¹ Wana, teererai wabereki wenyu muna She, nekuti ndizvo zvakanaka. ² “Kudza baba namai wako” ndiwo murayiro wekutanga une chipikirwa, ³ “kuti uitirwe zvakanaka, uye kuti ugare upenyu urefu panyika”. ⁴ Imi, wanababa, regai kutsamwisa wana wenyu. asi, muwarere mukurowedza nekurayira kwaShe. Waranda newanatenzi ⁵ Waranda, teererai watenzi wenyu wepanyika neruremekedzo uye nekutya, uye nemoyo wakatendeka. sekuteerera kwamunoita Kristu. ⁶ Musangowateerera kuti wakufarirei pawanenge wachikuonai chete, asi sawaranda waKristu. Wanoita kuda kwaMwari zvichibva pamwoyo yawo. ⁷ Mushande nemoyo wese, sekunge munoshandira Ishe, kwete munhu. ⁸ nekuti munoziwa kuti Ishe achapa mubayiro mumwe nemumwe pane zvose zvakanaka zvaanoita, angawa muranda kana akasununguka. ⁹ Uye imi, watenzi, mubate waranda wenyu nenzira imwe cheteyo, Musawatyisa. sezvo muchiziwa kuti Tenzi wawo newenyu ari kudenga, aana rusaruro maari Nhumbi dzokurwa nadzo dzaMwari ¹⁰ Pakupedzisira, ivai nesimba muna She nomusimba rake guru. ¹¹ Shongai nhumbi dzose dzokurwa nadzo dzaMwari, kuti mugogona kumira muchirwa namano adhiabhori. ¹² Nekuti atirwi nenyama kana neropa, asi nawabati, newanesimba, nemasimba enyika ino yerima, uye nemasimba emweya yakaipa ari muchadenga. ¹³ Naizvozvo, pfekai nhumbi dzese dzekurwa nadzo dzaMwari, kuti panosvika zuwa rakaipa, mugokwanisa kumira, uye mushure mukunge maita zvinhu zvese, kuti mumire. ¹⁴ Zvino, mirai nesimba, makasunga bhanhire rechokwadi muchiuno chenyu, nechidzitiro chechipfuwa chekururama. ¹⁵ uye tsoka dzenyu dzakashongedzwa negadziriro inobva pavhangeri rerugare. ¹⁶ Pamusoro peizvi zvese, torai nhoo yekutenda, iyo yamunogona kudzima nayo misewe inopfuta yewakaipa. ¹⁷ Torai nguwani yeruponeso nemunondo wemweya, iro shoko raMwari. ¹⁸ Uye munamate muMweya nguwa dzose, nemhando dzose dzeminyengetero nemikumbiro, Muine izvi mupfungwa dzenyu, murinde uye murambe muchinyengeterera watswene, zuwa nezuwa. ¹⁹ Munyengeterere neniwo, kuti pese pandinoshama muromo wangu. ndipiwe mashoko kuitira kuti ndigoziwisa chakawanzika chevhangeri ndisingatyi. ²⁰ iro vhangeri randiri nhume yakasungwa nengetani, Nyengeterai kuti ndiritaure ndisingatyi, sezvandinofanira. ²¹ Tikikasi, hama inodikanwa nemuranda akatendeka muna She, achakutaurirai zvinhu zvese, kuitira kuti nemiwo muziwe zvandiri nezvandinoita. ²² Ndiri kumutuma kwamuri nekuda kwechinangwa ichi, kuti muziwe zvatiri, uye kuti anyaradze moyo yenyu. ²³ Rugare kuhama, nerudo nekutenda zvinobva kuna Mwari, Baba waIshe Jesu Kristu. ²⁴ Nyasha kuna woose wanoda Ishe wedu Jesu Kristu nerudo rusingaperi.