¹ Buku ya lixaka la Jesu Kristu, n'wana wa David, n'wana wa Abrahama. ² Abrahama ahi bava wa Isaka; Isaka, ahi bava wa Jakobe; Jakobe, ahi bava wa Judasi nati ndzisana takwe; ³ Juda ahi bava wa Faresi na Zera, vahlayisiwi va Tamara. Faresi ahi bava wa Esrom; Esrom ahi bava wa Aramu; ⁴ Aramu ahi bava wa Aminadebe; Aminadabe, bava wa Nasom; Nasom, bava wa Salmom; ⁵ Salmom ahi bava wa Bowasi, mulhayisi wa Raabe; Bowasi, ahi bava wa Obeti, muhlayisi wa Rute; Obeti, bava wa Jesse, ⁶ Jesse ahi bava wa hosi ya David. David ahi bava wa Solomoni, muhlayisi wa sati wa Uriya. ⁷ Solomoni ahi bava wa Robowamu, Robowamu, bava wa Abiya; Abiya, bava wa Aza. ⁸ Aza, bava wa Josifati; Josifati ahi bava wa Joramu, Joramu abeleka Oziya. ⁹ Oziya, ahi bava wa Jotamu; Jotamu bava wa Akazi; Akazi, bava wa Ezekiya; ¹⁰ Ezekiya ahi bava wa Manase; Manase, bava wa Amoni; Amoni , bava wa Josiya, ¹¹ Josiya ubelekile Jokoniya nati ndzisana takwe, ka kama waku hlongoliwa kuya a Babilona ¹² Ndzako kaku hlongoliwa kuya Babilonia, Jokoniya ahi bava wa Saratiyeli; Saratiyeli, u belekile Zorobabel; ¹³ Zorobabeli, ahi bava wa Abiyudi; Abiyudi, ahi bava wa Eliyaquim, Eliyaquim, bava wa Azori; ¹⁴ kori ahi bava wa Sadoki; Sadoki, bava wa Akimu; Akimu, bava wa Eliyudi; ¹⁵ Eliyudi ahi bava wa Eliyazara ; Eliyazara bava wa Matani; Matani bava wa Jokobe, ¹⁶ Jakobe ahi bava wa Joze, nuna wa Maria, laha kunga tswaliwa Jesu, loyi avitaniwaku Kristu. ¹⁷ Hikwavo avatswali: va abrahama kusukela ka Abrahama ku ya fika ka Davita, tixaka hikwato i khume na mune, ku sukela ka Davita ku ya fika a karini wa ku yisiwa a Babilona, i tixaka ta khume na mune; kutani ku sukela a karini wa ku yisiwa Babilona ku ya fika ka kristu, i ti xaka ta khume na mune. ¹⁸ Aku tswaliwa ka Jesu Kristu kumahisile lezvi: Maria, mamani wa yena, ahi sati wa Joze, mara avangaso txada, yena anyimbisiwa hi moya wokwitsima. ¹⁹ Joze, nuna wa yena, ahi wa nuna watiyiso, angalavanga ku mu moxa ka vanhu, a hleketa aku heta mutxado axi hundhleni. ²⁰ Na hleketa mutxumu leyo, a ngirosi yim'we ya Hosi yitile ka yena awurongweni, yiku: "Joze, n'wana wa David, unga txavi ku amukela Maria sati wa wena, hiku lezvi zvi hlayisiwaku hi yena zwa moya wokwitsima. ²¹ Yena uta tswala a n'wana ende wena utamuvitana ku Jesu, hiku yena uta hanyisa axitsungu aka zwidjoho zwa vona". ²² Hikwazvo lezvi zvimahekile aku ku mahiwa lezvi a Hosi yinga balile aphakati ka mu phorofiti: ²³ Mazvivona, wa sati u ta tika, a beleka n'wana wa mufana; va ta mu txula vito ga Emanuwele, zvi balaku 'Chikwembu xi nahina"'. ²⁴ Joze loko na vuka awurhongweni umahile lezvi a ngirosi yingamu bwelile ende umu amukelile tani hi sati wakwe. ²⁵ Hikokwalaho ava ethlelanga hi kwavo, kuza a kuma n'wana. Ende yena umunyikile a vito ga Jesu.