¹ Mumwaka wauntabiri, Jehoiada a negheda nkondo dendi nakungena mulikwatakano kumwe navavita mafere, Asaria mona Jehoramu, Isimayeli mona Jehohanani, Asaria mona Obedi, Mayaseyiya mona Adayiya, ntani Elishafata mona Zichri. ² Ava yendi kuvha muJuda nakupongayika vaLevi kutundiira munkurumbara nadintje damuJuda, rambangako dimutwe dangjugho dahameno kuvanyakulya vavo vamuIsrael, nakuya kuya kuJerusalema. ³ Mbunga nayintje ayi turapo likukwatakano kumwe nahompa mundjugho yaKarunga. Jehoyiyada a ghamba kukwavo,''kenga, mona hompa nga pangera, yira momu Hompa avi ghamba kuhamena kuruvharo rwaNdafita. ⁴ Evino mbyo muna hepa kurughana: wautatu kwenu vapristeli ntani vaLevi ava vana yo mukuya tapera ndya mulisabata nga vakara vakungi pamavero. ⁵ Umwe nka wautatu ngaka kara kundjugho yahompa, ntani umwe nka wautatu ngaka kara palitateko lyalivero. Vantu navantje ngava kara munda yalivango lyandjugho yaHompa. ⁶ Mwasha pulitira kehe uno mukuya mundjugho yaHompa, kughupako vapristeli ntani vaLevi ava vakutapera ndya. Vavo kuvhura kungena mukondashi vavo vavi vatungikira. Ene ngoli vantu navantje vakuhupako vana hepa kulimburukwa kumarawiro ghaHompa. ⁷ VaLevi vana hepa kukundurikida hompa kumaruha naghantje, kehe mukafumunauta muliwoko lyendi. Kehe uno wakuya mundjugho, mu renkenu vamu dipaghe. Karenu kumwe nahompa ntjene ana ya munda ntani apa a yenda a rupuke.'' ⁸ Makura vaLevi ntani vaJuda navantje ava tapere mundjira namughano omu mupristeli Jehoyiyada ava rawilire. Kehe uno a ghupu vakafumu vendi,ovo ngavayendo mukukatapera mulisabata, ntani ovo ngava shuvo kutapera kutapera mulisabata, makura Jehoyiyada mupristeli kapi ghayalire va kuupapo kehe dimuhanguro davo. ⁹ Makura Jehoyiyada mupristeli aka yita maghonga ntani vikukandilito vyavididi ntani nevi vyavinene kuvakavita evi a kalire navyo hompa ndafita evi vya kaliro mundjugho yaKarunga. ¹⁰ Jehoyiyada a tura vakavita navantje, kehe mukafumu naghuta wendi mulighoko lyendi, kutunda kuruha rwarulyo rwantembeli nakuruha rwarumontjo rwnatembeli; kuruha rwashidjambero ntani ntembli, kukundurukida hompa. ¹¹ Makura ava rupwita mona hompa, nakutura nkata papendi, ntani kumupa marondoro ghalikukwatakano. makura ava tura a kare hompa, ntani Jehoyiyada navana vendi ava mutungiki. Makura ava ghamba,''Hompanga ngaparuke liparu lyalire.'' ¹² Apa Atalia a yuvhire muyoyo wavanu kuna kuduka nalikangango lyaHompa, uye aya kuvantu mudjugho yaHompa, ¹³ nakukenga, ntani, kukenga,hompa kwa yimanine kungundi yaivero, ntani vakavita ntani vafudi vamarumbendo kwakalire kwahompa. vantu navantje vamushirongo kwahafire nakufuda marumbendo ,ntani vambimbi kwavetire viveta vya ntjumo. Nakupititira ntjumo darupandu. Makura Atalia ataura vikoverero vyendi nakuyiyira, ''Ukorokotji mukurugha vininke evi ngavi yito udito kushirongo shoye yra kuvatera vanankore voye muvita!'' ¹⁴ Makura Jehoyiyada mupristeli a yita vakurona vavkavita mafere ava va kaliro kuwiru yavakavita nakughamba kukwavo, ''Muyitenu mukakatji kavavita; Kehe uno amu kwamo, renkenu vamudipaghe nambere.'' Moomu ana ghamba mupristeli, mwasha mudipagha mundjugho yaHompa.'' ¹⁵ Makura ava mu manga apa aya ngenine palivero lyakakambe lyandjugho yahompa, ntani vamu dipaghire. ¹⁶ Makura Jehoyiyada a rughana likukwatakano kwanaumwendi, vantu navantje, ntani hompa,ashi vakare vantu vaHompa. ¹⁷ Makura vantu navantje ava yendi mudjugho yaBara nakuka yibamaura yi we. Ava kayungurura shidjambero shabara ntani lifano lyendi mwamudidi, ntani ava ka dipagha matani, mupristeli waBara, kumeho yavidjambero ovyo. ¹⁸ Jehoyiyada a horowora vana mberewa vandjugho yaHompa munda yaliwoko lyavapristeli, ava va kaliro ashi vaLevi, ovo Ndafita a pire shitumbukira mundjugho yaHompa, kutapa ndjambo dakushwakerera kwaHompa, yira momu vadi tjanga muveta yaMosesa, kumwe naruhafo nakuyimba, yira moomu Ndafita a neghedire ndjenditito. ¹⁹ Jehoyiyada a tura vakungi palivero lyandjugho yaKarunga, mposhi kwato wakunyata mundjira nkehe yino a vhure kungena mo. ²⁰ Jehoyayida a ghupu vakurona vavakavita mafere, vakafumu vamulira lyalikondi, vanghuru vavantu, ntani vantu navantje vamushirongo.uye a yita hompa a tunde kundjugho yaHompa; vantu vatundililiro kupitira kulivhero lyakuwiru lyandjugho yahompa nakutura hompa pashipuna shendi shauHompa. ²¹ Makura vantu navantje vamushirongo kwahafire, ntani nkurumbara ya mwenine. Yira Atalia, apa va mu dipaghire mamumbere.