Pasal 24
Minyak Isagal Jiwal Bekhe Dogohasik
1
At Tuhan Allah nen at Musa jogokhikhe,
2
"Hat hat nen it akhuni Israel meke jogosan, it nen minyak zaitu itiwolok wisuak nen hat howa hano meke owa sowalek motok iti isagal jiwalrogo bekhedoak nen.
3
At Harun isagal etoma jiwalrogo nen hanorogon mal-mal bilik loak o peti wene werek meke ukhalrek welagarekma itila sabil larek welagarek owa meke etoma waga jiwalrogo bilik loak, at Tuhan Allah etaga kogdekgarekma etomala, hiamke nen jiwalrek motok-motok huwenke hagat lagadogoak, at Tuhan Allah elohkoma jiwalrego bekhe dogono. Iti ikhok hagarek motok dogonoak iluk ahagarogo bisikhe.
4
Isagal pelita upuwaga emas owa sowalrek meke waga hanorogon buak ikhok motok dogoak nen isagal pelita etoma at Tuhan Allah elokhoma jiwalrogo bilik lano.
At Tuhan Allah Ne It Hipiri Roti Neke Dogosak Hasik Isikhe.
5
Hat nen tepung hano meke waganiluk nen dua belas roti werago bino sikoko somago meke hakene, meke roti sikoko somago meke hakene etoma hagsuak iluk halok tepung dua kiloram meke waganiluk roti hagatno.
6
Hat nen arat werago begen halok selalogo bigiluk halok pere meke selalogo bino, enam hakene alrigat selalogo bino, o meja emas meke hagarek owa hano motok sowalek iti waga upuwaga selalogo upuwaga dukhogo bino, at Tugan Allah elokhoma bino.
7
Hat nen bawang merah putih inom ikan inom bino nen jimeke timeke inom akla kelrok bugusep hano meke inom biluk isakharek anek inom isalno erarogo; jimeke timeke bayam inom isatno at Tuhan Allah akla ewerek dogoak nen roti etoma inom at, nen jimeke timeke etoma inom at hetumo werago nen inom bino at Tuhan Allah hasik.
8
O hari minggu hiwiku jogoku at nen hobalogo at Tuhan Allah elokhoma hagarogo buak; iti it akhuni Israel meke inowa akin regobigoi iluk wene inowa bisikhe it nen hiwiku jogoku hagarik lagadogoak iluk.
9
Roti etoma at Harun hasik inom nen at Harun aburi hasik inom hagarogo bigi nen it roti etoma nuok iluk halok o kudus tegelek hagarekma etomala nen nekedogoak; roti iti kudus tegelek nen jimeke timeke ato inom hetumo werago nen at Tuhan Allah hasik hagarogo bino; iti hagarogo bino iti hit hinaburi bino pai itak lago helalago inom morok-motok dogolik hagarik lagadogoak nen.
Hukuman It Homan Inowa Werek Meke Wogisasak Inom At Tuhan ALlah Nen Oko Hukuman Inowa Bigin
10
O hari agkhe waga ap agikhe, he Israel agikhe at opase o Mesir meke it akhuni Israel meke welaga kharekma tulrumo etoma; nen at ap etnogo it akhuni Israel meke welagarekma uma emenogo wagikhe nen it akhuni Israel meke inom jakhukha.
11
At he it akhuni Israel meke ianbut etnogo nen at etaiken owa nen at Tuhan Allah etaga iti ait lakhasikhesik nen homan inom ot owa bisikhe, at he etnogo nen emenogo sabokhogon wolok at Musa owa wolok lagikhe.
12
At he etnogo agosa etaga selamit at eak etnogo it akhuni suku dan meke wagisasikhe.
13
At Tuhan Allah nen at musa jogokhikhe,
14
"At akhuni homan owa werek iti at ewe uma wolok lani at ewe wolok duki lalok nen it akhuni etoma sabokhogon inasuk holha meke etoma it iniki sabokhogon at akhuni iti ukuloak owa dukhugon bilik loak, itigisogon hagarogo biluk nen it akhuni jemaat etoma it inewe sabokhogon at nen at akhuni iti helekit owa warogo buak.
15
Hat nen it akhuni Irsael meke jogosano, hat nen jigisogon jogisano, it akhuni ato nen at Tuahn Allah homan biliogi meke etoma it inaweak oko it weak hagakha higitgogon at it oko weak meke waganugun.
16
Sa nen at Tuhan Allah etaga weak iluk iliogo halok, at iti at ewe arat watlasigin nen it jemaan etoma inewe sabokhogon at nen at iti helekit owa wasugun. It akhuni welrek meke it Israel inom werek meke inom nen it akhuni Israel asli meke inom, it nen at Tuhan Allah etaga weak iluk iliogi meke etoma it inewe sabokhogon watlasugun.
17
Agikhe ji it akhuni nen it agikhe warogo begalok, at ap iti inom at warogo bino.
18
Meke sa nen wam ternak meke tugi warogo bekhemo watlaga halok, iti owalikmo oko buak, wam domba halok wam domba oko buak.
19
It akhuni ato nen it akhuni inagalraklak ato nen it inagalraklak ato it etoma inom werek meke emenogo it nen ineken pugurogo bisigik nen inisok tamelogo bisigik hagarogo bisega halok, it nen it inagalraklka hagarogo bisega itigisogon hagarogo bisagun halok, it nen it ato ititgisogon hagarogo bisasak at.
20
It nen iniki inisok tamelogo bisega halok it nen oko iniki inisok at oko tamelogo bisano, it nen hit hineleken mulrelogo binarga halok hit nen oko ineleken mulrelogo bisano, nen it nen hit hinaik dakulogo binolga halok hit nen oko inaik at dakulogo bisano; it akhuni ato nen it akhuni ato hagarogo bisiliogi itigisogon hagarogo bisano, hit nen iti itigisogon hagarogo bisiliogi itigisogon hagarogo bisano, hit nen it itigisogon hagarogo bisano.
21
Sa nen wam kambing domba tugiwaga warogo nen motok-motok warogo bekhe halok, at akhuni wam kambing domba warogo beke bekhe meke iti nen oko ueulukmo buak, meke ap agikhe sa nen ap agikhe motok warogo bisihalok ap warek iti oko ap wakhe meke iti at oko warogo buak.
22
Wene opakiat agikhe hinowa werek, it akhuni walik at meke hinom welagep etoma inowa inom nen it akhuni Israel asli meke inowa inom, wene iti it inowa werek nen an newe Tuhan, Allah hit hinopase."
23
At Musa nen at Tuhan Allah nen it akhuni Israel meke jogosano iluk isikhe meke arat jogisasikhe, nen it akhuni etoma wene inowa werek meke etoma it inewe it uma inenekma werekma etoma nen wogisik dukhino, nen it inewe helekit owa warogo motok bisano. It akhuni Israel meke nen at Tuhan Allah nen at Musa jogokhikhe talak it akhuni Israel meke nen at Tuhan Allah nen at Musa jogokhekhe talak it akhuni Israel meke nen itigisogon hagasuak.