¹ Phauri, muranda waMwari nomupostori waJesu Kristu, ngokugonda kovakasanwa vaMwari noruzivo hwokadi hadi ingandiMwari, ² pakugondeka koupenyu uchingaperi Mwari, uchinganyepi, waakagondesa pamakore akapindiridja. ³ Panguva yakona, izvi Rake rakazivikanwa ngopamusoro pokuchumaira kondaka gondeka, ndikona kuenderana nokuvereketa kwaMwari, Muponesi wedu, ⁴ Tithusi, mwana wokadikadi ngokugondeka kwakabatana. Nyacha nokunyarara kwaMwari Baba, naKristu Jesu Muponesi wedu. ⁵ Ndakusiya kuti, urongedjere zviro zvakaimiswa pamutivi nokuvaridjira peresbitero mumadhorobha, inga zvendakakuvunja. ⁶ Peresbitero unodika kuita mudhu usikachooreki, murume womukadji umwe, novana vanogonda, kuchiripi vanorangaridjihwa kuti vangaita zvichina chwiro kana kuti vachkazwiri. ⁷ Zvinodika kuti mutungamiriri,mukuru wochiyara aite achika choreki ingamuchandiri waMwari, uchinakudjikudja, achikakasiki kurasika, uchingadi doro, uchingaiti hohoho, uchingadi maningi upfumi. ⁸ Ngokudaro, iyena unosisira unoachira varendo, wakanaka, wakangwara, wakacheneswa unodjibata. ⁹ Unosisira kubatisisa izwi rinogondeka inga ngozvaakadjidjiswa, kuti akone zvese kugwinyisa ngodjidjiso yogwinyiso, nokuvanyisa vaiya vano itahacha. ¹⁰ Ngokuti varipo vazinji vachinga prutani, vano vereketa zvichina chwiro, vanochengedjera, maningi vaiya vokuchekwa. Vaiya vanosisira kuti muromoyavo inyaradjwe; ¹¹ Ngoti vanoparadja mbhupi djese, vechdjidjisa, zvichinga sisiri, ngondava yokuda pfuma inoswina ¹² Wainga umwe wavo wava profiti wavo kamare wakananga kuti: ''Vakrete vanyepi nguvadjese, zvikara zvakachata vano kara vano nungo''. ¹³ Uchapupu uhwo hunogwinyiso, ngondava yondhoyo vanorambidja maningi, kuti vanake mukugonda. ¹⁴ Muchapurutana kungano djovajudha, ngokuti kumupango djovandhu vanoramba gwinyiso. ¹⁵ Kunovakachena, zvese zvakachena, asi kuno vakaswipiswa novachikagondi, apana chakachena, murangaridjo yavo noyumba zvakaswipisa. ¹⁶ Vanonanga kuti vano muziva Mwari, asi vanomuramba ngomuchando yavo. Vanonyangadja, avaprutani, avabeseri chiro pamuchando yakanaka yese.