¹ 1Lesvi asvili svona kusukela kusunguleni, lesvi hisvitweke, lesvi hisvivoneke hi mahlo ya nyama, lesvi hisvihlaleleke, ni lesvi mavoko ya hina masvikhomeke, kutani hi lesvi himitivisaka svona mayelanu ni Rito ra Vutomi; ² hikuva vutomi bzitikombisile, hina hibzivonile, hi timboni ta bzona, himibzela hi ta vutomi lebzingaheliki, lebzi abzili na Tatana, lebzi bzitikombiseke ka hina. ³ Lesvi hisvivoneke ni lesvi hisvitweke, himitivisa svona na n'wina, lesvaku miva ni vuhlengeli svin'we na hina; avuhlengeli bzi kona xikarhi ka hina na Tatana, na yena N'wana wa yena Yesu Kriste. ⁴ Asvilo lesvi hinkwasvu himitsalela lesvaku akutsaka ka n'wina kuhetiseka. ⁵ Leri hi rona rungula leri hingaritwa ka N'wana, hi rona leri himibzelaka rona; lesvaku Xikwembu i kuvonakala, aku na munyama ni vutsongo ka xona. ⁶ Loko hiku hi ni vuhlengeli na xona, kambe hifamba munyameni, hahemba, ahihanyi hi kulandza ntiyiso. ⁷ Loko hifamba kuvonakaleni, kufana na xona xinga kuvonakaleni, hi ni vuhlengeli, kutani angati ya Yesu Kriste N'wana wa xona yahibasisa ka svijoho hinkwasvu. ⁸ Loko hiku ahi na vujoho hatikanganyisa ha hoxe, kutani ntiyiso awu kona ka hina. ⁹ Kambe loko hitisola svijoho sva hina, xona xitshembekile, nasvona xilulamile akuva xihirivalela svijoho sva hina, ni kuhibasisa xihisusela kuhomboloka hinkwaku. ¹⁰ Loko hivula lesvaku ahijohanga, hixiyendla muhembi, kutani Rito ra xona ari kona ka hina.