¹ At Tuhan Allah nen nen at Musa jogokhikhe, ² "Hat nen it akhuni Israel meke jogosano nen hat nen it jogosano: hari raya at Tuhan Allah nen tegelek iti waga it inewe dapulik huologo dolik nen, an nen hari raya hagsrogo bigiiti, it nen jawokane hagarik laga dogosak jigisogon. ³ Hari enam etawaga hit nen yawu hagakhe dogono, meke o hari ke tujuh iti waga hit nen an nai halekma ukiluk nen an netaga kogodekhe dogono, hit nen hiniki hinisok sowalogo biluk an nai halekma ukiluk nen netaga kogokhe dogono, o hari kudus tegelek iti waga hit nen hinewe hukiluk nen an netaga kogakhe dogono, o hari kudus tegelek iti waga hit nen hinewe hulogo ukiluk nen hit hinewe dapulik dogono ; hit nen o hari Minggu iti waga hit nen yawu hagakhe dogogusep; o hari iti sabt hari minggu at Tuhan Allah meke hit hinailake dopok dogoluk nen o itila hulogo ukiaga dogono. ⁴ O hari minggu ji harek motok dogoak iluk at Tuhan Allah nen hagarogo bisikhe, o hari kudus tegelek it akhuni Israel meke inewe sabokhogon hulogo ukiluk at Tuhan Allah etaga kogodekhe dogoak nen iluk, it inewe inasokhetek dogopok dogolik nen o hari minggu iti it inewe aguak harek dogoak iluk. ⁵ Nen o hari taggal lima belas o bulan itiwaga o hari raya iti waga hit nen roti hano meke werago at Tuhan Allah hasik werago bekhedogono; hit nen o tujuh hari etawaga hit dogolik nen roti hano meke werago iti hit neke dogono. ⁶ Nen o hari tanggal lima belas o bulan iti waga o hari raya iti waga hit nen roti hano meke werago at Tuhan Allah hasik werago bekhe dogono; hit nen o tujuh hari etawaga hit dogolik nen roti hano meke werago iti hit neke dogono. ⁷ Hit nen o hari ewekeram meke iti waga hari kudus tegelek iti waga hit nen at Tuhan Allah etaga kogodekhe dogosak hasik hagarogo bino, hit nen jawu akin werek meke hagarik laga dogogusasep. ⁸ Hit nen o tuju hari eta waga lagagadogolik at Tuhan Allah hasik hagarogo bino; o hari ke tujuh iti waga inom nen hari kudus tegelek iti waga inom hit hinewe dapulik nen at Tuhan Allah etaga kogodekhe dogono, hit nen jawu alakin werek meke hagakhe dogogusep." ⁹ At Tuhan Allah nen at Musa jogkhikhe, ¹⁰ "Hat nen it akhuni Israel meke jogisano: 'Hit an nen o negani wokhisigima etomala lalok nen, hit nen eken palino, hit nen ai ewekeram jakhep meke eken palogo nen hit nen it imam inowa walok wetno. ¹¹ It imam nen hit o ai jakhep meke etoma eken palogo begep meke etoma it imam nen wolok at Tuhan Allah owa wisuak nen, at Tuhan Allah nen akla alreken it inowa dogoak nen o hari minggu iti hagat lagu nen it nen mempersembahkan hagarogo biluk nen wolok wagadogoak nen. ¹² Hit nen o aijakhe pameke etoma eken palogo nen awan mempersembahkan hagarogo bigidek dogolik hit nen wam domba eak umur tahun opakiat owa meke warogo nen mempesembahkan hagarogo bino at wam domba itiagalukmo paledek meke, warogo nen at Tuhan Allah hasik hagarogo bino. ¹³ Nen wam domba iti warogo nen it neke dogo sak hasik warogo bino pere meke persepuluhan tepung hano meke iti werago meke inom, minyak owa werago meke, warogo nen hetumo werago nen at Tuhan Allah wogotno owasi hano meke etoma at owa lamo nen at etaiken walrok hit hinowa dogoak nen, nen i anggur apusu empat empat liter inom at wogotno. ¹⁴ O Hulri esanogo waga nen hit hipiri roti iti neke dogosak o iluk wolok lano: iti hagarogo bisikhe it akhuni Israel meke inowasik it itaklago helaago it inaila etoma lamuk nen aukhe nen it inewe etomala dogolik hagarik lagarik laga dogoak iluk. ¹⁵ Iti nen hit nen it inewe wenaginatno it inewe meran werek iluk, hulri o hari minggu hagat lagikhe itiwaga nen, gandum etoma waga hiki upuwaga owa dukhogon biluk nen mepersembahkan