Pasal 26
It Akhuni Hano Welagak Harek Meke Jimeke Timeke Hano Meke It Inowa Welagak
1
Hit nen o hari minggu an meke iti hit hinikomo hanorogon dogono nen an naila kudus hinewe wene hano meke ikhon welagarek meke ji hinom dogono nen hinikimo abtrogon serogo dogono an nen wene bigi meke joma inom hit serogo dogolik nen hagarik lagadogono.
2
Hit nen o hari minggu an meke iti hit hinikimo hanorogon serogo dogono nen an naila kudus tegelek itila hogorakhe dogono, an newe Tuhan.
3
Hit hinewe wwene hano meke ikhok welagarek meke ji hinom dogono nen hinikimo abethogon serogo dogono an nen wene bigi meke joma inom hit serogo dogolik nen hagarik lagadogo.
4
An nen hit awulra hagatlasuak nen o hit hinaen waganekma jago etoma nen eken kogat ikhogo wokhisagin.
5
Oagikhe inom at dogoluk nen eken doaleh at agikhe inom wokhisagin o anggur eken ugu etoma eken palusak owa hagat lasiaga halok nen palino meke eken palusak owa meke o awan at liliogo ma nen anggur eken ewe ugu werekolrek-werekolrek ai jawokane jasusak meke harok at hagat lasiaga. Hit nen anggur aijakhep meke etoma eken arat holre aga halok hit nen palogo biluk nen hit nasikmotok-nasimotok hinait hogon neke dogono nen hit hirerekma o negeri etoma dogolik hinawolrok dek at etomala dogono.
6
An nen hit wo negeri itila hani hano wene dek dogowaik nen iluk hit wokhisasigimo, hit nen o itila hinawolrodek dogolik nen noge hinaknak maken lagidek at ikhigik dogono; an nen walro okama meke helo hit hinowa ukiaga halok an nen warogo nen ewe degerogo bigin o negeri hirerekma itila ukiagalok, nen hit hinom wim jakhe dogogun dek mok.
7
Hit nen hit hinasusak meke hit hinasuok iluk wago halok hit nen mugisik lano, hit wnen it inewe motok-motok warogo nen hit hinelokhom bisano o karok owa palogo warogo bisano.
8
It inewe lima hit hinom welagep etoma nen it inewe seratus meke mugisik loak, nen it inewe serarus hit hinom welagep etoma nen it mugisik hinowatne rogon lano nen it hit hinasuok iluk hit hinowa wisugun meke hit nen sabokhogon hit hinelokma nen harok owa sabokhogon karom owa palogo inatno.
9
Nen an hit hinelakhoma wisigin nen hit hinaburi hinopase kogat wikhalogo kogat hagarogo binaigin nen an wene hano meke wene warogo hit hinowa nen owanerogon hit hinowa hagarogo bigin.
10
Hit nen jawu agat hit meke waga ai jakhep meke emenogo eken doalek at palogo begesipmo elrok, tahun opakiat meke akla dogolik neke dogosak elrok. Doalek at halok alep palhep meke emenogo agikhe wulaitno alep meke palek meke etoma abusakma elrok werek eken ket palek meke etoma inom busakma elrok werek.
11
An nen bigima o an nai halekma etomala hit hinakla tulrumo etomala nen an netaiken hit hinowa motok dogogin nen nileken hinowa motok dogogin.
12
An hit hinakla tulrumo etoma witluk dogogin nen an newe hit hinopase Tuhan Allah hagatlasigin, nen hit An meke umat Naburi hagat lasugun.
13
An newe Tuhan, Allah hit hinopase, hit an nen o agat Mesisr owa nen wokhisek dukhi agimo, hit nen it inatuan meke welagusep, An nen it qinowa nen tamelogo bigin hit welapma etomala nen hit halok tulrumo etomala lagadogowagik nen iluk."
