¹ Pepi tupu nauhura wamwaka dimurongo mbiri, shirugho eshi Salomoni amana kudika ndjugho ya Hompa ntani ndjugho ya mwene, ² Salomon atungurura doropa eyi Hiramu a tapire kukwendi, nakutura mo vantu vaIsrael va tungemo. ³ Salomon ahomokere Hamati Zobah na kumufunda. ⁴ Ghuye atungu Tadmor mumburundu, ntani ghupungwiro nauntje wamunkurumbara, edi adikire mu Himati. ⁵ Ntani nka adiki Betihoroni yakuwiru ntani Betihoroni yapalivhu, nkurumbara vadikire nalikuma, mavero ghamanene, ntani vikunguvero. ⁶ Solomon adikire Baalati ntani vipungwiro vya munkurumbara nsvintje evi a wekire, ntani nkurumbara nadintje davikarukara vyendi ntani evi nkurumbara davarandi vankambe dendi, ntani navintje evi ashanine kudika mulikuyuvho vyendi muJerusalema, muLebanon,ntani mushirongo nashintje munda yalipangero lyendi. ⁷ Kuvantu navantje ava va shuvire vaHettite, va Amorites, vaPeresi, vaHivites, ntani na Jebusite, ava vadiliro kuhamena kuIsrael, ⁸ vavo vano ava va shuvire kurukurwavo mushirongo, ava vadire kudjonaurapo vantu vaIsrael-Salomon ava tura muvirughana vyamutininiko evi vana kara naliyuva lino. ⁹ Ene ngoli, Salomon kapi atulire vantu vaIsrael muviwana vyamutininiko. Ano ngoli, ava kara vakavita vendi, vakungi vendi, vakamberewa yendi,ntani vakurona vavakavita vendi ntani varondi vatukambe vandi. ¹⁰ Avano mbo nka va kurona vavanambewa mukukarerapo vaforomani vahaminino kwaHompa Salomon, navantje 250, ava kava kengerango vantu ava kava rughanango viruwana. ¹¹ Salomon aka yita mona waFarawo atunde kunkurumbara yaNdafita ayende ku ndjugho eyi amudikilire, ghuye aghamba, ''Mukamali wande na kuvurashi kukara mundjugho ya Ndafita Hompa waIsrael, mukonda kehe kuno shayenda shikesha sha Hompa kwapongoka.'' ¹² Makura Salomon avapa ndjambo yakushwakerera pashidjambero eshi atungire kumeho ya livero ndjugho. ¹³ Ghuye kwatapire ndjambo moomo dakara palikukwamo lya muliyuva nalintje; ghuye adi djamba, mukukwama ndjenditito awanine dimuragho daMosesa, muliyuva lya Sabata, ntungwedi dadipe,ntani pavipito vyakutrapo rutatu kehe mwaka: Shipito shamboroto dahavishita, shipito shavivike, ntani vipito vya ndjugho. ¹⁴ Mukutikitano manangwiro a vashe Ndafita, Salomon ahorowora vaPristeli naku vahangura muvirughana vyavo, ntani varudi rwa Levi mumavango ghavo, mukurenka ashi vashamberere Karunga ntani kumukarera kumeho yavaPristeli, yira moomo vya kara pandjenditito ya kehe liyuva. Ghuye nka ahoroghora vatakamiti vapamavero na nakuvahangura vakare kilivero kehe lino, Ndafita, muntu waKarunga, naye nka avi rawilire vino. ¹⁵ Vantu vano kapi vatundire kumarawiro gha Hompa kuva Pristeli ntani vaLevi mukuhamena kehe vino, ndi kuhamena ndjugho dakupungwira. ¹⁶ Viruwana navintje aruwanine Salomon vyatikiremo, kutunda kuliyuva lyalitateko lya ndjugho yaHompa vali tulire dogoro ali pu. Ndjugho ya Hompa yapwire. ¹⁷ Makura Salomon ayendi ku Ezion Geber ntani ku Elati pashirudi, mushirongo shaEdom. ¹⁸ Hiram a mutumine vikepa evi varaghulire varughani vamu mberewa yendi, vakafumu vayiviro lifuta,ntani varughani vaSalomon avayendi ku Ophir ntani ava ghupuko maliva ghakutika ku 450 ghamuwaya-waya gha ngorodo nakughayita kwa Hompa Salomon.