¹ Tinyimpi tivangiwa hi yini, ni kulwa xikarhi ka n'wina kuvangiwa hi yini? Xana asvivangiwi hi kunavela ka n'wina ka kutitsakisa, lokupfuxaka tinyimpi svirhweni sva n'wina, xana? ² Manavela, kambe amikumi nchumu, hi kolaho madlaya. Nasvona, mi ni timbilu, kambe amikoti kusvikuma, hi kolaho malwa, mivanga tinyimpi. Amisvikumi, hikuva amikombeli. ³ Nasvona loko mikombela, mahoxa, hikuva mitilavela ntsena svotitsakisa ha svona. ⁴ N'wina vanhu va vuwosvi, xana amisvitivi lesvaku kurhandza sva misava svivula kulwa na Xikwembu xana? Hikolaho, lweyi atinyiketaka kurhandzeni ka sva misava, atiyendla nala wa Xikwembu. ⁵ Kumbe, xana miyehleketa lesvaku Tsalwa rivula sva hava, loko riku: “Xikwembu xivavisekela ngopfu moya lowu xiwuyendleke lesvaku wuyaka ka n'wina” xana? ⁶ Hambi svilitano, xihikomba timpsalu letinga tikulu kutlula svosvo, hikuva Tsalwa rili: “Xikwembu xiyalela vatikulisi, kambe xitsetselela lavatitsongahataka.” ⁷ Hikolaho, titsongahateni mahlweni ka Xikwembu. Yalelani Diyavulosi, kutani atamibaleka. ⁸ Tshinelani kusuhi ni Xikwembu kutani xitatshinela kusuhi na n'wina. Hlambani mandla ya n'wina, n'wina vajohi, mibasisa timbilu ta n'wina, n'wina vanhu va miyehleketo yimbirhi. ⁹ Vavisekani, miba nkosi, mirila. Kuhleka ka n'wina akuhundzuke xirilo, kutsaka ka n'wina akuhundzuke gome. ¹⁰ Titsongahateni mahlweni ka Hosi, kutani yona yitamitlakusa. ¹¹ Vamakwerhu, Mingahlevaneni. Lweyi ahlevaka makwavu, kumbe kuyavanyisa makwavu, ahleva ni kuyavanyisa Nawu. Kutani loko munhu ayavanyisa Nawu, angawulandzi, i muyavanyisi. ¹² Munyiki wa Nawu ni Muyavanyisi i mun'we ntsena, yena lweyi akotaka kuponisa kumbe kulovisa. Kambe, wova mani wena, lesvi uyavanyisaka munhukuloni xana? ¹³ Twanani ke, n'wina lava minge: “Namuntlha kumbe mundzuku hitaya doropeni leri ni leriya, hiyaxwa lembe hili karhi hixava ni kuxavisa, hiyendla bindzu kona!” ¹⁴ Kasi sva mundzuku amisvitivi! Vutomi bza n'wina i ncini ke? Hikuva mi hunguva leyihumelelaka nkarhinyana, kutani yihangalaka. ¹⁵ Handle ka svotano amifanela kuvula miku: “Loko Hosi yisvirhandza, hitapfuka hiyayendla lesvi kumbe lesviya.” ¹⁶ Kambe n'wina matidzunisa, hi mhaka ya kutitiva ngopfu. Kutidzunisa hinkwaku loku kotanu kubihile. ¹⁷ Hikolaho, munhu lweyi ativaka lesvolulama lesvi afanelaka kusviyendla, kambe angasviyendli, i mujohi.