¹ At Tuhan Allah nen at Musa Jogokhikhe: ² "Hat nen it akhuni Israel meke jigisogon jogisano it: it akhuni Israel meke nen persembahkan at Tuhan Allah heagi warogo nen wogosusuok iluk halok at Tuhan Allah nene hagarogo bisikhe waga persembahkan hagarek iti at wogokhe dogoak. ³ Persembahan iti hagarogo buok iluk halok it ap umur dua luluh tahun hulri nen lok-lok umur enam puluh tahun nen bekhedogoak, it nen persembahan buak iluk halok eka lima puluh iti bekhe dogoak, akin xwalhawok iluk halok werek talak at kudus tegelek hagarogo buak. ⁴ Meke itigisogon halok it humi nen, eka tiga puluh meke akin walhalok nen buak. ⁵ It akhuni lima tahun nen lok-lok umur dua pulu tahun halok, it ap nen eka akin dua puluh meke buak it humi halok akin sepuluh meke hagarogo buak. ⁶ It akhuni berumur satu bulan nene lak-lok tahun hagat laga nen meke ji it ap busak akin lima meke busak nen, humi halok oko eka busak akin tiga meke busak. ⁷ Iti akhuni umur enam puluh tahun inom dok nen umur upuwaga negen halok, iti it ap hasik, nen oko eka busak akin lima belas meke buak nen it humi hasik oko eka usakakin sepuluh meke buak. ⁸ Meke it akhuni iti it inameke jimeke timeke dek meke weka dapulik qetaga upuwaga ega iti at buak, nen ap iti nene at apa nene persembahkan bekhe meke etnogo wolok wit imam etoma inowa wolok loak, nen it ap imam etoma nen it ineleken bekhoak nen; at ap persembahan bekhe iti at owatne waga bekhe talak etoma it ap imam ineleken bekhalok nen at ap etnogo persembahan jowaga bekhemo iluk ugun. ⁹ Persembahkan etoma wam sapi kambing domba etoma sabokhogon dipesembahkan hagarogo nen pesembahan hagarogo at Tuhan Allah hagarogo buak, at ap iti nen dipersembahkan wam kambing domba sapi inom nen jimeke timeke ato inom persembahkan kudus tegelek hagarogo nen at Tuhan Allah wogosuak. ¹⁰ At ap iti wnene persembahkan hagarogo bigiluk meke, meke hagarogo bigik nen weak meke hano meke hagarogo bigik nen hano meke weak bigik nen weak meke hano meke hagarogo motok. Meke agikhe ji at ap it nen wam kambing domba meke at nene sue meke hagarogo bigik nen sue meke kambing domba meke hagarogo bigik hagasusak dek motok, at ap iti nene sue hak hagarogo bik dek athe wam kambing domba meke hagarogo bik iluk akla ap ekhe halok wam kambing domba kudus tegelek meke halok hagarogo buak. ¹¹ Hit nen wam sapi kambing domba weak meke halok dipersembahkan hagarogo biluk nen persembahkan hagarogo at Tuhan, Allah wogosusak dek, wam sapi kambing domba etoma hit nen wolok it ap imam inowa wolok lano. ¹² It ap imam nen wam sapi kambing domba etoma weak meke a? hano meke a iluk it nen penasuak nen, it imam nen hanorogon penakhukha meke elrok hagat lagikhe. ¹³ Nen at ap iti nene wam kambing domba etoma at nen oko palusak walrok halok, at nen wam kambing domba etoma oko palu walrok halok at nen eak agikhe dua puluh hakene agikhe inom buak. ¹⁴ It akhuni etoma irerekma uma etomala menguduskan tegelek hagarogo biluk nen persembahkan kudus tegelek at Tuhan, Allah meke hagarogo buak, nen it imam nen oko hano bega a? Weak bega a iluk nen it ineleken hanorogon penago nen buak, nen it akhuni etoma nen bega meke etoma it imam nen ineleken hanorogon japenogo bega meke etoma it akhuni etoma nen inikimo owatnerogo serogo hanorogon dogoak. ¹⁵ Meke it akhuni o etoma menguduskan tegelogo hagarogo bega etoma it walrok halok o uma irerekma etoma oko palogo nen buak, it nene oko agikhe inom buka eka dua puluh ribu iti bekhe dogolik nen o halek etoma it inaila at iluk it etomala hanorogon dogoak nen. ¹⁶ It akhuni etoma nen iti inaen waganek ite werek etoma ato menguduskan tegelogo hagarogo biluk nene at Tuhan Allah wogotno at Tuhan Allah ite dogoak nen, it eken etoma ai hilogo nen jasuok iluk halok oko eka lima puluh hano meke iti biluk nen o jelai iti eken hilik etoma ai jasuok iluk halok eka oko begep talak ai jarik lano. ¹⁷ Nen agat wen waganek etoma menguduskan tegelogo hagarogo biluk nen hulri tahun hit nen waganhigip esanogo waga hulri hagat lasiaga halok, agat wen wagan harekma etoma nit nen oko eka waga palhugu jawaga etnogo iluk hit hiniluat dogolik nen hit himo abet hogon serogo dogono. ¹⁸ Meke it nen agat wagan harekma etomala it nen menguduskan tegelogo hagarogo buak tahun it nen agat wen waganharekma oko eka waga palukha waga tahun arat hagarla siaga halok, it akhuni etoma nen agatwen wagan harekma etomala hit nen eka oko meran bisigip iluk it qimam nen wagan harekma etomala