¹ Virugho vyakapito Karunga ka ghambitakanga vakurona vetu mumarupe ghakukushuva-shuva kupitira mutunwa twa va porofete. ² Ano muvirigho vino vya kuhulilira ghuye kuna kughambera mwa monendi wamukafumu, ogho atoghorora ghuye aka mupingi wana vintje. Kupitira mu mwendi Karunga mbyo aturapo lishito. ³ Ghuye ndje shite sha ghuyerere wa Karunga ghuye kwa kukufana nawa-nawa na shishwi shendi. Ghuye kwa shimba navintje na nkango yendi ya nkondo. Opo amanine kukushurura vantu kundjo davo akashungira kurulyo rwa Karunga muna nkondo nadintje. ⁴ Mona kwamutura akare munene kupitakana vaEngeli yira momo lya kara lidina amupa Karunga linene kupitakana ghavo. ⁵ Karunga kapi atantera rumwe va Engeli ashi, "Ove monande, namuntji nakara ame vasho"? ndi kuva Engeli munke aghamba Karunga ashi, "Ame ngani kara vashe ghuye nga kara monande"? ⁶ Waronka, opo ayitire mbeli yendi mu Udjuni, aghamba, ashi, "va Engeli va Karunga navantje vamutongamene." ⁷ Kuva engeli aghamba ashi, "Ghuye kuruwana va Engeli vendi vakare mpepo, ntani va kareli vendi vkare maraka ghamundiro." ⁸ Ntani kwa monendi aghamba ashi, "Shipundi shoye sha uhompa ngashi karerapo naruntje nanaruntjeya. ⁹ Ove wa hora uhungami ntani wanyenga udona. Karunga ghoye, mbyo akuwaveka na maghadi gha ruhafo ghukare Hompa, upitakane vaUnyoye "navantje." ¹⁰ "Hompa, pakutanga, atura litateko lya udjuni. Liwiru nalyo viruwan vya maghoko ghoye. ¹¹ Navintje ngavi kutundapo, ano ngoli ove ngaghuka twikira. Navintje ngavi kakurupa yira vidwata. ¹² Ngaghu vidingilira vikare yira mwaye, ntani ngavi kushintumuka yira momu vya kutjindjanga vidwata. Ano ngoli uye shimpe momu afana na kare, ntani mwaka doye kapi dakara na uhura." ¹³ Ndi mpwali mu engeli ogho atantera Karunga shirugho shimwe ashi, "Shungira kurolyo rwande dogoro mpopo ngani tura vanankore voye vakare ulyatero wa mpadi doye"? ¹⁴ Nane va engeli navantje kapi mpepo da ukarel, odo vatuma diporere ovo ngava kawano upingwa waliparu?