At Allah Nen Homan Inowa Bisikkhe
14
Meke hit nen an igi meke joma sabokhogon hit nen hinasukhalkidek halok hit nen hagakhidek halok,
15
an nen wene hano wene meke harogo bigi joma hit nen heredegep halok hit hinetaiken owa hinait asigin an nen wene hano meke joma ikhok motok welagarek meke hit hinasuk holusak hinait at nen hinikimo hanorogon serogo dogosak hinait at whalok, hit nen an wene hagarek welagarek meke joma joma hit hinait halok hit nen hinewe o an rekma kudus tegelek etomala nen hit hinewe watlasugun, An newe Tunan.
16
An nen hit hasik jigisogon hagarogo bigin, agikhe hit hinajuk asuwaik nen iluk hit hinowa upuwaga lasigin, hulun welrek meke inom nen u hinapemake inom hit hinowa laisigin, hulun welrelek meke inom nen hit hinewe u akin werek meke hinowa bigik hagasigin; hit nen o eken hano meke hanorogon ai jakhe lagep dek iti nen, eken etoma hit hinasusak meke nen arat nugun.
17
An naburi at nen hit ninom jawugun, nen hit akhuni hit hinasusak meke nen arat warogo binaugun, it nen hit hinewe inait motok lakhisagun nen hit welagepma etomala it nen ite asugun, nen hit o welagep etomala heredisalok hit lo welrek make lugun, it akhuni ato nen hit mukhisik dek at meke at he.
18
Nen hit itigisogon at dogolik at meke at he hit nen an nane isinem hinasuk holheagep dek motok, isi nen anv nen wene aik werek meke kogat tujuh kali dogak pagak hagarogo hit hinowa hagarogo binaigin hit nena weak meke apik at hagakhe lagep etoma nen.
19
An nen hinowatne awakha tamelogo bigin hit hinakla alrek iti waga dogogun meke nen hit hinowa upuwaga o kawat besi akin weak meke hakene etoma waga hit hinowa bigin nen hit meke agat etoma o besi abereak etoma hakene hagat lasuak iluk an abereak motok hagarogo bigin.
20
Hit hinowatne arat dek aga halok hit nen jawu hagasusak owa hinait-hinait hagat lasigin, hit nen hit hinagat owa jia itai jasugun meke eken isuak iluk wokhisagin dek.
21
Hit nen etoma dogogun wene waga dogogun an ninom hit nen an nane igin meke hit hinasuk holu hinait hagat lasigin, ma nen an nen hukuman kogat meke hit hinowa kogat meke agikhe inom hit hinowa binaigin tujuh kali dagadigik pagadigik hit hinowa binaigin hit nen weak meke apik at hagarik waga lagepma.
22
An nen walro helo meke hit hinowa binaigin at walro iti nen hit hinaburi etoma warinakhik nen hit wam sapi kambing domba etoma warogo degerogo bisigik hagasigin, nen hit hinewe hemulruk at hagarogo binaigin, nen hit o dogogun mo etoma akhuni dek asuak nen.
23
Hit Hit nen hinerawut itigisogon dogolik nen an wene hano meke jakulhisagin meke hit nen hinait halok, nen hit dugun owa esomake waga dogolik hit an ninom wim at palek ninom dogogun,
24
Hit nen an ninom itigisogon welagep ma ne an nen hit ninom wim jokhe dogogun nen an hit hukuman kogat tujuh laki lipat daga digik pagadigik hagarogo hinowa khe dogogin hit hinowa dosa apik etoma nen.
25
An nen wim kok meke hit hinowa laisigin nen karok owa palhinawigin, an nen hit hinasigi ji hit nen weak meke hagakhe lagep etoma oko hit hinasigin an nen wene arat hulri warogo bisigisikmo; hit hinewe o kota hinerekma esomala hulogo ukilalokma nen an nen u etaga sampar iti hi hinakla tulrumo etomala laisigi nen an nen hit hinewe it akhuni hit hinasusak meke werekema etomala lainaisigin hit hinewe it inikimo.
