¹ nchumu nikutsongo. 5Hi tshunxiwile hi lesvi Kriste ahitshunxeke. Hikolaho, yimani mitiya, mingahatlheleni mitiveka hansi ka ndzhwalu wa vukarawa. ² Masvivo, mina Pawulo ni mibzela lesvi: Loko mipfumela kuyimbisiwa, svihlaya lesvaku K riste angamipfuni 3 ³ Nilava kuyengeta nitiyisa kambe, ka mun'wana ni mun'wana lweyi apfumelaka kuyimbisiwa, lesvaku afanela kuyendla hinkwasvu lesvi Nawu wuleletaka svona. ⁴ Mitihambanisile na Kriste, n'wina hinkwenu lavarhandzaka kuyendliwa lavalulameke mahlweni ka Xikwembu hi mhaka ya kuhlayisa Nawu; miwele kule ni timpsalu ta Xikwembu. ⁵ Loko ali hina, hi ni kutshemba ka lesvaku Xikwembu xitahiyendla lavalulameke mahlweni ka xona, kutani hi svona lesvi hisvilangutelaka, hi matimba ya Moya lowutirhaka ka hina, hi kupfumela loku hinga nakona. ⁶ Hikuva ka Yesu Kriste, kuyimba kumbe kuva munhu wokala angayimbanga, asvivuli nchumu, kambe lexinga xona i kupfumela loku kutirhaka hi rirhandzu. ⁷ Amilikarhi mitsutsuma svinene! I mani lweyi angamisivela kuyingisa ntiyiso? ⁸ Kuxisiwa loku akuhumi ka Xikwembu lexi ximivitaneke. ⁹ “Comela ritsongo rikukumuxa mbila hinkwayu”, hilaha svivuliwaka hakona. ¹⁰ Mina ni ni kutshemba ka lesvaku, lesvi hinga va Hosi hinkwerhu, amingavi ni miyanakanyu yohambana ni ya mina, ni lesvaku lweyi amipfilunganyisaka, atakuma kuyavanyisiwa ka yena, hambi angava mani na mani. ¹¹ Kambe loko mina nahajondzisa hi ta kuyimba, vamakwerhu, xana nahaxanisiwa hikolaho ka yini? Hikuva, loko svilitano, kujondzisa ka mina hi ta xihambanu akungatakwatisa munhu. ¹² Asvitava svona loko vanhu lava vamipfilunganyisaka, vangayimi kolaho, kambe vatitshena xikan'we. ¹³ Loko ali n'wina vamakwerhu, mivitaniwile lesvaku miva lavatshunxekeke; kambe mingateki kutshunxeka ka n'wina, mikuhundzula mpfumelelo wo yendla lesvi ntumbuluku wa n'wina wa laha misaveni wusvinavelaka; matshan'wini ya svosvo, tirhelanani hi rirhandzu. ¹⁴ Hikuva Nawu hinkwawu wuhlanganisiwa hi kulerisa lokunge: “Rhandza munhukuloni kufana ni loko utirhandza.” ¹⁵ Kambe loko milumana ni kukakatlulana, tivoneleni lesvaku mingahetani hi rixaka. ¹⁶ Lesvi nisvihlayaka hi lesvi: Fambani hi Moya, kutani mingakala mingakolwisi kunavela ka ntumbuluku wa n'wina wa nyama; ¹⁷ hikuva kunavela ka nyama kulwa ni Moya; nasvona kunavela ka Moya kulwa ni nyama. Svilo lesvi svimbirhi svalwetana, kutani mahluleka kuyendla lesvi milavaka kusviyendla. ¹⁸ Kambe loko mifambisiwa hi Moya, amile hansi ka Nawu. ¹⁹ Mintirho ya ntumbuluku wa nyama yi le rivaleni: I kuwosva ni mikhuva ya chaka ni manyala, ²⁰ ni kuphahla svikwembu sva hava ni xiloyiloyi ni rivengo ni timholova ni vukwele ni kukariha ni vutirhandzi ni kuyavana ni kulwetana, ²¹ ni mavondzo ni vudakwa ni magolo ni svofana ni svosvo. Namitsundzuxa, hilaha nitshamaka nimitsundzuxa hakona, lesvaku lavayendlaka svofana ni lesvo, vangakala vangavi na kuyaveliwa kufumeni ka Xikwembu. ²² Kasi mihandzu ya Moya i rirhandzu ni kutsaka ni kurhula ni kuleha mbilu ni vunene ni kunyika ni kutshembeka ²³ ni timpsalu ni kutikhoma. Awukona Nawu lowulwaka ni svofana ni lesvo. ²⁴ Lavanga va ka Kriste Yesu va vambile nyama ni sva yona, svifa; avahasvihisekeli, avahasvinaveli. ²⁵ Lesvi Moya uhinyikeke vutomi, ahihanyeni hi kulerisa ka wona. ²⁶ Hingatshukeni hitilavela kutidzunisa ka hava; ahichaveni kupfukana ni kutshohokana.