¹ Povainga vokhedera mujerusalema, phrdo nobhtfage nobhetaniya mudunthu rooriva, jesu wakatuma vaviri vovadjidji vake ² wakati kwavari; ''endanyi kuchiungano chiri pambedji penyu. pamunonga mechingena munokhanda chimbongoro chichito chasungihwazve. chisudjunyurenyi muviye nacho. ³ mundhu hake akamuvunja kuti murikuzviitirenyi izvi? muvunjenyi kuti: mambo varikuchida asi ngokukasika tinozochihwirijazve kuno''. ⁴ ivona vakaenda vakachikhanda chimbongoro chakasungihwa pamusuvo padivi rokunja pagwanja vakachisudjunyura. ⁵ Vandhu vanganani vainga varipo vakavavunjisa: "murikuzviitirenyi kusudjunyura chimbongoro?". ⁶ Ivona vakadavira inga zvavakavunjwa ndijesu, vandhuvo vakavasiya vopinda. ⁷ Vadjidji vaviri vajesu vakatora chimbongoro vakaenda nacho kuna jesu, vakabhisa nguvo djavo vodira panyezuru pacho, jesu wokhira pamusana pacho, ⁸ Vandhu vazinji vakawadja nguvo djavo mugwanja vamweni vakawadja matavi omuchindo ovainga vagura ⁹ musora. Vaitungamira kumbedji kwake novaitevera sure vaidainjira: " hozana! ngzvicheneswe zvinova ngomuzina ramambo! ¹⁰ Ngaucheneswe umambo unova kuna baba wedu Davidi , hozana kumatenga!" ¹¹ Jesu wakangena mujerusarema, wakaenda kuchiyara wakavona zvese ngo, ngomuberere. ngoti ainga amadeko wakaenda kubhetaniya noguminavaviri, ¹² Pazuva rochipiri, povakaviyazve kubhetaniya vainga vechizwa njara ¹³ Paakavona mumbuti waikhombija masakani awo ngonthambo wakavona kuti dangani ungawanemo muchero uri wese. paakaguma phedo nawo aazivivi kuwanemo chiro kuchiripi masakani basi, ngoti yainga ichiripi nguva yomuchero. ¹⁴ Jesu wakati kumumbuti: akuchinazve uchazohazve muchero wako". vadjidji vake vakazvizwa. ¹⁵ Vakaviya kujerusarema. echingena muchiyara jesu wakatanga kugogomera vese vaitengeseremo novaitengaro. wakavindudja mathrbura ovandhu vaichicha mare nozvituru zvovandhu vaitengesa njiva. ¹⁶ Aazivi kuzotenderazve kuti ariwese agure ngopachiyara akathwara chirichese chinotengeswa. ¹⁷ iyena waivadjidjisa, echiti: "azvizivi kutahwa here kuti: nyumba yangu inozodainjwa nyumba yomunamato kunyika djese? waro imwimwi murikuiita bako rombava " ¹⁸ Vakurukuru vovaprista novatari vakazwa zvaiinga echivereketa vakatsaka gwanja rokuda kumuuraya. asi vaitya ngoti mphungano yese yaiipurukira zvidjidjiso zvake. ¹⁹ Chomadeko ivona vakabuda mudorobemo ²⁰ Chomagwanai matete vechifamba vakavona kuti mumbuti wiya wainga wavoma nomudji yawo. ²¹ Petro echitcheudjira wakati: Rabi, ndiwona mumbuti womakatukaya wavoma". ²² Jesu wakamudavira wakati: gara nokugonda munamwari. ²³ Mugwinyiso ndinomuvunja kuti ariwese wenyu unovunja dunthu: vitikai ukhandihwe mubahari; achikakanikani mumwoyo make asi echigonda kuti zvanangwaya zvinoitika, Mwari unoita kudaro. ²⁴ ngokudaro ndinomuvunja kuti zvese zvamuno kumbira mumunamato, gondanyi kuti matozviwana, ²⁵ unozozvipuwa. Pamunonga mechinamata, munodiwa kuregerera zvaunazvo kaari wese, kuitira kuti baba wenyu vari kudenga vamuregererevo zvichaichi zvenyu. ²⁶ Mukatamakuregerera vamweni nababa wenyu vokudenga avazomuregererivo zvichaichi zvenyu. ²⁷ Ivona vakahwirirazve kujerusarema. jesu paaifamba ngomuchiyara vakurukuru vovaprista novatari novachandi vakaenda kwaari. ²⁸ Vakamuvunjisa: "isimba rapi raunoita ndirona zviro izvi? ndiyani wakakupa simbero kuti uriite? ²⁹ Jesu wakavavunja: ndinoda kumuvunjisa muvunjo mukandidavira inini ndino muvunjavo kuti isimba rapi randinoita ndirona zviro izvi ³⁰ . babatidjo yajohani yainga yomudenga kanakuti yovandhu? ndidavirenyi". ³¹ Ivona vakatanga kudjipanisana ngomagama vegavega vechipopota vaiiti: '' tikananga kuti: ngomudemga, iyena unonanga kuti: waro ngenyi amuzivi kumutenda?" ³² Asi tikananga kuti: kuvandhu: .." ivona vaitya chiungano, asi vandhu vese vaireremedja johani inga muorofeti kamare. ³³ Vakamudavira jesu vechiti atizvizivi". pondhopo jesu wakati: nakamwezve kuti ndingamuvunja kuti isimba rapi randinoita ndirona zviro izvi".