGiriki havasiyani; nokuti mumwe ndiye Ishe wavose, wakapfuma kunavose vanodana kwaari. ¹³ nokuti aninani unodana kuzita raShe, uchaponeswa. ¹⁴ Zvino vachagodana sei kunaiye, wavasina kutenda kwaari? Vachatenda seiko kunaiye, wavasina kunzwa? Vachanzwa seiko kana kusinomuparidzi? ¹⁵ Vachaparidza sei, kana vasingatumwi? Sezvazvakanyorwa, zvichinzi: Dzakanaka sei tsoka dzavanoparidza Evhangeri yorugare, namashoko omufaro ezviro zvakanaka? ¹⁶ Asi veshe havana kuzkwa mashoko kuvhangeri. Nokuti Isaya unoti: ''Ishe, ndianiko wakatenda zvatakaparidza? ¹⁷ Nazvo kutenda kunovuya nokunzwa, nokunzwa kunovuya neshoko raMwari. ¹⁸ Asi ndinovundza: Havana kunzwa here? Eya, zvirokwazvo. Izwi ravo rakabuda kunyika yeshe, Nemashoko avo kumagumo yenyika. ¹⁹ Kunze kwe izvi, ndinovundza: VaIsraeri vainga asika zii here? Pakutanga, Mosesi unoti: ''Ndichamusa kutsamwa kwenyu norudzi rusinganzwisisi''. ²⁰ NaIsaya, asingatki, unoti: Ndakavonekwa nevasina kundibvunza. Ndakazvikombedza kune vasina kundi bvunzisa. ²¹ ''Asi kuvaIsraeri unoti: Ndakatambanudzira mavoko angu zuva reshe kuvanhu vasingatereri, nevanokakavara