¹ Vananga, nimitsalela timhaka leti hinkwatu akuva mingajohi; kambe loko munhu atshuka ajoha, hina yena muyimeli ka Tatana, anga Yesu Kriste, lweyi alulameke; ² Hi yena mhamba hikolaho ka svijoho sva hina, svingali sva hina ntsena, kambe na svona sva misava hinkwayu. ³ Hi timhaka leti, hikholwa lesvaku hamutiva; loko hihlayisa milawu ya yena. ⁴ Lweyi avulaka lesvaku: “Mina namutiva”, kambe angahlayisi milawu ya yena, wahemba, ka yena ntiyiso awu kona. ⁵ Kambe, mani na mani, lweyi ahlayisaka rito ra yena, rirhandzu ra Xikwembu ri kona ka yena, nasvona rihetisekile hakunene. Xilesvo hitiva lesvaku hina hi le ka xona. ⁶ Lweyi ange atshama ka xona, nasvona afanela kufamba tani hi lesvi Yesu afambiseke xisvona. ⁷ Varhandziwa: Animitsaleli Nawu lowumpsha, kambe Nawu wa khale lowu mingava na wona kusukela kusunguleni; Nawu wa khale i rito leri kusukela kusunguleni miritweke. ⁸ Hambi svilitano namitsalela Nawu lowumpsha, lowu wunga wa ntiyiso ka yena ni ka hina: Hikuva munyama wahundza, svosvi akuvonakala ka ntiyiso kavoninga. ⁹ Lweyi avulaka aku a le kuvonakaleni, kambe avenga makwavu, kufika ni svosvi a le munyameni. ¹⁰ Lweyi arhandzaka makwavu a le kuvonakaleni, ka yena aku na kukhunguvanyeka. ¹¹ Kambe lweyi avengaka makwavu, ale munyameni, afamba munyameni, angasvitivi lesvaku afanela kuya kwihi: Hikuva munyama wumudlaye mahlo. ¹² Nitsalela n'wina, vananga, hikuva svijoho sva n'wina svitsetseleliwile hikolaho ka vito ra yena. ¹³ Nitsalela n'wina, vatatana, hikuva mitivile lweyi anga yena kusukela kusunguleni. Nitsalela n'wina lavampsha hikuva mihlulile lweyi wobiha. ¹⁴ Nitsalela n'wina vananga, hikuva mitivile Tatana. Nitsalela n'wina vatatana, hikuva mitiva lweyi anga kona kusukela kusunguleni. Nitsalela n'wina lavampsha, hikuva mi ni matimba, ni rito ra Xikwembu ritshame ka n'wina, nasvona mihlulile lweyi wobiha. ¹⁵ Mingarhandzeni misava, hambi svilo lesvi svinga misaveni. Loko munhu arhandza misava, rirhandzu ra Tatana ari kona ka yena. ¹⁶ Hikuva hinkwasvu lesvi svinga kona misaveni, kunavela ka nyama, ni kunavela ka mahlo, ni kutikulisa hi sva vutomi lebzi, hinkwasvu lesvi asviti hi le ka Tatana, kambe svita hi le ka misava. ¹⁷ Kambe misava yahundza ni kunavela ka yona, lweyi ayendlaka kurhandza ka Xikwembu atshama hilaha kungaheliki. ¹⁸ Vananga, lowu hi wona nkarhi wa makumu, tani hi loko misvitwile lesvaku Antikriste wata, ni svosvi valala va Kriste lavotala vahumelelile; xilesvo hitiva lesvaku i nkarhi wa makumu. ¹⁹ Vahumile ka hina, kambe avangali va hina; hikuva loko avali va hina avatatshama na hina ni svosvi, kambe lesvi svihumelelile akuva kutavoneka lesvaku ahi hinkwavu vanga va ka hina. ²⁰ Kambe n'wina mi ni kutotiwa loku kutaka hi le ka lweyi wokwetsima, kutani n'wina hinkwenu masvitiva. ²¹ Animitsalelanga hi kuva mingawutiviki ntiyiso, kambe hikuva mawutiva ni lesvaku aku na mavunhwa lawa mataka hi le ka ntiyiso. ²² I mani muhembi loko angali yena lweyi ayalaka lesvaku Yesu hi yena Kriste? Munhu wotanu, hi yena Antikriste, lweyi akanetaka Tatana ni N'wana. ²³ Mani na mani lweyi ayalaka N'wana anga na yena hambi Tatana. Lweyi apfumelaka N'wana hambi Tatana ana yena. ²⁴ Hikolaho lesvi mingasvitwa kusukela kusunguleni asvitshame ka n'wina. Loko lesvi mingasvitwa kusukela kusunguleni svitshama ka n'wina, na n'wina mitshama ka N'wana ni ka Tatana. ²⁵ Lexi i xitshembiso lexi angahitshembisa xona; anga vutomi lebzingaheliki. ²⁶ 2Nimitsalela svilo lesvi hinkwasvu hikolaho ka lava vamikanganyisaka. ²⁷ Kambe kutotiwa loku mikuyamukeleke ka yena kutshama ka n'wina, xilesvo amivileli kuva munhu amijondzisa wona; kambe moya wa yena lowu mingatotiwa wona wa mijondzisa hinkwasvu, wu ni ntiyiso, awuhembi, tani hi lesvi wumijondziseke, xilesvo tshamani ka yena. ²⁸ Kutani svosvi, vananga, tshamani ka yena, lesvaku loko yena ahumelela, hitava ni ntshembo hingavi ni tingana loko yena avuya. ²⁹ Loko misvitiva lesvaku yena i munene, masvitiva lesvaku mani na mani lweyi ayendlaka lesvolulama apsaliwa hi yena.