1 Shayire shirugho shinya Apolosi akalire ku Kolinte, Paurusi apiti kupitira muvirongo vya kuUrundu ntani aya kushitata sha Efesusi, ntani awana varongwa vamwe panya. 2 Paurusi aghamba kwavo, "munatambura mpepo mupongoki opo munapura?'' Ava ghamba kwendi, ''Hawe, Kapi tunayuvhu nampili vyakuhamena kumpepo mupongoki.'' 3 Paurusi aghamba, ''munke ngoli omo vamukusha?'' Ava ghamba, ''Muliyoyero lya Johanesa.'' 4 Makura Paurusi alimburura, "Johanesa ngayogha liyoyero lyalikushighuro. Atantere vantu ashi vapure mwa ghunya ngayo kuruku yendi, ghuye ndje Yesusa.'' 5 Apa vayuvhire vino vantu, vavayoyire mulidina lya Hompa Yesusa. 6 Makura apa akambikire maghoko ghendi Paurusi pavho, mpepo mupongoki ayiya pavo ntani vaghambire maraka nagho peke nakuporofeta. 7 Munavantje kwa kalire vaka fumu murongo na vaviri. 8 Paurusa ayendire mu Sinagoge nakughamba na ghuradi, makwedi matatu, kushingonona ntani nakaunegheda kwavo kuhamena ghuntungi waKarunga. 9 Ano ngoli vamwe vavaYuda apa vakukuta dimutjima ntani nakupira kulimburukwa, ava tameka kughamba ghudona kulishongo kumeho ya mbunga. Paurusa ava shuvu ntani a ghupu varongwa kumwe naye, kushiingonona kumwe navo kehe liyuva mu nkona ya mashongo ya Tayiranus. 10 Evi vyayendire kughuto mwaka mbiri, mukonda ashi navantje ovo vatungire mu Asia vaayuvhe nkango da Karunga va Yuda ntnai va Gereka 11 Karunga karughananga vitetu vyavinene mumaghoko gha Paurusa, 12 makura nampiri shikeshe shakukukuyulita kumantjo ntani shikeshe sha kudwata pakutereka ovyo vyamukwato vavi twalire kuvaveli ntani mauvera ghavo ava tundire ntani mpepop dadidona davatundire. 13 Ano ngoli mwakalire vaYuda vakurapera ovo kava yendaurango mulivango. Vayitere lidina lya Hompa Yesusa Kristusa mpo ashi vakare nankondo mukufunda mpepo dadidona apa vaghamba, "Mulidina lya Yesusa ogho ayuvhita Paurusi, nakumurawira murupukemo." 14 Mupristeli wamunene wava Yuda, walidina Skeva Akalire navana nta-mbiri ovo varughanineno vino. 15 Mpepo yayidona ayiva limburura, Yesusa namuyivha, ntani Paurusi nayivha; Ano ngoli anwe vare? 16 Mpepo yayidona yakaliro mumukafumu ayi vavatukiri vakakuraperera nakuvafunda ntani nakuvaghupa nkondo na kuva toghona. Makura ava duka pandje shintjentja ntani vavo varemanine. 17 Ovino kwayivhikire kwanavantje, vaYuda ntani vaGereka, ovo vatungiro mu Efeso. Vakalire naghoma unene ntani lidina lya HOmpa Yesusa valifumadekire. 18 Waro nka, vangi vavapuli vayire ntani vatongwenine ntani nakutapa vininke vyavidona ovyo varughanine. 19 Vangi ovo varughanitiro vya ghupure vayitire mbapira davo ntani nakudishora kumeho ya kehe ghuno. Opo vavarwire mulyo wado, wakalire mayovhi dimurongo ntano gha vimalivha vya siliveli. 20 Mpo ngoli nkango da Karunga dakuhanine unene mundjira daunankondo. 21 Weno muruku Paurusa apa amanine virughana vyendi mu Efeso, atokolire mumpepo kupita muMekedonia ntani Akayia mundjira yendi yakuyenda ku Yerusalem; Aghamba, '' Muruku yapo nakakalireko, nahepa waro kakenga ku Roma.'' 22 Paurusa atumu vavateli vaviri ku Masedonia, Timotegjusi na Erastusi. Ano ngoli mwene akalire mu Asiya paka shirugho. 