¹ jesu katanga kuvadjidjisa ngomuezaniso echiti: "mwanarume umweni wakasima muchero wake, wakautendenudja ngorusosa, wakatcha mwimbo kuti azoswiniremo muchero. wakavakazve chitumba wakausiya kuvandhu varimi wakabuda akaenda nthambo. ² Nguva yokadi yaguma yokukorora. ³ Iyena wakatuma muchandi umwe kuvarimi kuti vapochere zvavo zvomuchero womumbuti. Asi vakamubata vakamubaya vomuhwiridja achikana chiro. ⁴ Asi wakatumazve umweni vakamutaka vakamukuzvura musoro vomutserudja. ⁵ Iyena wakatuma umweni endhoo vakamuuraya. ivona vakaitira vachandi vazinji zvimwezvo vakamubaya vamweni vechiuraya vamweni ⁶ Wainga asara mwana wake umwe mudiwa, wokupedjisira wovakazotumihwazve. ivona vanozoreremedja mwana wangu. ⁷ Asi varimi vakatanga kuverengerana vegavega vechiti: uwu ndiyena mune wopfuma, ngatimuuraye kuti pfuma igare yedu. ⁸ Ivona vakamutikinya vomuuraya kunja komunda. ⁹ Ngokudaro unozoitenyi mune womunda? iyena unozoviya, wouuraya varimi wopa vandhu vamweni munda. ¹⁰ ngondava auzivi kuverenga matahwa aya? buwe rakarasiwa ngomuvaki rakazoita chikina chonyumba. ¹¹ Izvi zvinova kuna mambo zvichamiso mumeso edhu". ¹² Ivona vaitsaka gwanja kuti vasunge jesu asi vaitya mphungano, nokutizve wainga azvinanga ngomuezaniso kwavari . vakamusiya vopinda. ¹³ Ivona vakamutumira vanganani vovafarisi novaherodhi kuti vamuwanire mumagama ariese. ¹⁴ Povakaguma vakati kwaari: "mudjidjisi, tinozviziva kuti uri wokadikadi aunenyi nokubesera kariwese, autongi ngokuvona kumeso kovandhu mugwinyiso unodjidjisa gwanja ramwari. zvakanaka here kuripa zvidesima kuna sezari? zvinoita kuti tiripe here kana kuti haiwa? ¹⁵ Asi jesu waiziva muedjo yavo wakati kwavari: munondiedjerenyi? ndivisirenyi siriva ndirivone". ¹⁶ Ivona vakamuvisira imwe. waro jesu wakavunjisa: kumeso nozvitahwa zviri apa ngozvani? ". ¹⁷ Ivona vakamudavira: "ngozvasezari". jesu wakati pekedjanyi zvasezar kuna sezari zvamwari kuna mwari". vakakaruka Ndiena. ¹⁸ Waro vasadhuki vanonangaya kuti akuchinazve kumuka ivona vakamuvunjisa vechiti: ¹⁹ "Mudjidjisi, mosi wakatisiiira matahwa "anoti hama yorume ikafa yosiya mukadji achina mwana, hama yake unodikana kuirovora noniyo kuitira kuti abare vana kuitira hama yake'. ²⁰ kwainga hamanohama nomwe; wokutanga wakarovora mukadji, wofa achina vana. ²¹ Wochipiri wakatoravo mukadjiwo, wofavo achina vana. wochitatu zvimezvovo. ²² Vanomwe vese avazivi kusiya vana. sure kwavese, mukadjiwo wakafavo. ²³ Pakumuka vakazomuswa mukadjiwo unozoita wani? ngoti hamanohama nomwe djakamuita mukadji". ²⁴ Jesu wakavadavira: andizvopi ngokudaro makatchengedjeka, amumazivi matahwa kana kuti simba ramwari? ²⁵ Asi pakumuka kovakafa, akuchinazve kurovorana kana kuti muchado, asi vanogara inga ngirosi mudenga. ²⁶ asi ngondava yovakafa vanozomuswa, amuzivi kuverenga bhukhu ramosi here, pandau inonanga ngopfiba, ngogwanja riya mwari paakavereketa kwaari echiti: inini ndini mwari waabirahama, mwari waisaka najakobe?: ²⁷ iyena asipi mwari wovakafa asi wovapenyu. kuposeka kwenyu kukuru". ²⁸ Umwe wovatari wakaviya wakazwa kudjipanisana kovaita, iyena wakavona kuti jesu wainga avadavira zvakanaka. wakamuvunjisa kuti: ngowapi mupango unosisira maningi padjese idji? ²⁹ Jesu wakadavira: Mupango unosira ngauwu: izwa, iziraeri mambo mwari wedu ndiyena umwe basi mambo. ³⁰ Unozoda ngokudaro, mambo mwari wako ngomwoyo wako wese, nokufema kwako kwese nokuzwisisa kwako kwese nomasimba ako ese. ³¹ Mupango wochipiri ngauwu: Ida hama yako inga zvaunodjida iwewe kamare. Akuchinazve mupango unopinda uwu" ³² Waro mutari wakati kwaari: "zvakanaka maningi, mudjidjisi! muchokwadi mananga kuti mwari ndiumwe basi, akuchinazve umweni kuchiripi iyena basi. ³³ Mudenyi ngomwoyo wese mudenyi ngokuzwisisa nomasimba ese, ida hama yako inga zvaunodjida iwewe kamare, unosisira kupinda djese mupiro nomubairo". ³⁴ jesu paakavona kuti iyena wainga avadavira zvino ruzivo, wakamuvunja kuti iwewe auripi nthambo noumambo hwamwari". kuva pondhopo, apana wakazomuvunjisazve jesu. ³⁵ jesu painga echidjidjisa muchiyara, wakavadavira echiti ngenyi vatari vanoti kristu mwana wadhavidhi? ³⁶ Dhavidhi wakananga ngomweya muchena: mambo wakati kunamambo wangu: gara pamukono muho wangu mphera ndaita kuti vanokuzonda vaita chitambariro chosoka djako. ³⁷ Dhavidhi unodainja kristu kuti mambo, kuitisa kudini ungaita mwanawake? ". Mpungano yaizwa ngokudakara. ³⁸ Muzvidjidjiso zvake, jesu waiti ngwariranyi vatari, vanoda kufamba nonguvo jakareba, nokukutchungamidjwa mundau djakazara ngovandhu, ³⁹ Mundaudjinosisira nomusinagoga mudjindau djinoreremedjwa. ⁴⁰ ivona vanophanya nyumba djovanoni kuti vadjivonise, vanoita munamato yakareba. Vanozoraswa nthambo''. ⁴¹ waro jesu wakagara phedo no bokiso romunikero padivi rochiyara. iyena wainga echivona vandhu pavaiinga vechikhandira mare djavo mubokiso. vandhu vazinji vapfumi vaikhandira zvakawanda zviphuku zvomare. ⁴² Waro murombo noni yakaguma yodira matchereni maviri anokwana gumi rombondo. ⁴³ Jesu wakadainja vadjidji vake wakati kwavari: "muchokwandi ndinomuvunja kuti: murombo noni iyi ndiyona yadira kupinda vese vanekeraya mubokiso. ⁴⁴ Vese vapa zvovaida asi, noni iyi, ngokuchena kwayo yapa zvese zvoyainga nazvo kuti ipone ndizvona