¹ Ipapo ndakaona denga idzva nenyika itsva, nokuti denga rokutanga nenyika yokutanga zvakanga zvapfuura, uye pakanga pasisina gungwa. ² Ndakaona Guta Dzvene, Jerusarema idzva, richiburuka kubva kudenga richibva kuna Mwari, rakagadzirwa somwenga akashongera murume wake zvakaisvonaka. ³ Uye ndakanzwa inzwi guru richibva pachigaro choushe richiti, “Zvino imba yaMwari yawo pakati pawanhu, uye achagara nawo. Wachawa wanhu wake, uye Mwari pachake achava navo uye achava Mwari wavo. ⁴ Achapukuta misodzi yavo yose pameso awo. Hapachazovazve norufu, kana kuungudza, kana kuchema, kana kurwadziwa, nokuti zvinhu zvokutanga zvapfuura.” ⁵ Akanga akagara pachigaro choushe akati, “Ndiri kuita kuti zvinhu zvose zviwe zvitsva!” Ipapo akati, “Nyora izvi, nokuti mashoko aya akatendeka uye ndeechokwadi.” ⁶ Akati kwandiri, “Zvaitwa. Ndini Arifa naOmega, wokutanga newokupedzisira. Kuna iye ane nyota ndichamupa kuti anwe, asingaripi, kubva mutsime remvura youpenyu. ⁷ Anokunda achapiwa nhaka iyi yose, uye ndichawa Mwari wake, uye iye achawa mwanakomana wangu. ⁸ Asi wanotya, wasingatendi, nawanonyangadza, mhondi, nemhombwe, nawanoita zvouroyi, wanonamata zvifananidzo nawanorewa nhema, nzvimbo yawo ichawa mudziwa romoto rinopfuta nesafuri. Urwu ndirwo rufu rwechipiri.” ⁹ Mumwe weGirozi wanomwe akanga ane ndiro nomwe dzizere namatambudziko manomwe okupedzisira akauya kwandiri akati, “Uya, ndizokuratidza mwenga, mukadzi weGwayana.” ¹⁰ Uye akandiendesa muMweya kugomo guru refu, akandiratidza Guta Dzvene, Jerusarema, richiburuka richibva kuna Mwari ¹¹ Raipenya nokubwinya kwaMwari, uye kuwaima kwaro kwakanga kwakaita sebwe rinokosha kwazvo, sebwe rejasipa, rinoonekera sekristaro. ¹³ Rakanga rine masvingo makuru, marefu kwazvo ana masuo gumi namawiri nawatumwa gumi nawawiri pamasuo. Pamasuo pakanga pakanyorwa mazita amarudzi gumi namawiri awaIsraeri. ¹² Kumabvazuwa kwakanga kune masuo matatu, matatu kumusoro, matatu nechezasi namatatu kumawirira. ¹⁴ Masvingo eguta akanga ane nheyo gumi nembiri, uye padziri pakanga pane mazita avapostori gumi navaviri veGwayana. ¹⁵ Girozi akataura neni akanga ane tsvimbo yokuera yegoridhe, yokuyera guta, masuo namasvingo aro. ¹⁶ Guta rakanga rakavakwa zvokuti matiwi aro mana akanga akaenzana pakureba napaupamhi. Akaera guta netsvimbo uye akariwana rina mastadhia zviuru gumi nezviwiri paurefu, uye rakapamhama nokureba sourefu hwaro. ¹⁷ Akaera rusvingo rwaro uye rwaiwa rukobvu makubhiti zana namakumi mana namanaa nokuyera kwawanhu, kwaishandiswa neGirozi. ¹⁸ Rusvingo rwakanga rwakawakwa nejasipa, uye guta rakanga rakawakwa negoridhe rakaisvonaka rinoonekera kunge girazi. ¹⁹ Nheyo dzamasvingo eguta dzakanga dzakashongedzwa nemhando dzose dzamatombo anokosha. Nheyo yokutanga yakanga iri yejasipa, yechipiri yaiwa yesafiri, yetatu yekasidhoni, yechina yeemaradhi; ²⁰ yeshanu yesadhonikisi, yechitanhatu yaiwa yekarineri yechinomwe yaiwa yekrisoriti, yorusere yaiwa yebheriri, yepfumbamwe yaiva yetopazi, yegumi yaiwa yekrisoprasi, yegumi neimwe yaiwa yejasindi, yegumi nembiri yaiwa yeametisti. ²¹ Masuo gumi namawiri akanga ari amaparera, suo rimwe nerimwe rakaitwa neparera rimwe chete. Nzira huru yomuguta yakanga iri yegoridhe rakaisvonaka segirazi rinoonekera. ²² Handina kuona temberi muguta, nokuti Ishe Mwari Wamasimba Ose neGwayana ndiwo temberi yaro. ²³ Guta haritswaki zuwa kana mwedzi kuti zvivhenekere pamusoro paro, nokuti kubwinya kwaMwari ndiko kunovhenekera, uye Gwayana ndiro mwenje waro. ²⁴ Ndudzi dzichafamba nechiedza charo, uye madzimambo enyika achauyisa kugwinya kwawo mukati maro. ²⁵ Hapana zuwa richatongozarirwa masuo aro, nokuti hakuchazowe nousiku ikoko. ²⁶ Kugwinya nokukudzwa kwendudzi kuchauyiswa mariri. ²⁷ Hakuna chinhu chine tsvina chichazopinda imomo, uye kana upi zvake anoita zvinonyadzisa kana zvounyengeri, asi avo chete wana mazita akanyorwa mubhuku roupenyu reGwayana.