¹ Vamwani va vafarisi na vatsali va nga ta yile Jerusalema ka Jesu va ku: ² "Hikwalaho ka yini vadjondzisiwa va tsika mukhuva leyi hi yi kumeka ka lava khale? Hiku va ga vanga thlambanga mavoko". ³ Jesu a hlamula a ku ka vona: "Na mwina mu tlulela yini nawu wa Chikwembu hi mukhuva ya mwina? ⁴ Chikwembu chi ku: 'U va na chichavo ka bava wa wena na mamani wa wena; loyi a rhukatelaku bava wa yena na mamani wa yena, u ta dlayiwa. ⁵ Kambe no ka mwina: 'Loyi a to bwela bava wa yena na mamani wa yena, a ku: 'Lezvi a ni ta fanela ku fhuna ka zvona, i nmamba leyi hlayiseliwaku Chikwembu', ⁶ Ka mwina a munhu loyi a nga ha hi na fanelo a ku fhuna bava wa yena' kutani mu ona rhiti ga Chikwembu hi mukhuva ya mwina. ⁷ Vanganyisi! muprofita Isaya ubalile kahle hi mwina kama a nga ku: ⁸ 'Vanhu lava va ni chichima hi nomo, kambe timbilu ta vona ti le kule na mina. ⁹ Va tikarhata tsena hi ku ni khinsamela, zvidjondzo levi va djondzisaku hi munawu ya vanhu tsena"'. ¹⁰ Kutani Jesu a vitana chitsungu a ku ka chona: "Yingisani, mu twisisa: ¹¹ Lezvi ngenaku ka mwina, a hi zvona lezvi nyamisaku munhu, kambe lezvi humaku ka mwina, hi zvona lezvi nyamisaku munhu." ¹² Vadjondzisiwa va ta ka yena ka ku: "Wazvitiva a ku vafarisi va khunguvanyekile loko va twile ma rhiti ya wena ke? ¹³ Jesu a hlamula a ku: "Musinya hikwayo leyi yo kala yinga bwaliwanga ni bava wa mina wele matilweni yita tsuvuliwa. ¹⁴ Vatsikeni, hi lava vofa matihlo lava va fambisaku vofa matihlo, loko loyi ofa matihlo ufambisa wofa matihlo, va ta wena a ndleleni hi wu mbirhi ga vona". ¹⁵ Pita a hlamula a ku ka Jesu: "Hi tlamusele a chifaniso lechi". ¹⁶ Jesu a ku: "Na zvezvi ma ha vumala ku twisisa na mwina ke? ¹⁷ A muzvitivi le zvaku hikwazvo zvi ngenaku a nomweni zvi nga hi a mbilwini, zva chukumetiwa a nhoveni ke? ¹⁸ Kambe lezvi zvi humaku hi le ka nomo zvi suka mbilwini. Hi zvona lezvi nyamisaku munhu. ¹⁹ Hiku muhleketa lezvi zvo biha, na ku dlayana na vuozvi, na vuphukuphuku, na ku yiva , na vumbini go hemba , na ku chandzana, zvi huma mbilwini. ²⁰ Hizvona lezvi zvi nyamisaku munhu. Kambe ku ga hi mavoko mo kala manga hlambiwanga a hi zvona zvi nyamisaku munhu". ²¹ Jesu a suka kwalaho a ya tikweni ga Tiro na Sidom. ²² Ku ta wa sati wa Canana hi le ka tiko legi, na huwelela a ku: "Ni twele usiwana, Hosi, mwana Davita; mwana wa mina wa wanhwanyana machaniseka ngovu hi dimoni". ²³ Kambe Jesu a nga mu hlamulanga chumu. Vadjondzisiwa va yena va mu kombela va ku: "Mu hlongole, hiku yena u huwelela a ndzako ka mina". ²⁴ Jesu a hlamula a ku: "A ni rhumiwanga ka vamwani, loko ku nga hi ka vaisrael lava va yendlaku ku kona na makhumba". ²⁵ Wasati a ta a ta mukhizamela a ku: "Hosi, ni fhune". ²⁶ Yena a hlamula: "Azvi sasekanga ku tekela vana avuswa u nyika timbwana". ²⁷ Yena a ku: "Ina, Hosi, kambe nambi ti mbwana ti ga matlatla lawa ma waku ka ti tafula ta vanhu". ²⁸ Jesu a hlamula a ku ka yena: "Wasati, kuvumela ka wena ka hombe! a ku yendliwe hi laha u kombelaku kona". Mwana wa yena a hanyisiwa ka kama yalowo. ²⁹ Loko jesu a sukile kwalaho, a thlelela ku suhami na lwandle ga Galeliya. A heta a kwela a thlaveni a tsama. ³⁰ Chitsungu cho tala chi ta ka yena; a vanhu a va tisa vo khwita, n zvilema, na lava vofa matihlo, na timbeveve, na va mwani vo tala hi va veka munengeni ya Jesu, yena a va hanyisa.

³¹ Chitsungu chi hlamala loko chi vona timbeveve ti valavula, na zvilema zvi hanyisiwa na lava vokwita va famba na lava vofa matihlo va vona. Vona va dzunisa Chikwembu cha Israel. ³² Jesu a vitana vadjondzisiwa a ku ka vona: "Ni twela chitsungu lechi usiwana, hiku va xwile ma siku ma nharhu na mina, a va ha hi hava zva kuga. A ni nge va thlelisi ma kaya va nga ganga, hiku va ngawa dleleni". ³³ Vadjondzisiwa va ku ka yena: "Hi nga zvi kuma kwihi kwala mananga zvo phamela chitsungu lomu tano, vaga va churha?"

³⁴ Jesu a ku ka vona: "Mu na mapawa ma ngani ke?" Vona va ku: "Thlanu na mambirhi, na chidluwani chimwe". ³⁵ Jesu a lerisa chitsungu lezvaku chi tsama hasi. ³⁶ Yena a teka thlanu na mambirhi wa mapawa na chidluwani, a khesa, phama, a nyika vadjondzisiwa, vona va phakela chitsungu. ³⁷ Hikwavo va ga, va churha, va rholela na matlatla lawa ma nga sala, ma tala zvirhundzu sva thlanu na zvi mbirhi lezvi zva hombe. ³⁸ Lava va nga ga a va hi vanhu v 4000, loko ku nga hlayiwi vavasati na vana. ³⁹ Hikokwalaho a thlelisa chitsungu, a ngena a mukhumbini, a ya a tikweni ga Magadani.