¹ dino ndo ntjangwa na mpangera dapaveta odo nganu kwama osho Jehovah, Karunga wava shenu, amupa muweke. Mumayuva naghantje ogho ngamuparuka pandunda yalivhu. ² Ngamu djonaura mavango naghantje ogho ngamushakana vanavingo oko vakareranga vikarunga vyavo. Pandundu dadire, patundundughona namunda yashitondo kehe shino shashinamahako. ³ Tjorenu shidjambero shavo, bomaurenu ngundi davo damawe, nakushora para davo dadire. Tetaurenu mafano ghava Karunga vavo vavitondo ovo vashonga nakudjonaura madina ghatunde mumavango ogho. ⁴ Kapi ngamukarera Jehova Karunga wenu ngoweyo. ⁵ Ngoli livango olyo ngahoroghora Jehovah Karunga wenu mumandi ghenu naghantje mukuturamo lidina lyendi, olyo ndyo livango omo ngakara, opo mpo ngamuyenda. ⁶ Opo mpo ngamutwara ndjambo denu dakukushuva-shuva, vyenu, vikwamurongo, navitapa vyakutunda mumaghoko ghenu,vitapa vyenu vyadimughano,vitapa vyakutunda kudimutjima denu, nava mbeli vavirunda venu. ⁷ Opo mpo ngamukalyera kumeho ya Jehovah Karunga wenu nakuhafa kwanavintje ovyo mwa kwata kwatanga namaghoko ghenu, anwe kumwe namapata ghenu, oko amutundikira Jehovah Karunga wenu. ⁸ Kapi ngamuruwana nka vininke navntje ovyo tuna kuruwana pano panamuntji; weno kehe uno kuna kuruwana kehe vino vinahungamo mumantjo ghamwene; ⁹ kapi shimpe munatiki kulipwiyumuko, kughupingwa ogho ana kumupa Jehovah Karunga wenu. ¹⁰ Ngoli opo ngamupata Jordan nakutunga mu shirongo shaghupingwa osho amupa Jehovah KJarunga wenu, nakumupa lipwiyumuko kuva nankore voye navantje ovo vakukundurukido. Weno kuutunga ngoli mulipopero. ¹¹ Ntani kulivango olyo Jehovah Karunga ghoye ngahoroghora mukuturapo lidina lyendi mukutungapo-opo mpo ngamukayiva navintje ovyo namurawilire: ndjambo denu da kushwakerera, ndjambo denu vikwa murongo vyenu, na vitapa vyakutunda mumaghoko ghenu, na navintje ovyo mwahoroghora vya ndjambo kudimughano odo ngamughana kwa Jehovah. ¹² Ngamuhafa kumeho yaHompa Karunga wenu-naumwenu,vana venu vavamati, vavakadona, vapika venu vavakafumu, vavakamali, nava Levite ovo mwakara navo pamavero ghenu, mukondashi vavo kundereko livu lyavo lyaghupingwa mukashi kenu. ¹³ Kuteghererenu nawa naumwenu mposhi ngamupire kudjamba ndjambodenu dakushwakerera kulivango kehe lino olyo ngamumona; ¹⁴ ngoli kulivango olyo Jehovah ngahoroghora mukatji karudi rwenu rumwe rwamukatji kenu oro ngarudjambo ndjambo denu da kushwakerera, oko nko ngamu karuwanena navintje ovyo nakumurawira. ¹⁵ Ene ngoli, ngamudipaghe nakulya vikorama vya mukashi kenu, yira moomo munavishanene, kuwana matungiko gha Jehovah Karunga navintje ovyo avimupa, vakukushuka nava vakupira kukushuka navantje kulyako tupu, vikorama yira vamenye navampara. ¹⁶ Ene ngoli kapishi ngamulye honde; ngamutetere palivhu yira mema. ¹⁷ Nakulyashi kuvikwa murongo mukatji kenu vyarukokotwa rwenu,vinyu yenu yayipe, maghadi ghenu, ndi