¹ Joash akalire namwaka dimurongo ntambili apa atamikire kupangera; makura apangere mwaka dimurongo nee muJerusalem. Lidina lyavawina ndyo Zibiah, wa Beersheba. ² Joash aruwanine evi vyahafitiro Karunga mumayuva naghantje gha Jehoiada, muPristeli. ³ Jehoiada amupangere vakamali vaviri, makura akara SHA wavana vavakafumu nava vavakamali. ⁴ Kunyima yavino, Makura Joaash awapiukurura ndjugho ya Karunga. ⁵ Makura apongeke vaPristeli ntani nava Levites, makura aghamba kukwavo, ''Kehe mwaka yendenu kunkurumbara ya Judah nakukaponeka vimaliva navintje vyamu Israel mukuyawapukurura ndjugho yaKarunga. Vangararenu ashi munakona kutameka weno,'' Va Levites kudereko evi varuwanine pamuntango. ⁶ Makura Hompa ayita Jehoiada muPristeli wamunenepo nakuyamutantera, '' Vinke una dilire kupura vaLevi vayite mo vakutunda kuJuda ntani Jerusalem mutero wakudira kunegheda ukaro wadira lifumadeko atulirepo Mosesa mukareli waHompa ntani mbunga yaIsrael yatende ya marondoro ghalikukwatakano?'' ⁷ Mona Ataliah, mukamali wamudona, atjolire ndjugho ya Karunga nakutapa vininke navintje vyakupongoaka vya mundjugho ya Hompa kuva Bara. ⁸ Makura Hompa arughana, ntani ava rughana shikesha shavipirangi shakukora nakushitura pandje yalivero lya kungenena mundjugho yaHompa. ⁹ Makura ava tura liyiyiro kuJuda ntani Jerusalem, vantu mukuyita mutero kwaHompa oghu Mosesa mukareli wa Karunga atulirepo paIsrael mumburundu. ¹⁰ Vampititi navantje ntani vantu navantje kwahafire nakuyita vimaliva nakuvitura mushikesha dogoro vamanine kushiyuda. ¹¹ Kavishorokanga ashi kehe pano kavayitanga shikesha kuvana mberewa vaHompa kutunda mumaghoko ghava Levi, ntani kehe pano kava shimonanga shasho shina kara namaliva ghamangi. Vavhukiti vavipempa vaHompa ntani vakurona vavaPristeli wamumberewa vavo kava yanga, shikesha shamaghokoghoko, nakuya shishima nakushitwara palivango lyasho. Vavo kava virughananga vino kehe liyuva, kupongayika maliva ghamangi. ¹² Hompa na Jehoyiyada kavatapanga maliva kovo kava taperango ndiya mundjugho yaHompa. Vano vakafumu ava kughuko vakafumu vakaro nauyivi wakutera mawe naukughashonga awape kughadikita ntani vashongi vavipirangi mukuya wapukurura ndjugho yaKarunga, ntani nka ovo kava rughanango vikugho na ngorodo. ¹³ Makura vakafumu vavirughana ava tameke, ntani virughana vya kuwapukurura avi yendi kumeho mumaghoko ghavo; ava tura ndjugho yaKarunga murupe rwayo rwakare nakuyinkondopekeka. ¹⁴ Apa va manine, ava yita vimali navintje kwa Homap na Jehoyiyada. Maliva ghano kwa gharuwanitire mukurughana vifughura mundjugho yaHompa, Virughanita evi kava tapilitanga ntani pakudjumbira vaitapa-marutugho ntani virughanita vya ngorodo na siliveri. Ava tapa ndjambo lishwakerero mundjugho yaHompa kukukwama mumayuva naghantje gha Jehoyiyada. ¹⁵ Jehoyiyada akurupa unene ntani akalire namwaka dadiyingi, makura ghuye adohoroka; ghuye kwakalire namwaka 130 apa adohorokire. ¹⁶ Ava kamuhoreka munkurumbara ya Ndafita mukatji kava Hompa, mukosho arughanine vyaviwa muIsrael, kumeho yaKarunga, ntani kundjugho ya Karunga. ¹⁷ Kuruku rwa mfa da Jehoyiyada, vampititi vamu Juda ava ya nakuyarughana vyalifumadeko kwa hompa. Makura hompa aca tegherere. ¹⁸ Ava shuvu ndjugho ya Hompa, Karunga wava nyakulyavo. Ugara waKarunga aghuya muJuda ntani Jerusalem mukonda yavirughana vyavo vyavidona. ¹⁹ Shimpe nka ghuye atumu vaPorofete kukwavo aka vayite nka kukwendi naumwendi, Hompa; vaporofete ava ghama kukwavo vantu ene ngoli vavo shwena kutegherera. ²⁰ Mpepo yaKarunga ayiya pa Sakaliya mona Jehoyiyada, muPristeli; Sakaliya ashapuka kumeho yavantu nakughamba kukwavo, ''Karunga kuna kughamba, vino: Vinke muna kudjonena dimuragho da hompa, mposhi kapishi ngani muvimutompoke? mbyovyoshi anwe muna shuvu Hompa, ghuye naye ana mushuvu.'' ²¹ Ene ngoli anwe muna tura matokoro ghakumurwanita; pamarawiro gha Hompa, vavo ava mutoghona na mawe mulivango lyandjugho yaHompa. . ²² Joyashi, hompa, kapi ana kupakera mbiri likudidipito lya Jehoyiyada, vashe va Sakaliya, varughanine kukwendi. Pankedi, ghuye adipagha mona Jehoyiyada. Apa Sakaliya akukutire, ghuye aghamba, ''Hompa akenge vino nakukayita kuli kukwamo.'' ²³ Kapi tupu nauhura wamwaka, vakavita va Aramu aya vaya homone Joash. Vavo ava ya muJudah ntani Jerusalem; vavo ava yadipagha vampititi navantje vavantu nakutuma vininke navintje evi vaya shakanine kwa Hompa wa Damascus. ²⁴ Nampiri ngoweyo vakavita va Arami kwayire navakavita vavashehsu, hompa ava pa lifundo pavakavita vavangi, mukondashi Juda ashuvire Hompa, Karunga wavanyakulyavo. Mundjira yino va Arami ava yita lipanguro kwa Joashi. ²⁵ Pashirugho shi va Arami vayendire, Joash kwamuremikire mwamudona. Vakareli vanaumwendi ava dimu vyuka mukondashi lidipagho lyamona Jehoyiyada, muPristeli. Ava mudipaghere mumbete yendi, a dohoroka; ava kamuhoroke munkurumbara ya Ndafita, ene ngoli kapishi mumbira da vahompa. ²⁶ Avano mbo vantu vadimu vyukiro: Zabadi mona shimeyati, wamukamali wamu Amori; Ntani Jehozabadi mona shimiriti wamukadona. ²⁷ Likukwamo kuhamena vana vendi, mauporofete ghamulyo aghamba kuhamena nge, ntani liwapukururo lyandjugho ya Karunga, nkenga, vyavyo kwa vitanga mulikukwamo vyavyo kuna kushoroka mumbapira dava Hompa. Amasia monendi akara hompa mulivango lyendi.