¹ Ipapo mutumwa akandiratidza rwizi rwemvura youpenyu, inoonekera sekristaro, ruchiyerera kubva pachigaro chaMwari necheGwayana ² pakati penzira huru yeguta. Parutiwi rumwe norumwe rwerwizi pakanga pano muti woupenyu, waibereka mhando gumi nembiri dzomuchero, ichibereka michero yayo pamwedzi woga woga. Mashizha omuti uyu ndeokuporesa ndudzi. ³ Hakuchazowazve nokutukwa. Chigaro choushe chaMwari necheGwayana zvichawa muguta, uye waranda wake wachamushumira. ⁴ wachaona chiso chake, uye zita rake richava pahuma dzavo. ⁵ Usiku hahuchazowepozve. Hawachazotsvaki chiedza chomwenje kana chiedza chezuva, nokuti Ishe Mwari achavapa chiedza. Uye wachatonga nokusingaperi-peri. ⁶ Mutumwa akati kwandiri, “Mashoko aya akatendeka uye ndeechokwadi. Ishe, Mwari wemweya yawaprofita, akatuma mutumwa wake kuzoratidza waranda wake zvinhu zvinofanira kukurumidza kuitika." Jesu ari kuuya ⁷ “Tarirai, ndinokurumidza kuuya! Akaropafadzwa uyo anochengeta mashoko ouprofita huri mubhuku iri.” ⁸ Ini Johani, ndini ndakanzwa uye ndikaona zvinhu izvi. Uye ndakati ndazvinzwa uye ndazviona, ndakawira pasi kuti ndinamate ndiri patsoka dzeGirozi yakanga yandiratidza zvinhu izvi. ⁹ Asi akati kwandiri, “Rega kudaro! Ndiri muranda pamwe chete newe uye nehama dzako waprofita nawose wanochengeta mashoko ebhuku iri. Namata Mwari!” ¹⁰ Ipapo akati kwandiri, “Usanamira mashoko ouprofita webhuku iri, nokuti nguva yaswedera. ¹¹ Anotadza ngaarambe achitadza, anonyangadza ngaarambe achinyangadza; anoita zvakarurama ngaarambe achiita zvakarurama; uye mutsvene ngaarambe ari mutsvene.” ¹² “Tarirai, ndiri kukurumidza kuuya! Mubayiro wangu ndinawo, uye ndichapa mumwe nomumwe maererano nezvaakaita. ¹³ Ndini Arifa naOmega, wokutanga newokupedzisira, kutanga nokuguma. ¹⁴ “Vakaropafadzwa avo vanosuka nguo dzavo, kuti wawe nesimba rokuuya kumuti woupenyu uye wagopinda muguta nepado. ¹⁵ Kunze ndiko kune imbwa, waya wanoita zvouroyi, mhombwe, mhondi, wanonamata zvifananidzo navose wanoda nhema uye wachidziita. ¹⁶ “Ini Jesu, ndakatuma Girozi yangu kuti akupe uchapupu uhu hwekereke. Ndini mudzi worudzi rwaDhavhidhi, Nyamasase inopenya.” ¹⁷ Mweya nomwenga wanoti, “Uya!” Uye anonzwa ngaati, “Uyai!” Ani naani ane nyota, ngaauye; uye ani naani anoda, ngaatore chipo chemvura youpenyu asingatengi. ¹⁸ Ndinoyambira mumwe nomumwe anonzwa mashoko ouprofita hwebhuku iri ndichiti: Kana munhu upi zvake akawedzera chinhu chipi zvacho kwaari, Mwari achawedzera kwaari matambudziko akanyorwa mubhuku iri. ¹⁹ Uye,kana munhu upi zvake akatapudza mashoko kubva mubhuku iri reuporofita, Mwari achabvisa kubva kwaari mugowe wake pamuti woupenyu nomuguta dzvene, izvo zvakanyorwa mubhuku iri. ²⁰ Uyo anopupura zvinhu izvi anoti, “Hongu, ndinokurumidza kuuya.” Ameni. Uyai, Ishe Jesu. ²¹ Nyasha dzaIshe Jesu ngadziwe nawanhu waMwari. Ameni.