26
Hit hiperi meke dogosak meke an nen arat degerogo hagarogo bigin, sn humi inewe sepuluh etnogo an nen it inewe hulogo bisagin it nen roti etoma werakhe dogoak nen o opakimo. Roti it nasak meke akla it inewe watlasuak iluk weak meke akla hagarogo bumo nen it hipiri roti inakla awu motok hagat laga dogoak nen.
27
Hit jogotak ne ya welagep o erawut itigisogon owa welagepma nen hit an nane isinem hinasuk holhe lagep dek atma, nen hit hinewe an ninom wene waga ninom dogogun,
28
At nowa haro werek dogolik nen an hit ninom jakho motok dogogun nen an nalrik at nen hit tugi tujuh kalik dagadigik hinakho motok dogogin hit hinawut dosa weak meke hagakhe lagep owa.
29
Hit hinaburi elege etoma warogo nen hit nen it inwew nikik nen hit hinaburi homalrugi it inewe warogo nen hit nen it inewe nilik hagakhe dogoguno.
30
An nen wagarogo bigin hit nen weak meke hogarakhe lagep meke etoma tom owa wolok dogiluk nen, an nen misak marak khogon hagarogo bigin o weak meke upuwaga o pelrogoma biluk nen werakhe lagep meke etoma elo helrelogo biluk nen, nen akhuni warek meke inewe upuwaga kaneke etoma waga biluk nen, nen akhuni warek meke inewe upuwaga kaneke etoma waga bisalok qnen misalek etoma waga hit hinerawut weak akhowaik nen.
31
Hit welagepma o kota-kota etoma an nen misak marak khogon kagarogo bigin nen hit nen jomala kudus hanoma iluk hagarogo biluk welagema etomala an nene wigik weakhogon hagarogo bigin an nait owasi weak meke etoma inauakma ukusak hit persembahan inakla alreken hogo iluk hagarogo bugun meke etoma.
32
An nalrik at nen negeri hirerekma etomala wigik weakhogon hagarogo bigin, nen akhuni hit hinasusak meke hinom welagep etoma it nen ineleken bekhalok nen it hogorasugun hagt laga etoma nen.
33
Meke hit hinewe an nen it akhuni bangsa-bangsa ato etoma it inikimo binaigin an nen hit hinopolrike etomala karokhun higik binaigin, nen agat hit meke etoma alroka motok hagarogo bigin nen hirerekma kota-kota mala misak marakkhogon hagarogon bigin.
34
O dogogun esawaga o agat etoma kut motok hagat lasigin tahun-tahun ke hagat larik wagikhe esawaga nen lok-lok o hari-hari minggu hagat larik wagikhe etawaga werekma-werekma agat etoma alroka hagat lasigin nen hit it akhuni hit hinom wim palek welagasep meke hit hinom welagep etoma; hit o agat esoma waga dogogun esoma waga o hari-hari minggu esoma hagarik laga kolrek o erawut esoma hano asigin hit nen awan waganhidek kolrek.
35
at etoma alroka agasik werekolrek o hari-hari minggu etoma waga it nen Allah ane jakulik ;aga dogoak tahun-tahun etoma lakolrek-lagakokrek hari-hari minggu etoma waga, nen hit o etomala motok-motok dogolik hagari laga dogono.
36
Hit meke akhuni ato it negeri akhuni nin rekma lagakhasik werek etoma it inewe an nen inijuk erogo hagarogo bisagin, o hisakne wagadogolik nen o eka etoma awolrok kogat ilik wagu nen it inajuk nen it inewe sabokhogon lo lugun. It hisakne etoma awolrok nen it inewe lo lagunem nen it akhuni it inasusak meke emenogo nen hit mukhisik lugun hit hinom wim jowuok iluk, nen it akhuni it inasusak meke eme nogo nen hit mukhisik lugun hit hinom wim jowuok iluk, it akhuni hit hinasusak meke etoma nen usiklik lugun.
