¹ Kusuka kaku tswaliwa ka Jesu a Betelehema wa Judiya, ka kama wa Hosi Heroda, ava tivi va kutxeni ka gambo vafika a Jerusalema, vaku: ² "Ukwihi loyi anga tswaliwa, a Hosi yama Juda? Hivonile a nyeleti ya yena akuxeni se hita hitayi khongela".

³ Loko Hosi Heroda , azvitwile lezvi, u nyenyeziwe, na yena hikwayo a Jerusalema. ⁴ Heroda udivanisile vahombe na vapirisita nava tsali va vanhu, avutisa: "Kristu uta belekeliwa kwihi?" ⁵ Vona vaku: "a Betlehema ya Judiya, hiku zvitsaliwe hi mu phorofiti: ⁶ 'Hi wena, Betlehema ka tiko ga Judiya, hiku ka wena ku ta huma hosi leyi yi nga ta fambisa xitsungu xa mina a Israeli"". ⁷ Hikokwalaho Heroda uvitanile ava hombe nava tivi aku atava vutisa zva kahle aku a nyeleti i vonekile rhini. ⁸ Yena uva rhumelile a Betlehema, na aku: "Fambani ma lava xifanyana . Loko muxikuma , muni bwela, aku mina ni taya naxi gandzela". ⁹ Nava hetile akutwa a hosi, vafambile, a nyeleti vangayi vonile amahumela gambo yivarhangelile kuza iya nyima ka ndau kungahi na xifanyana. ¹⁰ Loko na va vonile a nyeleti, vatsakile ngovu. ¹¹ Vona vangenile a dlwini, vavona a xifanyana na Maria, mamani waxona, vakhizama vaxi gandzela. Vona vulile a fumo wa vona vamunyika zvinyikelo: golidi, incenso inga mirrhi na mafura. ¹² A Xikwembu xiva bwelile awurhongweni zwaku vangaha thleli hika Heroda, hikwalaho vona va yile a tikweni ga vona hi ndlela imwani. ¹³ Loko se nava fambile, a ngirosi ya Hosi atile au rhongweni ka Joze na yiku: "Vuka u koma xi fanyana na mamani wakona, mu tsutsuma muya Egipita. Tsama kona kufika mina niku bwela, hiku Heroda ulava a xifanyana aku axi dhlaya". ¹⁴ Ka usiku legiya, Joze Uvukile, a koma axifanyana na mamani wa kona va famba a Egipita. ¹⁵ Yena u tsamile koseyo kuza Heroda afa. Lezvi zvi mahiwe aku kumaheka lezvi Hosi yinga bwelile hi mu Phorofiti: "Ka Egipita nivitanile a mwana ma mina". ¹⁶ Hikokwalaho loko Heroda a vonile aku u hembeliwe hiva tivi, u kwatile. Yena u rhumile aku va dlaya azvi fanyana hikwazvo zvingana malembe mambirhi kumbe matsongwani zvingahi a Betlehema nale ka ndau hikwayo, kuyelana na kama ungabaliwe hiva tivi. ¹⁷ Hikokwalaho zvimahiwe lezvi zvinga baliwe ni Phorofiti Jeremia: ¹⁸ A rhiti gitwele a Rama, gaku rila ngovu ahi Rakeli anga rhila vana vakwe, na angalavi ku miyetiwa hiku avahahi kona". ¹⁹ Kama Heroda angafa, hikwalaho kungata a ngirosi ka Joze a Egipita yiku: ²⁰ "Suka u khoma achi fanyana na mamani wa kona u famba aka tiko la Izirayeli, hiku lava vanga zama aku khipa awutomi ga xiifanyana va file".

²¹ Joze usukile a khoma a xifanyana na mamani watxona, vaya aka tiko ga Izirayeli. ²² Hikwalaho, loko atwile aku Arikelwau se yi hosi ka ndau ya bava wakwe Heroda, u txavile akuya kona. Loko va tivisiwile hi xikwembu awurongweni, yena usukile aya ka tiko ga Galeliya, ²³ U yile a hanya ka dhoropa vango i Nazareta. Zvimahekile lezvi ama phorofiti mangabala, aku yena utatavitaniwa muNazareno.