¹ Akama yalowo loko ku twakala ka Jesu ku fikile a tindleveni ta hosi Heroda. ² A ku ka malandza ya yena: "Munhu loyi ni Johani, Batista, u yo vuka ku feni, kutani zvona lezvi yendlaku lezvaku mutirho leyi ya matimba yi vonaku ka yena". ³ Heroda a khomile Johani, a mu boha, a mu ngenisa a khotsweni hi mhaka ya Herondina, a sati wa makwenu wakwe Filipi, ⁴ hiku Johani a mubwelile ku: "A wu vumeleliwi ku tekela makwenu a sati wa yena".

⁵ Heroda a lavile ku mu dlaya, kambe a chava vanhu, hiku a va ku Johani muprofita. ⁶ Kambe a khubyeni wa siku ga ku belekiwa ka Heroda, mwana wa Herondina wa chisati a xhina a mahlweni ka vanhu a tsakisa Heroda. ⁷ Hikokwalaho Heroda a mu tsembisa hi ku tlamanya, a ku Chimwani na chimwani u to chi kombela ni ta kunyika chona. ⁸ Hiloko a bweleteliwe ni mamani wakwe ku hlamula a ku: "Ni nyike hloko ya Johani Batista ko kwala, hi hi kambaneni". ⁹ Hosi yi khomiwa hi tingana; kambe hi kwalaho ka ku hlambanya ka yona, na kwalaho ka lava tsamaku na yona svakudheni, yi lerisa lezvaku lezvi a zvi fanela ku maheka. ¹⁰ Ku rhumiwa vanhu va ya tsema hloko wa Johani a khotsweni. ¹¹ Hloko wakwe u tisiwe u hi ka ngelo, va nyika mwananyana, yena a yi siya ka mamani wa yena. ¹² Vadjondzisiwa va Johani va ta, va ta teka mtsumbu wa yena va ya wu lahla. Kutani va ya tivisa Jesu. ¹³ Loko Jesu a twile a ti mhake leti, a suka kwalaho hi mhumbi, a pelela laha ku nga na mananga, a gi yeche. Loko chitsungu chi zvi twile, yi huma mutini yi mu landza hi munenge. ¹⁴ A ku humeni ka yena a mukhumbini a vona chitsungu chakutala, kutani a mu twela vusuwana, a hanyisa lava va wabwaku a chikari ka vona . ¹⁵ Loko gi pelile, vadjondzisiwa va ya ka yena va ku: "Lowu i mananga, na zvona kama wu hindzile, thlelisa chitsungu, yi ya mutini, yi ya chavela zvakudla". ¹⁶ Kambe Jesu a ku ka vona: "A va fanelanga ku suka; va phameleni mwina". ¹⁷ Va ku ka yena: "A hi na chumu laha, loko ku nga hi thlanu wa mapawa na zvi dluwani zvimbirhi". ¹⁸ Jesu a ku: "Zvi tiseni ka mina". ¹⁹ Jesu a lerisa chitsungu ku tsama hasi byanyini, a teka mapawa lawa ya tlhanu na zvi dluwani zvimbirhi, a languta hehla atilweni, a khesa. Kavaloko a phamela mapawa lama, a nyika vadjondzisiwa, vona va vela chitsungu. ²⁰ Hikwavo vadla va churha; va rholela matlatla lwa ma nga sala, khume na mumbirhi wamu ndzava yinga tala. ²¹ Lava va nga dla a va hi vanhu va ku kwana thlanu wa magidi wa vanhu na kunga tlayiwi va vasati na vanana. ²² Andzako ka zvezvo, Jesu u lerisile va djondzisiwa va yena ku va ngena a mukhumbini va ya tsungeni , loko yena na u hi kari na tlelisa vanhu . ²³ Kuteloko a tlelisile chitsungu lechi a, yena a khwela a tsaveni a ya khongela thlelo; u peleliwe a hi yeche. ²⁴ Kambe a mukhumbi a u hi kule na musava, gi tsekatsekisiwa hi magandlati, hiku a moya a uba kuya ka vona. ²⁵ Hi kama wa mahlamba dlofu, a ta ka vona, a hi kama na famba hehla ka lwandle. ²⁶ Loko vadjondzisiwa va mu vona na a kari a famba hehla ka lwandle va tchuka ngovu va ku: "I Chipoko!" Vona va huwelela hi ku chava. ²⁷ Kambe Jesu a hatla a vulavula na vona, a ku: "Tiyisani timbilu! ni mina! mu nga chavi". ²⁸ Pita a mu hlamula a ku: "Hosi, loko a hi wena hakunene, lerisa lezvaku ni ta kwalaho hi le hehla ka mati". ²⁹ Jesu a ku: "Tana!" Hikokwalaho Pita a huma matini a famba hehla ka mati a ya ka Jesu. ³⁰ Kambe, loko Pita a vonile moya, u chavile; a sungula ku mbombomela, a huwelela a ku: "Hosi, ni hanyise!". ³¹ Jesu a andlala voko a koma pita a ku ka yena: "Munhu wa ku vumela ku tsongwani, u kanakanela yini?" ³² Loko va ngenile mu khumbini a moya u miyela. ³³ Vadjondzisiwa a mukhumbini khisamela Jesu va ku: "Hakunene u mwana wa Chikwembu". ³⁴ Loko va pepele a tsungeni, va fika a tikweni ga Genesareta. ³⁵ Loko vanhu va kna va tivile lezvaku hi yena Jesu, va rhumele rhiti a mathlelweni hikwawo, kikwavo lava va wabwaku va tisiwa ka yena. ³⁶ Vanhu va mu khongela lezvaku a vumelela lava vaku wabwa ku va khumba hambi ku yi makumu ka ti pahla ta yena tsena kutani hikwavo lava va nga mu khumba va hanyisiwe.