37
Nen hit hinewe lo lugun meke hit hinayuk nen it akhuni nin at rekma etomala lo ukugun, hit hinopolrik akhuni mukhisek dek meke at he. Nen hit hinowatne dek asigin it akhuni etoma hit hinom winm jawusak owa.
38
Nen hit hinewe arat wathinawugun it akhuni bangsa-bangsa ato aperek etoma nen, nen it akhuni hit hinom wim jakhe lagep etoma o irerekma negeri etomala hit nen warogo mukhogo wulaisagun.
39
Hit meke akhuni ato milikhogon it akhuni hit hinom wim palek welagep emenogo inom werek etoma iti inowa u kogot inom dogogun it meke inagonalak inokho palak hagane at welagukha talak dogogun iti dosa weak dosa welagukha waga owasik inom etoma waga nen hit hinowa u etoma kogat dogogin.
40
Meke it nen it inaweak meke buaklukha nen it inaggonalak inokho palak it meke inaweak inom bualukha, agikhe inerawut hano meke hagat latluk nen it inerawut inom inetaiken inom sewekhogon an nelokhoma dogolik nen it nen hagarik lagado gak nen it an ninom wim palek negen welagukha meke esoma bulogo bilik hagasuak.
41
An nen it ninom jawusak owa hagasigin nen an nen it wogosik o negeri akhuni it inom wim palek welagakharekma esomala wogisik it akhuni esomala meke inetaiken ket ket meke awan hagat lagidek welagakharekma esomala nen it inerawut sewekhogon welagakharek dekma esomala it nen it inaweak etoma dek at luk nen it inaweak etoma hano asuak nen iluk it nen oko buak.
42
An nen at Yakub oawa wene warogo owa bisigi meke esoma an nakla ewerek dogik nen; nen at Isak owa wene warogo bisigi meke inom nen at Abraham owa wene warogo bisigi inom nen an nakla it inowa ewerek dogik nen it welaga kharekma o negeri esomala inom at an nakla ewerek dogogin.
43
It nen agat it welagukhama etomala it nen biluk dukhuak nen apoke hano asuak nen it nen weak meke hagakhe lagukha esoma tahun-tahun esomala gakholrek hari-hari minggu it nen hagakhidek lagalagukha esamo it o agat welagukha ma esomala ap usu dek welrek motok welagikhe, it nen heredisalok dukhisukha esoma nen, it nen oko buak it weak hagakhe lagukha esoma hano asuak nen, hit nen weak hagakhigip esoma nin meke nin meke dek meke hit an nen wene hano meke tegelogo hagarogo bisigin meke hit nen helrelogo wulakhip hanorogon hinikimo kesokhogon hanorogon serogo weagidek nen it inetaikenma hanorogon busak inali at nen inasuk hanorogon haslusak inait at an nen wene hano meke hagarogo bigi etnogo.
44
Iti igisogon nen, it akhuni etoma it o negeri it akhuni wim hinom palek meke emenogo rekma hinom welagep, an nen it heredisagindek nen nileken it inewe birisasakno it asigin dek at, an nen it inewe warinawigin nen wene hano meke it inowa bigi meke degerogo bigin it inowa werek meke, an newe Tuhan, Allah meke.
45
It hasik nawulral hawulral hagari nawusak meke an nen nakla ewekhima it akhuni alep meke alep at o Mesir nen wogisik dukhiagisik nen wene hano meke warisasigin emenogo meke nakla ewekhima it akhuni bangsa welrek meke emenogo inelokhoma nen, an newe Allah it meke hagat lasigiluk; an nen Tuhan Allah.'
46
Etoma ikhok harek motok dogoak iluk hagarogo bigik nen hagarek welagarek owa hagarek dogoak iluk hagarogo bigik nen hukum-hukum etoma at Tuhan nen wogisasikhe at ikimo inom it akhuni Israel meke inikimo inom dogoak iluk, tom Sinai owa nen hagarogo bisikhe, at Musa owa hagarogo bisikhe.