¹ Muruku ndjorongani opo yapwire, Paul atumu varongwa muruku ghuye opo ava korangidire vavo, ntani aghamba yendenupo nawa na kutundapo ayendi ku Macedonia. ² Opo vayendire mudimukuda odo mpo vakaghambire kango dadingi dama korangedo kukwavo, ghuye akaya ku Greece. ³ Muruku ro akakalireko makwedi matatu nkoko, ava tungu lighano ashi ndi vamuvyute va Jews apa arenkireshi ndi ayende ku Syria, makura atokora avyuke kupita mu Macedonia. ⁴ Ava mutindikida ghuye ghure yira ku Asia kwakalire va sopater mona Pyrhus antundo ku Berea; Aristarchus na Secundus, kupakerera kutundilira ku Thessalonia vapuli; Gaius wamu Derbe; Timothy; ntani Tychicus na Trophimus wamu Asia. ⁵ Ano ava vakafumu kwayendire kumeho yetu ntani vakatutatilire ku Troas. ⁶ Atukayenda tutunde mu Philippi muruku rwamayuva ghamboroto yahana vifulito, mumayuva matano atuya kukwavo mu Troas. Omo motwakalire mayuva hambombali. ⁷ Muliyuva lyakuhoverera mushivike, opo va pongire kumwe vakutetawire mboroto, Paul aghamba kuva puli. Ghuye kwaghayalire atundepo kuliyuva lyakukwamako, makura ghuye akukundu navo dogoro shirugho shamatiku. ⁸ kwakalire ramba dadingi mundjugho yakuwiru oyo vayendire vakaponge kumwe. ⁹ Palikende kwashungilirepo mumati walidina Eutychus, ogho twakwatire turo unene, opo aghambire Paul shirugho shashire, oghu mukafumu wamwanuke, ghuye shimpe aralire, aghu kundjugho yaghutatu ntani avamudamuna ghuye anafu. ¹⁰ Ngoli Paul ayendi aghurumuke, aghonona ghumwendi papendi, amu dingire ghuye. Aghamba ashi,''kapishi vimutoromokwe, kukwendi ghuno shimpe muyumi ¹¹ Mpo ayendire kuwiru shimpe nakutetaghura mboroto nakuyilya. Muruku opo aghambire navo ¹² shirugho shashire dogoro alikatoka atundupo. Avamuvyuta nkoko ogho mumati ghuye muyumi ntani vyava shengawidira ghunene. ¹³ Atwe ghumwetu atu piti kumeho ya Paul nashikepa atu ya mu Assos, Omo twaghayalire tuka murondeke muwato. Evi mbyo ashanine mwene kuruwana, mukonda ghuye kwaghayalire kuyenda parupdi nkoko. ¹⁴ Opo akatuwanine mu Assos, atu mughupu tumu tware ghuye mushikepa mpovayendire ku Mitylene. ¹⁵ Evi twatunda opo, mpo twakatikire liyuva lyakukwamako kwakukundama na shirudi sha Chios. liyuva lyakukwamako ava kundama pashirudi sha Samos, ngoli liyuva lyamuruku opo twayendire kushitata sha Miletus. ¹⁶ Mpo Paul atokora kupita Ephesus, ndi kapishi akamane shirugho sha kukara mu Asia; ghuye akwangura akatike mu Jerusalem muliyuva lya Pentecost, ntjeni kuvura ngavitikitemo kuviruwana, ¹⁷ Muku tundilira ku Miletus atumu mukafumu ku Ephesus akanyite vakurona vangereka. ¹⁸ Opo ngoli vaya tikire kukwendi, ava tantere ashi, ''anwe naghumwenu mwaviyiva, muliyuva lyakuhova olyo nalyatire mpadi yande mu Asia, omo kani karanga kehepano kumwe nanwe.'' ¹⁹ Ame kani rughanenanga Hompa mukukufupipika na muruntjodi na mumahepeko, agha kagha tundilirango mukuvandera va Jews. ²⁰ Anwe mwayiva ashi me kapi namuhorekerako vimwe vyakumukwafa, ntani weni omo namutantilire mumbunga na kutunda mundi yenda mundi, ²¹ Kungapipara kuva Jews navantje na Greeks kuhamena kukutezurura kumeho ya Karunga nakukara nalipuro mwa Hompa Jesus. ²² Ngoli kengenushi, ame kuna kuyenda ku Jerusalem, namutininiko wampepo, kapi nayivashi nke ngavi kantjorokerome kunya, ²³ Kwandi mpepo yakupongoka yina ngambipara kukwande ashi kehemuno mushitata muna kara mo mango namaghudito ghana kuntaterero mo. ²⁴ Mara kapi nakughayara liparu lyande ndinikare nashinka shanaghumwande, nkwandi ngani mane marumbatano na kumanita virughana ovyo natambura kwa Hompa Jesus, na kungambipara kunkango na ghuyerere wa Karunga. ²⁵ Ngoli kengenu, naviyiva anwe namuvantje, omo mukatji kenu ovo nayendire navo kuhamena kukayaghura untungi waliwiru,mukukenganka shipara shande kwato makura, ²⁶ Kutundapo nangambipara papenu namuntji, ame kwato ndjo kwakehe honde yamuntu. ²⁷ Ame navimweshi namuhupitiriko, mara me namuyuvhitira mpango nayintje ya Hompa. ²⁸ Kutundapo kukukunga naghumoye, mutakamite mbunga ntani omo yamuhorora mpepo yakupongoka mukare vakengeli, karenu varuti vangereka da Karunga, odo awana kuhonde ya mona wanaghumwendi. ²⁹ Naviyiva muruku rwaku yendame, mambungu ngaghaya mukatji kenu mara kapi ngagha mutupura mumbunga. ³⁰ Naviyiva nkashi mpindi mukatji kenu vamwe vakafumu ngava shapuka na kughamba vipempa ashi ngava waneko varongwa muruku rwavo. ³¹ Mpongolishi takamitenu naku vhurukashi mwaka ntatu kapinashayeka kumukorangeda na kumurondora ghumwe mumwenu matiku namwi naliyuva lya maruntjodi. ³² Ntantani ame ngani mutapa kwa Karunga na kunkango dakunkenda yendi odo dakaro naghunankondo dokumukulika, nanwe ngamu wane upingwa kumwe nava vapongoko. ³³ Ame kapi nanyenga Silver, Gold ndi mudwato. ³⁴ Anwe ghumwenu mwaviyiva ogho maghoko ghangamena vihepwa vyande ntani navihepwa vyavo vakaliro kumwe name. ³⁵ Mwanavintje evi namupa vyashihoninita omo muvhura kuvatera ovo vaghupiro ghunankondo okuno atwe kuna kuvhuraka, ntani omo ghuvuruka nkango odo aghambire mwene. kuwana matungiko gha mangi kutapa ntani mukutambura.'' ³⁶ Muruku opo aghambire evino weno, atwire ngoro araperere navo kumwe navantje. ³⁷ Vavo ava lili shirir ntani vavo ava mudingiri Paulusi na kumu ncumita. ³⁸ Ava kara yira vana guvara mukonda ashi mbyo vinya va tantelire, ashi ghuye nka kapi ngava kamona shipara shendi, mpo vamutindikire ghuyee kushikepa.