¹ 16Nimitivisa Mamana Febe, makwerhu Hosini lweyi atirhelaka kereke ya le Kenikreya; 2 ² Muyamukeleni hi vito ra Hosi, hilaha vakwetsimi va Xikwembu vafanelaka kuyamukeliwa hakona; kutani mimupfuna hi xin'wana ni xin'wana lexi angakombelaka lesvaku mimupfuna ha xona, hikuva apfunile lavanyingi, na mina anipfunile. ³ Nirunguleleni Prisikila na Akila, vatirhikulorhi ntirhweni wa Yesu Kriste, 4 ⁴ lavanyiketeke vutomi bza vona kuniponisa. Ahi mina ntsena lweyi avakhensaka, kambe na tona tikereke hinkwatu ta vamatiko tavakhensa. 5 ⁵ Nirunguleleni na yona kereke leyihlanganaka ndlwini ya vona. Nirunguleleni na Epayineto, murhandziwa wa mina, anga yena wa kusungula kupfumela ka Kriste le Aziya. ⁶ Nirunguleleni Mariya lweyi atirheke ngopfu xikarhi ka n'wina. 7 ⁷ Nirunguleleni Androniko na Yuniya, vanga Vayuda va ka hina lava anili na vona jele; vativeka svinene xikarhi ka vapostola, nasvona vanirhangelile kuva vava ka Kriste. 8 ⁸ Nirunguleleni Ampliyato, murhandziwa wa mina Hosini. ⁹ Nirunguleleni Urbano, mutirhikulorhi ntirhweni wa Kriste, na Stako, murhandziwa wa mina. 10 ¹⁰ Nirunguleleni Apele, munhu lweyi atshembekeke vukristeni. Nirunguleleni va njangu wa Aristobulo. 11 ¹¹ Nirunguleleni Herodiyoni, Muyuda wa ka hina. Nirunguleleni lavanga vakriste njangwini wa Narsizo. ¹² Nirunguleleni Trifena na Trifoza, vamamana lavatirhelaka Hosi. Nirunguleleni Persida, mamana lweyi arhandziwaka, lweyi atirheleke Hosi hi lesvinyingi. 13 ¹³ Nirunguleleni Rufo, mukriste lweyi ativekaka svinene, mirungula ni mamana wa yena, lweyi anga mamana ni le ka mina. 14 ¹⁴ Nirunguleleni Asinkrito na Filego, na Herme, na Patroba, na Hermasi, ni vamakwavu Hosini lavanga na vona. 1 ¹⁵ Nirunguleleni Filologo, na Juliya, na Neriya, ni makwavu waxisati, na Olimpa, ni vahlawuliwa va Xikwembu hinkwavu lavanga na vona. 16 ¹⁶ Xewetanani hi kun'quntana ka vukwavu. Tikereke hinkwatu ta Kriste ta mirungula ¹⁷ Namikhongelela vamakwerhu, nili: Mitivonela ka lavapfuxaka kuhambana, ni kukwatisana, lava vamihambukisaka tijondzweni leti mitikumeke; hambanani na vona; 18 ¹⁸ hikuva lavotano avatirheli Hosi ya hina Kriste, kambe vatirhela kunavela ka vona ntsena; hi kunandzihisa marito ni kusasekisa mavulavulela, vahambukisa kuyehleketa ka lava vangativiki nchumu. ¹⁹ Kuyingisa ka n'wina kutwakale ka vanhu hinkwavu; nitsaka hi n'wina mhakeni leyi; kambe nilava lesvaku miva lavatlhariheke hi tlhelo ra lesvinene, ni lava vangativiki nchumu hi tlhelo ra lesvobiha. 20 ²⁰ Xikwembu lexinyikaka kurhula, xitahantla xipfotlosela Sathana hansi ka milenge ya n'wina. Timpsalu ta Hosi ya hina Yesu, ative na n'wina! ²¹ Mutirhikulorhi Timotewu, wamirungula; na vona Vayuda va ka hina va Lusiyo na Yazoni na Sozipatro, vamirungula. 22 ²² Mina Tersiyo, mutsali wa papela leri, na mirungula hi vito ra Hosi ²³ Gayo, lweyi angatshama ayamukela mina ni kereke hinkwayu, wamirungula. Erasto, mutameli wa nkwama wa doropa, na Kwarto makwerhu, vamirungula. 24 ²⁴ Timpsalu ta Hosi ya hina Yesu Kriste ative na n'wina hinkwenu. Amen! ²⁵ Ka yena lweyi akotaka kumitiyisa, hi kuya hi Evhangeli leyi niyijondzisaka, manga mahungu ya Yesu Kriste, nasvona hi kuya hi xihundla lexingahlavuteliwa, xinga xihundla lexi axifihlekile hi malembe ni malembe, 26 ²⁶ kambe svosvi xihumeseliweke rivaleni hi Matsalwa ya vaprofeta, hi kulandza kulerisa ka Xikwembu lexingaheliki, xona xihundla lexi xingativisiwa vamatiko hinkwavu, lesvaku vanhu vapfumela, vatlhela vayingisa. ²⁷ Ka Xikwembu xili xoxe xa vutlhari, akuve kudzuneka ha Yesu Kriste, hi minkama ni minkama, Amen!