23 Pashirugho ntjoshinya kapi mwa kalire ntjorongani yayididi mu Efeso kuhamena kundjira. 24 Mukafumu ghumwe wakushambura siliveli wa lidina Dematrighusi, ogho kashamburango siliveli yashishwi sha Artemis, Ayitire ngeshefa yayinene kuvashongauli. 25 Apongeke kumwe vakafumu vavirughana vinya ntani aghamba, ''Vakafumu, mwayivha ashi mungeshefa yino atwe kurughana vimalivha vya vingi. 26 Mwamona ntani nakuyuvha ashi, kapishi ku Efeso, ano ngoli kupita mu Asiya namuntje, vino Paurusa apampalikida ntani nakupirura vantu vavangi. Ghuye kuna kughamba ashi kundereko vakarunga ovo varughana namaghoko. 27 Kapi tupu pana kara shiponga ashi lighulito lyetu kapi ngavali shana, Ano ngoli waro ashi naNtembeli yaKarunga wamunene Artemus kuvura ngayikare yahana mulyo, ntani unene wendi ngauya pira mulyo. Makura ghuye ngaya kombanita unene wendi, ghuye ovo varaperanga navantje, vakaAsiya ntani na Udjuni naghuntje.'' 28 Opo vaviyuvhire vino kwayulire na Ugara ntani nakulira, kughamba, ''Wamunene ndje Artemus wava Efeso.'' 29 Shitata nashintje kwakalire vana pambana, ntani vantu ava dukiri nalighano limwe mu ndjugho yavi danaghuka. Ava kwata vatumwa va Paurusa ovo kayendanga navo, Gayius na Aristakus ovo vatundiro ku Masedonia. 30 Paurusa ashanine kungena mukatji ka mbunga, ano ngoli varongwa vamushwenikire. 31 Waro, vamwe vavakalire vamu shirongo sha Asiya ovo vakaliro vaholi vendi vatumine mbudi mukumuromba ashi kapi angene mundjugho. 32 Vantu vamwe vayiyilire shininke shimwe, ntani vamweya, vambunga vakalire muli pambano. Ungi wavo kapi vayivhire ashi nke vayelire kumwe. 33 Vamwe vamumbunga vakorangedilire Aleksander, ogho vatindikire kumeho vaYuda. Aleksander ayendita lighoko lyendi, mukushana kutapa likupopero kumbunga. 34 Ano ngoli apa vakwatire lighano ashi akalire muYuda, navantje ava lili hambara vili mbiri naliywi limwe, kughamba, ''Wamunene ndje Artemus wava Efeso.'' 35 Opo ayaimwenekidire mbunga kamutjangi wa doropa, aghamba, ''Anwe vakafumu vamu Efeso, are mukafumu adiro kuyivha shitata sha Efeso ntjo mupunguli ntembeli ya Artemus wamunene nali fano lya wiro kutunda ku liwiru? 36 Kumona makura ashi vino vininke kapishi kuvikananita mwatokora mukumwena ntani kundereko kurughana vya kuyenderera. 37 Mbyo muna yita vano vakafumu kumpanguro ovo vahanashi vanawidi va ntembeli ndi vaku shwaghuli vakarunga wetu. 38 Mpo ashi nange Demetrius ntani vaka fumu vavi shongaura ovo vana kara naye, vana kara nalirundiro kukehe uno, mpanguro dinagharuka ntani muna kara vapanguli. Vashuvenu vakurundire naumwavo. 39 Ano ngoli nange munashana vininke vimwe, ngavitokoka mushigongi shapa veta. 40 Ushiri atwe mushiponga twa kara shakuturundira kuhamena shiponga shana muntji. Kapi pana kara ntundiro ya lipiro kukuyuvha, ntani atwe kapi ngatuvhura kuvishingonona.'' 41 Opo amanine kuvighamba vino, ahanaura lipongero.