¹ Dino ndo dimuragho, veta, marondoro agha Hompa Karunga wenu a ndawire ame mukushonga anwe,mpo ashi nga muvhure kudi tikitamo mushirongo eshi muna kuyenda mukapinge muJorodani; ² mposhi tufumadeke Hompa Karunga Hompa wenu, mukuditikitamo veta na dimuragho odo nakumurawira nwe,vanavenu vavamati, navana vavana venu vavamati, na mayuva ghenu ghaliparu; mposhi mayuva ghenu ngaghadiyame. ³ Teyererenu kwavo, vaIsreal, mukutikitamo, mposhi ngaviyende nawa nove, ngaviwape mukukuhana, mushirongo ngaviyenderere yira mashini ntani naushi wampuka, yira Hompa Karunga, momo atutwenyidira mo tuviruwane. ⁴ Teyerera, muIsrael! Hompa Karunga wetu umwe. ⁵ Kughuhova Hompa Karunga ghoye namutjima ghoye nauntje, namonyo ghoye nauntje ntani nankondo doye. ⁶ Nkango dande do nakumurawira namuntji ngadikare mumtjima ghoye; ⁷ ntani ngaushonganga vyakuhamena kwavo opo ngaghushungira mumundi ghoye, opo ngauyendanga mushitaura, opo ngauwanga, ntani nopo ngaushapukanga. ⁸ Ngauvamanga shineyidito kulighoko lyoye, ntani nga vakumanga shikeshe shashiwa pashipara shoye, ⁹ ngauvatjanga palikarata lyandjugho yoye napaheka yoye. ¹⁰ Hompa Karunga opo amuyitire palivhu vamushampuruke, kuva Abraham, naIsaac, ntani naJacob ashi ngavamupa shitata shashinene shashiwa osho wadira kudika, ¹¹ na ndjugho yakuyura vininke vyaviwa ovyo mwadira kuruwana, nakumupa livhu olyo mwadira kutapeka, ngamu lya dogoro kukuta. ¹² kukara nawa mposhi kapishi nga ghuvurame Hompa gho amughupiro mushirongo shaEgipte, mundjugho da ghupika. ¹³ Ngaumuhora Hompa Karunga;ndje ngautangauka, ntani ndje nka ngaghughananga palidina lyendi. ¹⁴ Kapi ngaghuye ndanganka kuva Karunga peke, ndimpindi kuva Karunga vavantu ovo vanakukundurukido - ¹⁵ ntjene ngautangau kange vaKarunga vapeke - Hompa Karungaghoye ngagarapa nakukughupa pantunda yalivhu. ¹⁶ Kapi ngausheteka Hompa Karunga ghoye yira moomo wa mushetekire pa massah. ¹⁷ ngaghukwama dimuragho da Hompa karunga, dimuragho dendi dakuhova, veta dendi, odo akutantelire. ¹⁸ Ngauruwana vyauhunga navyaviwa kumatjo gha Hompa, ngoli ngaviyenda nawa nove, ntani ngaghu yenda nawa nakuruwana livhu lyaliwa olyo atapire Hompa kuvasho. ¹⁹ Nakuparuka mundjira oyo amukandilire. yira moomo avighambire Hompa. ²⁰ Opo ngavakupuranga vanvoye vavmati maruvede gho anakuyo ashi, ''nke atupelire Hompa Dino veta namashongo'' ²¹ makura ngahughambe kwamonoye, 'kwakalire va vipika vyava pharaoh; Hompa akatughupire muEgipte nankondo dendi, ²² atapa nka shineyedito na mauwa muEgipte, kwa Pharaoh, ²³ nakundjugho dendi nadintje kumantjo ghavo; akatughupamo muEgipte mposhi aka tuyite mushirongo shendi. ²⁴ Hompa atapire dimuragho kwetu mposhi tudikwame veta, tutjire Hompa Karunga wetu wamuwa, mposhi ature shimpe namonyo nalya namuntji, ²⁵ ntjene tukwame dimuragho dendi momu adi tura wira ndi ngatukara naliparu lyaliwa naghuhungami.