¹ Mina Yakobe, nandza wa Xikwembu ni wa Hosi Yesu Kriste, nitsalela khume ra tinxaka ni timbirhi, vanga vakriste lavahangalakeke matikweni hinkwawu, nili: Xeweni! ² Vamakwerhu, loko mihlangana ni miringo ya tinxakaxaka, yitekeni na yili mhaka ya kutsakisa svinene, ³ hikuva masvitiva lesvaku loko kupfumela ka n'wina kutiya kuringiweni, svipsala kutiyisela. ⁴ Kambe kutiyisela ka n'wina kufanele kutirha ntirho lowuhetisekeke, lesvaku miva lavohetiseka ni kululama hi matlhelo hinkwawu, mingapfumali nchumu. ⁵ Loko mun'we wa n'wina apfumala vutlhari, aakombele ka Xikwembu, lexinyikaka vanhu hinkwavu hi timpsalu, kungali ni kuvilela, kutani atanyikiwa bzona. ⁶ Ntsena, aakombele hi kupfumela, na angakanakani, hikuva lweyi akanakanaka, afana ni gandlati ra lwandle leribiwaka riyisiwa hala ni hala hi mheho. ⁷ Munhu lweyi wotanu angatshuki ayehleketa lesvaku atanyikiwa nchumu hi Xikwembu, ⁸ hikuva i munhu wa miyehleketo yimbirhi, lweyi akanakanaka tindleleni ta yena hinkwatu. ⁹ Makwerhu lweyi anga vusiwaneni, afanela kutsaka loko atlakusiwa; ¹⁰ na yena mufuwi, afanela kutsaka loko atsongahatiwa, hikuva kufana ni xiluva xa nhova, xitahundza. ¹¹ Jambu rihuma na rili ni kuhisa ka rona, rivunisa bzanyi; sviluva sviwela hansi, ni kusaseka ka svona kawonheka. Hi mukhuva wolowo, mufuwi na yena atavuna ahelisiwa, na ali karhi alandzelela svilo sva yen ¹² Kukatekile munhu lweyi atiyiselaka kuringiweni, hikuva loko ahlulile miringo, atanyikiwa hari ya vutomi leyi Xikwembu xiyitshembiseke lava vaxirhandzaka. ¹³ Kungavi ni munhu lweyi, loko aringiwa, ango: “Niringiwa hi Xikwembu.” hikuva Xikwembu xingakala xingaringiwi hi lesvobiha; na svona, xona hi xoxe, axiringi munhu ni mun'we. ¹⁴ Kambe munhu mun'wana ni mun'wana waringiwa loko akokiwa ni kuphasiwa hi kunavela ka yena n'winyi. ¹⁶ Kutani loko kunavela kukolwile, kupsala xijoho; xijoho xona, loko xihetisekile, xipsala rifu. ¹⁵ Mingatshukeni mitikanganyisa, vamakwerhu lavarhandzekaka. ¹⁷ Nyiko yin'wana ni yin'wana leyosaseka ni minkateko hinkwayu leyihetisekeke svita hi le henhla, svixika hi le ka Muvumbi wa lesvivoningaka, lweyi kungahava kucincacinca ka yena, kumbe kufularhela munhu asala xinyameni. ¹⁸ Hi kurhandza ka yena, ahivelekile hi rito ra ntiyiso, lesvaku hiva lavavuliwaka mativula ya svivumbiwa sva yena. ¹⁹ Vamakwerhu lavarhandzekaka, Tivani lesvi: Munhu mun'wana ni mun'wana aahantlise kutwa, ahlwela kuvulavula, ahlwela kukariha. ²⁰ Hikuva mahlundzu ya munhu amahumesi kululama ka Xikwembu. ²¹ Hikolaho, susani chaka hinkwaru ni vubihi hinkwabzu lebzihantlaka kumila, kutani miyamukela hi kutitsongahata rito leribzaliwaka timbilwini ta n'wina, lerikotaka kumiponisa. ²² Miva vayendli va rito, mingavi vatwi ntsena lava vatikanganyisaka. ²³ Hikuva loko munhu ali mutwi wa rito, angali muyendli, afana ni munhu lweyi alangutaka nghohe ya yena ya ntumbuluku ka xib'uku; ²⁴ hikuva wa tinyanga ava asuka afamba, kambe ahantla arivala lesvi ativoneke na ali xisvona. ²⁵ Kambe lweyi akambisisaka Nawu lowuhetisekeke wa kutshunxeka, atiyisela ka wona na angali mutwi lweyi arivalaka, kambe ali muyendli lweyi atirhaka, atakateka ka lesvi asviyendlaka. ²⁶ Loko munhu ayanakanya lesvaku a ni vukhongeli, kambe angafumi ririmi ra yena, munhu lweyi watikanganyisa, vukhongeli bza yena abzipfuni nchumu. ²⁷ Vukhongeli lebzitengeke, lebzingasolekiki mahlweni ka Xikwembu Tatana, hi lebzi: Kuyendzela lavafeliweke hi vapsele, ni kuyendzela vafelakazi maxangwini ya vona, ni kutikhoma ka vuherheki bza misava leyi.