hit nen eka oko meran bisigip iluk it imam nen wenogo nen hanorogon buak tahun alep agikdukhiaga meke lagu nen-lagunen tahun hano ket meke iti dukhisuak, nen agat wen wagan harekma etomala oko wenawagake hagarogo usaisuak. ¹⁹ Nen it akhuni agat wen waganharekma hagarogo bisukhamek it nen menguduskan tegelogo hanorogon hagarogo buak, it wnen oko agikhe inom lima puluh hagarogo buak eka ukuloak dapulik nen agat wen wagan harekma esomala it inekarek it motok-motok dogoak nen. ²⁰ Meke it nen agat wen waganharekma etomala oko bigidek halok, jawu wagan harekma etoma hit nen akhuni nininowa oko waganusak, nen hit nen oko apoke itila palusak dek. ²¹ Meke tahun hano meke iti akla laga kolrek jawu wagan harekma etomala wene lrek dogoak, agatwen wagan harekma etoma kudus tegelek hagarogo biluk nen at Tuhan, Allah meke hagarogo bino, jawu waganogo biluk nen at Tuhan, Allah meke hagarogo bino, jawuganogo biluk nen jawu ji at Tuhan, Allah alrigat meke hasik wga nogo iluk ekarek etnogo Allah alrigat meke hasik waganogo iluk egarek etnogo talak jawu etoma waga nogo bino, nen jawu waganek etoma it imamlak ite asuak nen. ²² Nen it nen jawu waganharekma etomala oko palogo menguduskan tegelogo hagarogo nen at Tuhan, Allah hasikk hagarogo buak it nen at Tuhan, Allah meke etoma inom dapulik at wagasusak dek. ²³ It imam nen oko busak meke emenogo wenarik wagunem-wagunem tahun hano meke etnogo hagatlasuak nen it akhuni qetoma nen it nen mempersembahkan hagarogo bega meke etoma meran ukekhe iluk wenago nen o isiwaga persembahan kudus tegelek iti hagarogo biluk nen at Tuhan, Allah hasik hagarogo bino. ²⁴ Tahun hano meke iti akla waga at it nen jawu waganhe lagukha meke iti apoke wogotno, at ap alep hak agat iti ite welagikhe meke iti apoke wogotno, at alep hak agat iti ite welagikhe meke iti inom apokhe wogotno. ²⁵ Hit nen jimeke timeke etoma oko hit nen wanago nen haorogon hanorogo bilik lano oko hagarek at Tuhan Allah ai halekma hagarek welagarek higithogon at hagarogo bino, akin dua puluh walhano. ²⁶ Wam kambing domba eak alep itakhe meke halok at Tuhan, Allah meke iluk at wogotno, hit nen agikhe ji inom qwogosik iluk hit hinakla apegep owa hagakhusep. Sapi inom domba eak inom, nen kambing eak inom alep itarik laga meke etoma at Tuhan, Allah meke at wogotno. ²⁷ Meke wam sapi domba kambing weak wmeke eak alep meke itakhe halok oko palino oko hulri warek o at Tuhan Allah ai halekma hulri warek werek talak at, agikhe inom dua puluh meke inom buak. Hit nen oko bigidek halok, wam sapi domba kambing wetoma oko waganogo qnen qbino qat Tuhan, Allah ai halekma hulri warek werek talak at. ²⁸ It akhuni etoma nen jimeke at Tuhan Allah alrik hasik inameke timeke inikimo dopok haga werek etoma, akhuni inom wam sapi inom domba inom kambing inom nen it inaen waganek etoma inom etoma sabokhogon at Tuhan Allah hasik anek hulogo hagarogo bino, hit nen oko wagan husep hit nen oko bugusep, jimeke timeke etoma sabokhogon at Tuhan Allah hasik anek kudus tegelek hagarogo bino. ²⁹ It akhuni at Tuhan Allah hasik bisega meke etoma waniauak iluk hagarogo bisega meke etoma it akhuni ato nen it inewe oko palinawwunogo; it akhuni etoma abokhogon waninawuak. ³⁰ Itigisogon talak at it akhuni etoma nen it nen jawu hagakha meke eken palogo nen persembahkan persepuluhan bega meke etoma, it nen jawu hagakha meke eken palogo bega meke inom nen o aijiakha meke eken palogo bega meke inom, etoma ite ate at Tuhan Allah meke; etoma sabokhogon at Tuhan Allah hasik kudus tegelogo hagarogo bino. ³¹ Meke it akhuni nen persembahan persepuluhan hagarek meke etoma it nen oko palusak halok, it nen oko palusak meke eka inane dapulik hulri warek iti waga biluk nen agikhe dua puluh meke inom hagarogo buak. ³² Hit nen wam lembu sapi domba kambing mepersembahkan persepuluhan hagarogo begep etoma, agikhe opakiat inom lapokhogon busak dek, wenago nen inom dapulogo sepulu hagarogo nen persembahan kudus tegelek meke hagarogo at Tuhan, Allah meke hagarogo bino. ³³ Hit nen jihak hono nen jihak weak iluk, hit nen hulriwakhusep nen agikhe hano meke weak make bigik nen weak make hano bigik hagalhusep; meke it nen hano meke asok ne at bino, nen weak meke asokneat bino, nene hit nen wam lembu sapi domba kambing etoma hit nen newen hewen hagarogo biluk nen kudus tegelogo biluk nen oko palhusep." ³⁴ At Tuhan Allah nen wene joma Musa owa bisikhe tom Sinai owa nen it akhuni Israel neke hagari laga dogoak iluk.