¹ Iwewe, ngokudo, unovereketa zvinoenderana nozvidjidjiso zvine gwinyiso. ² Vanarume vakuruwani vanodika kuti vadjibate vereremedjek, vakangwara vanogwinyisa pakugonda, murudo nomukuchingirira. ³ Vanakadji vakuru, zvimwezvovo, navahambe inga ngazvinosisira vakacheneswa, vachikarevi, vachikadi doro rakawanda, ⁴ Kuti vadjidjise vasikane vadoko kuti vade vanarume vavo novana vavo, ⁵ kuti vaite vakangwara, vakachena, vano ngwarira muzi vavo vano nyacha, vanopfavira madjimwamuna avo, kuti izwi raMwari richazo tukwa. ⁶ Ngokudaro, vunja vafana vadoko kuti vaite vanodjibata. ⁷ Ngozviro zvese wechidjivonisa kuita chivonero chomuchando yakanaka, muzvidjidjiso zvako wechivonesa kugondeka nokureremedjeka, ⁸ nokuvereketa kakanaka, kuchikachooreki, kuti gava ritseruke, kuti richavona chiro chakachata charingavereketa ndisu. ⁹ Vunja vabativobasa kuti vapfavire madjimambo avo nokunasa kuva dakadjisa ngozviro zvese, vachikavaphikizi; ¹⁰ vachikavabiri asi vechivonesa kugonde kwese kakanaka kuti vanemese zvidjiso zvaMwari muponesi wedu muzviro zvese. ¹¹ Ngoti nyacha djaMwari djakavoneka, djnovisa kuponesa kunovandhu vese, ¹² djetidjidjisa kuti tirambe zvakachata nokuemura, zvomunyika, nomumazuva aya tipone ngokungwara nomukunaka nokunamata Mwari, ¹³ Ponthopo techingwarira gonda rakapfumiswa ngokuvoneka koukuru hwaMwari wedu mukuru nomuponesi, Jesu Kristu. ¹⁴ Ndiyena wakadjipira ngondava yedu kuti atiripiri kuva mukuchata kwese nokuti atichenesere kuti vandhu vaite vaka kamere, vanonyangadjirihwa kuita muchando yakanaka. ¹⁵ Nanga zviro izvi, uvavunje nokuva raambidja ngosimba rese. Uchatendera mundhu kuti akuchore.