¹ Kwato muntu aremano ndi opo akuteto ogho ngakangeno mumakupake gha mbunga ya Hompa. ² Kundereko nwanuke ogho vayitira pandje ya nkwara da paveta ogho nga hameno kumakupakerero gha vantu va Hompa,kwato umwe wapa pavo ngahameno kumakupakerero gha Hompa. ³ MuAmoni ndipo muMowabi kapi ngahamena kumakupakerero gha Hompa; nampiri kumuhoko wa umurongo wa ruvaro rwa vana vendi, kundereko wa pakatji kovo ngahameno ku makupakerero gha Hompa. ⁴ Ovino mukundashi kapi avakugwanikilire nove na mboroto ntani na mana mushitaghura opo mwatundire mu Egipute, ntani mukonda ashi vamuhilire Balamu mona wa mukafumu wa Beyori wakutundilira ku Aroma Naharayimu, ghayamufinge. ⁵ Ene ngoli Hompa Karunga wenu kapi ngategherera kwa Balamu; Hompa Karunga wenu ngatjindja mfingo akare matungiko kwenu, mukondashi Hompa Karunga wenu amuholire. ⁶ Anwe kapishi ngamu shaneshane mpo na liyendo kumeho kukwavo, mumayuva ogho naghantje. ⁷ Anwe kapishi ngamukanyenge va Edomu, vavo mbo valiro lyenu, kapishi ngamukanyenge Egipute, mukondashi mwakakalire vantundwa virongo mushirongo shavo. ⁸ Vana vavo varuvharo rwa utatu ngavakahamena kumakupakerero gha Hompa. ⁹ Opo ngamukamasha anwe varwi vita na vanankore venu, ano anwe ngamukatunde kuviruwana dona. ¹⁰ Ntjene ashi mpwali umwe mukatji kenu ogho ana diro kukena mukonda yovo vina mushorokeromatiku, makura ghuye ana kona kutunda mulivango lya mararo gha vakavita; ghuye kapishi ngakavyuke mulivango linya. ¹¹ Paruvede rwa ngurova ana kona kuyowana na mema, kukatoka kwa liyuva, ghuye akavyuke mulivango linya. ¹² Muna hepa kukara nalivango pandje ya kamba oko munahepa kuyenda, ¹³ muna hepa kukara nashiruwanita pakatji kaviruwanita vyenu shakutimita, pakuyenda pandje muna hepa kutima likwina ntani kuvyutirapo livhu na ufike ovyo vinatundo murutu roye. ¹⁴ Hompa Karunga wenu ngayendaura mukamba mukumupa lifundo nakutapa vanankore venu mumaghoko ghenu. Mposhi kamba yenu yikare ya kupongoka, makua Karunga apire kukenga kehe vino vya kunyata mukatji kenu ntani na kupira kumupa likoti. ¹⁵ Anwe kapishi ngamuvyute kuvahona vavo vapika vakuhena. ¹⁶ Mupulitire ataunge nove, mukehe doropa ngatoghorora. Washa mukarera ukenya. ¹⁷ Kapishi ngapakakare vakamali varuntjo mukatji ka vaIsraeli, ndipo ashi ngapakakare vakafumu varuntjo mukatji kavaIsraeli. ¹⁸ Kapishi ngamukayite ntjontjo da vantu vakukughulita naumwavo ndipo ntjontjo da mbwa mundjugho ya Hompa Karunga wenu kukehe mughano, navintje ovyo lishwaghu kwa Hompa Karunga. ¹⁹ Kapishi ngamu kakurotite kumwe na vaIsraeli vaunyenu- makongo gha maliva, makongo ndya, ndipo makongo gha kehe vino vatapanga pa makongo. ²⁰ Kwa muntundwa virongo kuvhura tupu kutapa makongo, ene ngoli ku vaIsraeli vaunyenu washa kamupa pa makongo, mposhi Hompa Karunga ngamukandayike mukehe vino ngamu kakwata lighoko, mushirongo osho ngamukaghupa shikakare shenu. ²¹ Pakughana mughano kwa Hompa, kapishi ngaukare maranga pa kughutikitamo. Hompa Karunga wenu ngavimuruwanena ngavitikilire mo, ngayikara ndjo ntjene ashi kapi unatikitamo. ²² Ene ngoli ntjene aghu kughu ko mughano, kapi ngautura ndjo. ²³ Kehe shino sha kutunda mukanwa ketu tuna kona kushikengurura na kushiruwana, kutwara momo wa ghana kwa Hompa Karunga ghoye, kehe vino wa huguvalita ngauwana limanguruko na kanwa koye. ²⁴ Pakuyenda mushikunino sha mandjembere gha maparambo ghenu, Anwe kuvhura tupu kulya mandjembere ogho muna shana, ene ngoli kundereko kutura muvikumba vyenu. ²⁵ Pakuyenda mushikunino sha rukokotwa sha maparambo ghenu muna hepa tupu katetako mutwe wa mbuto na maghoko ghenu, ene ngoli kundereko kushimba.