¹ Uye ndakatarisa uye ndikawona Gwaiana rakamira pamusoro pegomo reZioni. rinewamwe wanezvuru zvinemazana nemakumi manna newanna, wanezita Raro uye nezita raBaba Waro rakanyorwa pahuma dzawo . ² Ndakazwa rimwe izwi richibva kudenga, seizwi remvura yakawanda uye seizwi rekutinhira kukuru. Uye izwi rendakazwa rakanga rakaita serewaridzi werudimba wachiridza rudimba rawo. ³ Iwo waimba nziyo itswa pamberi pechigaro chewushe, nepamberi pezvisikwa zvipenyu zvinna uye newakuru. Hapana munhu aikwanisa kufundira nziyo iyi, asi waya wanezvuru zvinezana nemakumi manna newanna wakatengwa panyika. ⁴ Awa ndiwo wasina kusimbiswa newakadzi, nekuti wakaramba warimhandara. Ndiwo wanotera Gwaiana kwese kwarinoyenda. Awa wakatengwa pakati peanhu kuti wawe zvibereko zvekutanga kunaMwari uye nekuGwaiana. ⁵ Mumuromo mawo hamuna kuwonekwa kunyepa; iwo hawana chawanopumirwa. ⁶ Ini ndakawona imwe ngirozi ichibururuka pakati pedenga, yakanga ineEvangeri isingaperi, kuti iparidzire kune wanogara panyika, kumarudzi ese, nendudzi dzese,ndimi uye neanhu. ⁷ Iye aidaidzira neizwi rikuru: ''Ityai Mwari uye mumurumbidze, nekuti nguwa yekutonga Kwake yaswika. Namatai iye wakaita denga, nenyika, negungwa uye nematsime emvura ⁸ Imwe ngirozi yechiiri yakatera, ichiti: ''Radonha, radonha Babironi guta rikuru, raimwisa marudzi ese waini yekutsamwa kweupombwe wayo''. ⁹ Imwe ngirozi yechitatu yakatera, yichitaura neizwi rikuru: ''Kana munhu akanamata chikara nemufanidzo wacho, uye nekugamuchira chiratidzo pahuma kana pamuwoko, ¹⁰ iye achamwa waini yekutsamwa kwaMwari, yakadururwa isinakuvenganidzwa mumukombe wehasha dzake. Uye achatambudzwa mumoto nesurferi pamberi pengirozi dzake dzitsene uye nepamberi peGwaiana. ¹¹ Chutsi chekutambudzika kwawo chichakwira nekusingaperi-peri; uye hapana kuzorora, kana masikati kana usiku, waya wakanamata chikara nemufananidzo wacho, uye newese wakagamuchira chiratidzo chezita racho. ¹² Ndipo panekushingirira kwewatsene, newaya wanochengeta murairo waMwari uye nekutenda kunaJesu''. ¹³ Ini ndakazwa izwi richibva kudenga richiti: ''Nyora: ' Wakaropafadzwa wanofira munaShe''. ''Eye'', ndizvo zvinotaura Mweya: ''kuti iwo wazorore pamabasa awo, nekuti mabasa awo anowatera''. ¹⁴ Ndakatarisa, ndakawona fuwa richena, nemumwe wakaita seMwanakomana wemunhu akagara pamusoro paro. Iye akanga ainekorona yendarama mumusoro wake uye nejeko rinopinza mumuwoko wake. ¹⁵ Saka imwe ngirozi yakabuda mutemberi ichidaidzira neizwi rikuru kunaiye wakanga akagara pamusoro pefuwa: ''Tora jeko rako uye utange kucheka, nekuti nguwa yaswika, nekuti kucheka kwenyika kwaibva''. ¹⁶ Saka iye akanga akagara pamusoro pemafuwa akakandira jeko rake panyika, uye nyika ikachekwa. ¹⁷ Imwe ngirozi yakabuda mutemberi iri kudenga, naiye unejeko rinopinza. ¹⁸ Uye imwe ngirozi ikabuda paartari inesimba pamusoro pemoto, uye ikadaidzira neizwi rikuru kunaiye akanga ainejeko rinopinza: ''Tora jeko rako rinopinza uye ucheke musumbu yemizambiringa yenyika, nekuti mazambiringa ayo aibva''. ^{19 20} Uye ngirozi yakakandira jeko rayo panyika uye ikacheka mazambiringa akawakandira muchisiniro chikuru chekutsamwa kwaMwari. Chisiniro chikatsikwa kunze kweguta uye ropa rikabuda muchisiniro rikaswika pamatomo emabiza, rikayenda mastadia anezvuru zvinamazana matanhatu.