¹ mwakukwamo gha lira lya Jesus Kristusa, mona David, mona Abraham. ² Abraham kwakalire vashe va Isak, ntani Isak vashe vaYakob, ntani Yakob vashe vaJuda ntani nava ghuni vendi. ³ Juda kwakalire vashe vaPerez na Zera wavo naTamar, Perez vashe vaHesroni, ntani Hesroni vashe vaRam. ⁴ Ram kwakalire vashe vaAmminadab, Amminadab vashe vaNashshon, ntani Nashshon vash vaSalomon. ⁵ Salomon kwakalire vashe vashe vaBoaz wavo naRahab, Boaz vashe vaObed wavo na Rutu, Obed vashe vaJessi. ⁶ Jessi kwakalire vashe vaDavid waHompa, David vashe vaSolomon namukamali wendi Uriah. ⁷ Solomon kwakalire vashe vaRehoboam, Rehoboam vashe vaAbija, Abija vashe vaAsa. ⁸ Asa kwakalire vashe va Jehoshaphat, Jehoshaphat vashe va Joram, ntani Joram vanyakulya va Uzzia. ⁹ Uzzia kwakalire vashe va Jotham, Jotham vashe vaAhaz, Ahaz vashe vaHesekiya. ¹⁰ Hesekiya kwakalire vashe va va Manasseh, Manasseh vashe vaAmon, ntani Amon vashe vaJosia. ¹¹ Josiah kwakalire vanyakulya va Jekonia ntani navaghuni vendi pashirugho shalidiruko kuBabilon. ¹² Kutunda palidiruko kuBabilon, Jekonia kwakalire vashe vaShealtiel, Shealtiel kwakalire vanyakulya vaZerubbabel. ¹³ Zerubbabel kwakalire vashe vaAliud, Abiud vashe vashe va Eliakim, ntani Eliakim vashe vaAzo. ¹⁴ Azo kwakalire vashe va Zadok, Zodak vashe vaAchim, ntani Achim vashe va Eliud. ¹⁵ Eliud kwakalire vashe vaEliza, Eliza vashe vaMatan vashe vaYakob. ¹⁶ Yakob kwakalire vashe vaJosef mukafumu waMaria, ogho a shampurukiro Jesus, ogho vatwenyanga Kristusa. ¹⁷ Ruvharo naruntje kutunda kwaAbraham dogoro kwaDavid kwakalire maruvharo ronane, kutunda kwaDavid dogoro kulidiruko ku Babilon maruvharo ronane, ntani kutunda kulidiruko kuBabilon dogoro kwaKristusa maruvharo ronane. ¹⁸ Lishampuruko lya Jesus Kristusa kwashorokilire mundjira dino dina kukwamoko. Vawina, maria, kwamuvandikilire a kware Josef, ano ngoli kumeho vakalire kumwe, vamuwanine nalira lyaku Mpepo yakupongoka. ¹⁹ Ano ngoli Josef, mukafumu wendi, mukafumu wamuhungami ntani kapi a shanine kumu shwaghukita kumeho ya kehe ghuno, ghuye kwaghayalire kumukomba mukahorehore. ²⁰ Apa a ghayalire kuhamena vininke vino, muEngeli waHompa a moneke kwendi mundjodi, nakughamba ashi "'Josef mona David, kapishi ghutjire kughupa Maria akare mukamali ghoye, mukonda ashi evi vinakaro mwendi kunatundu kuMpepo yaKupongoka. ²¹ Ghuye ngashampuruka mwanuke wamumati, ntani ngaghu muruka lidina lyendi Jesusa, ghuye nga popera vantu vendi kundjo davo. ²² Navintje vino kwashorokire mukutikitamo ovyo a ghambire Hompa kupitara mwa muPorofete, mukughamba ashi, " ²³ Kenga, mukamali a diro kukara rumwe na mukafumui ngakara nalira ntani na kushampuruka mwanuke wamumati, ntani ngava kugha lidina lyendi Immanuel'' - olyo ngava toroka ashi '' Karunga natwe anakara.'' ²⁴ Josef a rambuka muturo ntani arughana mbyovyo amu rawilire muEngeli Hompa, naku mughupa a kare mukamali wendi. ²⁵ Ano ngoli kapi amuyivire dogoro ashampurukire mwanuke wamumati. makura a muruku lidina Yesusa.