¹ Odino ndo nkango Hompa arawilire Mosesa atantere vantu va Israeli mushirongo sha Mowabu, nkango odo awedelireko da likukwatakano odo avatantelire pa Horeb. ² Mosesa ayita vaIsraeli navantje avatantere ashi, ''Muna kenge navintje ovyo aruwana Hompa Karunga kumeho ya mantjo ghenu mushirongo sha Egipute kwa vaFarawo, ku vapika vendi, ntani ku vantu vamushirongo shendi- ³ udito wa unene ogho mwakengire, viyivito, na vitetu. ⁴ Ngoli dogoro lya namuntji Hompa kapi akupa mutjima wakuyiva, mantjo gha kukenga, ndi matwi gha kuyuvha. ⁵ Nakutumine mwaka dimurongo ne mumburundu, vyuma vyoye kapi vyakalire ko, vicama-nkaku kapi wavidwatire kumaghuru ghoye. ⁶ Kapi walire mboroto kehe yino, kapi wa nwine kehe yino vinyu ndi kehe marovhu, mposhi uyiva shi ame Hompa Karunga wenu. ⁷ Opo mwayire pano palivango, Sihoni, Hompa wa Heshiboni, na Ogi, hompa wa Bashani, rupukenu pandje turwane, tuvashayikitepo. ⁸ Twaghupa shirongo shavo mbyo twashitapilire kumara gha vaRuebenite, naku vaGadite, ntani pakatji karudi rwa vaManase. ⁹ Mposhi tulikenu nkango da likukwatakano ku kwavo, mposhi ngamuragope kwa navantje ngamuruwane. ¹⁰ Namuntji nwe kuna yimana, namuvantje, kumeho ya Hompa Karunga wenu, vayenditi venu, marenga, vakondi venu ntani na vanamberewa- navantje vakafumu vaIsraeli, ¹¹ vana venu, vakamali venu, ntani vantundwa virongo ovo munakara navo, ovo vamutjaverango vikuni ntani ovo vamuveterango mema. ¹² Kuna karerepo pano mposhi ngamungene mulikukwatakano na HompaKarunga wenu mu mughano wa Hompa Karunga wenu ogho ana kuruwana namuntji, ¹³ mposhi amurenke namuntji vantu vamwene, ngakara nka Hompa wenu, moomu aghambanga kwenu, yira moomo amughana ku vakurona venu, vaAbrahamu, Isacka, na Jakopo. ¹⁴ Anwe kapishi kwenu tupu nakuvitantera ashi mukukwatakane mu maghano- ¹⁵ kwa kehe uno anayimano pano natwe namuntji kumeho ya Hompa Karunga wenu- ngoli novo vanapiropo pano namuntji. ¹⁶ Mwayiva omo twaparukire mushirongo sha Egipute, nomo twarupukire mo mukatji kadimuhokoomo twapitire. ¹⁷ Mwamona vakarunga vavo vavipempa varuwanita kuvitondo na mawe, siliveli na ngorodo, ovo vakaliro navo. ¹⁸ Takamita ashi naumweshi mukafumu, mukamali, likare lipata, ndi lira ogho akaro na mutjima wa shuvo Hompa Karunga, ashi ngauyende mukakare vahompa vamu muhoko wapeke. Takamitenushi mwato mukatji kenu ndandani oyo ya yitango ururuna ushungu. ¹⁹ Opo ayuvhire nkango da lifingo, ngamutungika mu mutjima nakughamba, 'Ngani kara na mpora, nampili ngoli nganiyenda munkedi dande dona mu mutjima wande.' Ovino ngavidjonaura uteke kumwe na ukukutu. ²⁰ Hompa Karunga kapi ngakughupirapo, ngoli, lishandu lya linene lya Hompa ngalimuvyuka ogho muntu, lifingo nalintje vatjanga muno mumbapira yino ngalimuyera, Hompa Karunga ngatunditamo lidina lyendi muliwiru. ²¹ Hompa ngamutura kuntere na kumupa marondoro kumarudi gha vaIsaraeli, mukutulika lifingo na likukwatakano olyo vatjanga mumbapira ya veta. ²² Mwaka do dakuyo, vana venu ovo ngavakuro kuruku yenu, na vantundwa virongo ovo ngavatundo muvirongo peke, ngavaghamba po ngavamona mahepeko mushirongo shenu na lihamba olyo ngaturapo Hompa Karunga mauvera- ²³ ntani opo ngavamona shirongo nashintje kuna kara na lipeya ntani na mawe gha mundiro, kwato ovyo ngavakuna mo ndipo muyime nyango, ndi mpili mushoni, virongo vyenu ngavikara yira Sodomu na Gomora, Adima na Zeboyimu, ovyo adjonawire Hompa muugara wendi wa unene- ²⁴ ngavaghamba kumwe navantje na dimuhoko nadintje, 'Vinke aruwana Hompa mushirongo? Konda munke ya kugarapera weno?' ²⁵ Makura vantu ngavaghamba ashi, 'Mukondashi vatjora makukwatakano gha Hompa, Karunga wa vanyakulyenu, ovyo aruwanine navo opo avaghupire mushirongo sha Egipute, ²⁶ mukonda vayendire vakaruwanene vakarunga navo peke na kukavatongamena, karunga ogho vadira kuyiva novo ayivire ovo vamudiliro kumupa ²⁷ Mpo ngoli ugara wa Karunga aghuyita vihuna na lipiro kukwatitako vamushirongo, ngaviyite mafingo ogho tjanga mu mbapira. ²⁸ Hompa akavghupa mo mushirongo shavo, na ugara, ugara wa unene, ntani nakuvavukuma mo mushirongo vayende mushirongo nasho peke, yira namuntji. ²⁹ Vininke vya lihoramo kwa hamena kwa Hompa Karunga wenu pantjendi; mukondashi vininke evi ana kushorora kwa hamena kwetu naruntje na kumarudi ghetu, mposhi tuvure kuruwana nkango nadintje da dino dimuragho.