¹ Mosesa kwayitire vaIsrael navantje na kughamba ku kwavo ''Tegherera, israel, kumapangero na linkondopeko olyo naku tanta mumatwi ghenu namutji, ashi ngamu vikorouge na kuvipungura. ² Hompa Karunga wetu kwaturapo likukwatakano kumwe natwe paHorebu. ³ Karunga kapi a turapo likukwatakano elino na vanyakulyetu ngoli kumwe natwe, atwe natuvantje tuna kuparuko pano namutji. ⁴ Karunga kwaghambire kukwenu shipara nashipara pa ndundu ya kutunda mukatji kamundiro ⁵ (Ame kwa yimanine pakashi ka Karunga nanwe aruvede runya, mukutapa kukwenu nkango; anwe kwatjilire konda ya mudiro, mundiro, mpo mwa ghulire kuronda ndundu). Karunga aghamba, ⁶ ame Hompa Karunga ghoye, ogho akaughupo kutunda mu shirongo sha Egypte,kutunda kundjugho ya ghupika. ⁷ Anwe kughamba na kukarashi na vakarunga vavo kumeho yande. ⁸ Anwe nakukuruwanenashi lifano lyakushonga, likare lyamuwiru ndipo lyapalivhu, ndipo kuntji yamema. ⁹ Anwe nakuvitongamenashi ndipo muvikarere, kovyo ame, Hompa Karunga ghoye, ame Karunga wa lifupa. Ame kutengenekera undjoni gha vanyakulya; dogoro ku vana kuruvharo rwa utatu naru rwaune kovo vanyengo me, ¹⁰ naku negheda likukwatakano tikiliromo ku mayovi, kovo vahorome na ku pangura veta dande. ¹¹ Ove nakutwenya ghurashi lidina lya Karunga ghoye nyara nyara, Karunga ghoye kapi aruvanga vaku twenyaura idina lyendi nyara-nyara. ¹² Vhuruka liyuva lya sabata uli pongere, eyino mpangera ya Karungaa ghoye kukoye. ¹³ Mayuva matano na limwe ghaviruwana na kuruvha na vituwana vyoye navintje; ¹⁴ ngoli liyuva lyaghu ntambiri lya sabata ya Hompa Karunga gho ye. Opo nakushiwanashi kehe shiruwana - noveshi navana voyeshi, navana kadishi, namuruwani rume woyeshi, namu ruwani kadi ghoyeshi, na hove yoyeshi, na shidongi shoyeshi, naghu mweshi umwe wanavirongo akaro mulipata lyoye. Mposhi mukareli rume namukareli kadi ghoye apwiyumuke waro nove nka. ¹⁵ Vhuruka nove mupika wakaliro mushirongo shaEgipte, mpo Hompa Karunga ghoye kwa kuyita utunde kunya ku livoko lya una nkondo na livoko lya kughororoka. Kound yavyo Hompa Karunga ghoye kwa kurawira muku koneka iyuva lya sabata. ¹⁶ Fumadeka vasho navanyoko, shika momu Hompa Karunga ghoye akurawira mukuviruwana, mposhi ngauparuke shiruwosha shire mushirongo osho Karunga ghoye ana kumupa, mposhi ngavimuyendepo nawa. ¹⁷ Washa dipagha. ¹⁸ Washa shondera. ¹⁹ Washa vaka. ²⁰ Washatapa umgambi wavipempa wakudivyuka maparambo ghoye. ²¹ Washa dovaukira mukada mu maprambo ghoye, washa dovaukira mundi wamumaparanbo ghoye, lifuva lyendi, ndipo mupika rume wendi, ndipo mupikadi wendi, hove yendi, ndipo dongi yendi, ndipo nkehe shino shaha meno kwa mumaparambo ghoye.' ²² Nkango dino Karunga kwaghamba nalighi lyalinene kumbunga yoye nayintjeya pandunda ya katunda mukashi kaliremo lya muundiro, namu likurundema; uye kai wedako nkango dimwe. Uye kwa ditja nga pa vitafuro viviri vya mawe na kuvitapa kukwande. ²³ Vino kwayirepo, mpopo mwayuvhire liywi lya kutunda mukashi kali ndema, mpopo ndundu ya twelire, opo mwayire pepi name - vampititi venu namatimbi gha muhoko wenu. ²⁴ Amughamba, 'kenga, Hompa Karunga wetu anatunegheda uyerere wendi na unene wendi, atwe tuna yuvhu liywi lyendi kutunda mukashi ka muudiro; atwe tuna mono namuntji ashi Karunga mpiri aghamba navantu ,kuvhura vaparuke. ²⁵ Ngoli konda munke tufera? Oli likuru ndiro lino kulitushora; nangeshi atwe tuyuvhe liywi lya Hompa Karunga wetu atwe kuvhura tufe. ²⁶ Are kuruha rwetu waku kara mukashi karutu naruntjeya ogho ayuvho liywi lya Karunga wamonyo kuna kughamba kutunda mukashi ka mundiro aparuka, shika twe? ²⁷ Ove ghuyende na kategherera ku navintje ovyo Hompa Karunga atanta. Uya tuvyukurukire navintje ovyo Karunga wetu aghamba koye;kutuvitegherera na viruwana. ²⁸ Karunga kwayuvhanga nkango denu opo mwa ghambaanga kwande, ame kwayuvanga nkango davano vantu, odo vaghambanga ku koye. Ovi vana ghamba viwa. ²⁹ Hawe ashindi wakarako mutjima mwavo, wakufumadeka ame na kutikitamo dimuragho dande nadintjeya, navitjeya ndi ngavi vayendepo nawa kumwe navana vavo kunaruntje! ³⁰ Yenda kaghambe kukwavo, ''vyukenu kutende denu.'' ³¹ Ngoli ove, ndjimanene mpapano, ano ame kuni kutantera dimuragho na dintjeya, mpangero, nalikondopeko olyo kaghu vashongo mposhi vavikoneke mushirongo osho ngani vapa naku vitwara kumeho. ³² Ngamukoneke, ovyo, Hompa Karunga wenu amurawira; narumweshi kupirauka kurulyo ndipo kurumontjo. ³³ Anwe ngamuyende mundjira nadintje odo Hompa Karunga wenu amurawira, mposhi ngamuparuke, ntani ngavimu yendapo nawa, ntani ngava wederere ko kunyuku denu mushirongo osho munatamba.