vambeli vamuvighunda vyenu; na kulyashi kehe yino nyama oyo munadjambita ndjambo kumwe namughano kehe dino odo munaghana, navitapankashi vyamatokoro ghanaghumwenu, ntani navitapa ovyo munatapa namaghoko ghenu. ¹⁸ Palivango lyalyo, ngamuvilya kumeho ya Jehovah Karunga wenu mulivango lya ngahoroghora Jehovah Karunga wenu- vanavenu vavamati, vavakadona, vapika venu vavakafumu, vapika vavakamali, nava Levite ovo vatungo mukatji kenu; ngamuhafa kumeho ya Jehovah karunga wenu mwanavintje ovyo mwaruwana vya maghoko ghenu. ¹⁹ Rungama mposhi kapishi ngauvurame va Levite shirugho osho unakuparuka pantunda yalivhu. ²⁰ Opo Jehovah Karunga wenu opo anenepekire dimurudi, ashi akutwenyidira ve, aghu ghamba ashi, nganilya nyama; mukonda yashihoro shande sha kulya nyama, yira moomo unavishanene mweyo woye. ²¹ Nangeshi livango olyo atoghorora Karunga wenu aturemo lidina lyendi ure unene kukwenu, makura ngamudipaghe vimuna vyenu vimwe navighunda vyenu vimwe ovyo amupa Jehovah Karunga wenu, ashi namurawira anwe, mukulyera pamavero ghenu,yira moomo dina shanene dimutjima denu. ²² Yira moomo tupu vamenye na vampara vavalyanga, mo ngamuvilya; vantu vakupira kukena nava vakukena ngavalye navantje kukufana. ²³ Karenu munayiva nawa nawa ashi kapishi mulye honde, mukondashi honde ndyo liparu; anwe nakulyashi liparu kumwe nanyama. ²⁴ Kapishi ngamuyilye; ngamuyitetere palivhu yira mema. ²⁵ Kapi ngamu yilya, mposhi ngavi muwapere, na vanavenu vakunyima yenu, opo ngamuruwana vyakuhungama mumantjo gha Jehovah. ²⁶ Ovyo vyatumbukiro kwa Jehovah ovyo munakara navyo na ndjambo dadi mughano denu- ngamuviupa vyo mposhi muyende kulivango olyo atoghorora Jehovah. ²⁷ Oko ngamuka tapa ndjambo denu dakushwakerera, nyama nahonde pashidjambero sha Jehovah Karunga weu; honde yavidjambwa vyenu vyakushwakerera ngavavitetera pa shidjambero sha Jehovah Karunga wenu anwe ngamulyeko nyama. ²⁸ Kengenu naw nakutegherera nawa kunkango nadintje dino nakumurawira, mposhi ngavi muwapere nwe na vanavenu kunaruntje, nange amuruwana ovyo vya wapero nakuhunguma mumantjo gha Jehovah Karunga wenu. ²⁹ Opo Jehovah Karunga wenu ngandemburako vanavirongo kukwenu, opo ngamuyenda mo muvashakane,mnakuvashakana, nakuyunga mulivu lyavo, ³⁰ vangararenu kwana ghumwenu mposhi vipire kumudingirikida mufemo mukuvakwama,kunyima kuno vavo vanavadjonaura shikenga mentjo-mukafemo mukukonakona vaKarunga vavo, mukupura, ashi weni ghuno muhoko omo vakareranga vakarunga vavo? Nganiruwana mwakukufana.' ³¹ Kapishi kukarera Jehovah Karunga ghoye mundjira yangoweyo,mbyovyoshi navintje vya kunyata kwa Jehovah, vininke ovyo anyenga-vavo vavi ruwana vino nava Karunga vavo; vavo vadjambera ndjambo dalishwakerero vanavavo vavamati navana vavo vavakadi mumundiro kuvaKarunga vavo. ³² Kehe uno nakumurawira, vilimburukwenu, mwasha wedererako ndi mutepurureko.