¹ Keho, mukonda tuakala na vipanga evi, na mukemo tua kala na ku uana ngozhi, keti vitu tundithe nzhili. ² Mukulinga , tunaviana vushueke na vingila via shuama. Kotuekuenda mutumponia, kotue kutengulula lijui lia Kalunga. Mu ku kalelaho vuchili, tu lihana kumavoko avoshe mumesho a Kalunga. ³ Vuno nga muzhimbu uetu va ushahula, lina shahuka lika kuli vaje vathsa. ⁴ Kutuala kuli vakevo, kalunga ua lifuti lino ua puputuitha mana avo a kujeneka kuthselela. Mukonda liovio, kuvatha kumona cheke cha majui a vumpahu vua Kilistu, uje uakala cifua cha Kalunga. ⁵ Kotu liambulula etu vavenia, vunoni Kilistu Yesu kupua Muene, netu kukala vangamba vove mukonda lia Yesu. ⁶ Mukonda Kalunga yakeye ua kuaniene, "Cheke chika jomboloka mu muthithi." Ua vileketha muzhimbunge zhetu, mu kuhana chije cheke cha kuizhiva vumpahu vua Kalunga mu kukalaho kua Yesu Kilistu. ⁷ Vuno tuakala na vufuko ovu u zhinjava zha vuma, mu ku uana kuizhiva nguavo nzhili ya kutuvakana yakala kuli Kalunga keti kuli yetu. ⁸ Etu tuakatala ku zhinthsimbu zhoshe, kotua jolelele. ⁹ Vatu tanganetha vunoni keti kuzhimbaletha luthselelo. Vatu yandetha vunoni vuno keti kututha; ku tu uithila hanthsi vuno keti ku tu vihitha; ¹⁰ nkalaha kuambata mu mivila yetu kuthsa kua Yesu, linga kuyoya cha Yesu chi sholoke mu mivila yetu. ¹¹ Etu voshe tuyoya nkalaha vatu tumbuila kuthsa momu lia Yesu, lika muono ua Yesu ulisholole mu mivila yetu yanthsitu. ¹² Kutsa kuli nakupanga muliyetu, vuno muono uli nakupanga muliyove. ¹³ Vuno tuakala na sipilitu yimo ya kuthselela kushuama kuli yije yovathona: "Ange njetavele, keho oshe Nja handekele." Netu lalo tuetava, keho netu tuhandeka, ¹⁴ mukonda tunezhiva nguetu uje uahundula Muene Yesu a ka tuhindula netu kumo na Yesu na kutuneha nove mukukalaho kuendi. ¹⁵ Mukonda vioshe via muliove, linga kavumbi kaheta mbunga na mbunga yavantu mukonda kushangala kulivuezhelele ku vumpahu vua Kalunga. ¹⁶ Linga keti tujeneke mukumo. Nambe ngocho hanja tukela mu kuvihithila kuti, mukati tuli na ku kala vavaha litangua kulitangua. ¹⁷ Hanthsimbu yino, cheke kukalaho kuacho chitu vuahethela kupuamo kua vumpahu vuakupulakana vioshe. ¹⁸ Mukonda etu kotuethi na kutalela vilinge vije viakumona, vuno vilinge vije via kujeneka kumona. Vilinge viotumona via kanthsimbu lika, vuno vije vio tujeneka kumona via kukalelelaho.