hagarogo bino, wesa tujuh minggu hakene hagatlasumo nen. ¹⁶ O wesa hari minggu ke tujuh hit wenago bino lima puluh hari; hit nen wenago biluk nen mepersembahkan hagarogo bino at Tuhan Allah at neke dogosak hasik. ¹⁷ Hinererekma uma nen hit nen roti pere wenago meke wolok wetno hiniki upuwaga owa dukhogo biluk nen mepersembhakn at Tuhan Allah hasik hagarogo biluk nen wolok wetno tepung hano meke iti werago nen bawang mera inom bawang putih inom roti inom owa dawulogo nen wolok wetno at Tuhan Allah hasik. ¹⁸ Roti werago etoma inom wam domba umur tahun opaki at owa meke inom at owa agalumo palek meke inom lembu kulok awanko gariago meke iti inom nen domba perek kulok awan kogoriago meke iti inom nen domba perek kulok ket koariogo meke eta inom; eta sabokhogon warogo nen hetumo werago nen at Tuhan Allah meke hasik hagarogo bino, etoma warogo nen werago at Tuhan Allah hasik hagarogo bino, etoma warogo nen werago at Tuhan Allah etaiken alreken dogoak iluk hagarogo bino. ¹⁹ Hit nen wam kambing kulok opakiat meke warogo nen dosa weak meke owa horogo bino, nen wam domba pere meke umur tahun opakiat meke warogo nen nawulral hawulral hasik hagarogo bino. ²⁰ It imam nen roti it nen jawu hagakha meke eken palogo nen bega etoma it imam nen iniki upuwaga owadukhago biluk nen mempersembahkan at Tuhan Allah elokhoma hagarogo buak, agikhe domba pere inom, etoma sabokhogon persembahkan kudus tegelek at Tuhan Allah hasik hagarogo buak nen it imam hasik inom. ²¹ Iti waga at hit nen wene wula wino nen hit hinewe hulogo nen at Tuhan Allah ane jakulik lagado gono o hari kudus tegelek iti waga, hit nen jawu akin werek meke hagarik laga dogusep; hit hinaila etoma dogolik nen wene hano meke hagarek ji hit hinikimo hago dogolik nen hit hinewe wikhalogo helalago dogolik nen hagane welagip waga nen jawokane dogogun esoma waga nen hit hagarik lagadodono. ²² Hit etomala dogolik nen hit jawu hagakhep meke etoma ai jailuk nen eken paluok iluk halok, hit nen sabit eken palharek meke iti waga sabokghogon jipit lake etoma inom palup nen hit ato palogo nen elroma heredegep meke etoma hulogo wagan hup, etoma ato heredino it akhuni ato ianmeke dek meke inowasik nen it akhuni walik at nen wagukha meke hit hinom welagep etoma hasik inom; an newe Tuhan Allah hit hinopase." ²³ At Tuhan Allah nen at Musa jogokhikhe, ²⁴ "Hat nen it akhuni Israel meke jogisano, jigisogon; bulan ke tujuh akla waga meke, tanggal satu bulan iti akla waga meke waga, hit nen hit hinewe sabokhogon dapulogo dogolik at Tuhan Allah etaga kogodekhe dogono hit hinakla ewerek dogolik-dogolik at Tuhan Allah etoma kogodekhe dogo no hit hinakla ewerek dogolik nen otrompet iti ane kogat hagarogo biluk nen at Tuhan Allah etaga kogodekhe dogono. ²⁵ Hit nen jawu akin werek meke hagarik lagadogogusep nen hit nen wam domba warogo nen hetumo werago nen mepersembahkan hagarogo biluk nen at Tuhan Allah wogokhe dogono." ²⁶ At Tuhan Allah nen at Musa jogokhikhe, ²⁷ "Jawokane hagatlasigin meke tanggal sepuluh bulan ke tujuh waga inewe dapulogo hagatlasusak owa werek; hit nen o hari kudus tegelek hagarek iti waga hit nen at Tuhan Allah etaga kogodekhedogono nen hinetaiken sewekhogon dogolik nen hit jimeke timeke nasak meke hean biluk dogono nen wam domba warogo nen hetumo werago nen mepersembahkan hagarogo nen at Tuhan Allah hasik hagarogo bino. ²⁸ Hari iti waga hit nen jawu hagakhusep; o hari iti waga akhuni dapuliknakharek owa meke akhuni dapulinawuok iluk hit 1hasik at Tuhan Allah elokhoma waga nen, hit hinopase Tuhan Allah iti. ²⁹ O hari iti waga it akhuni sabokhogon at it inetaiken sewelogon dek at nen it jimeke timeke hean bigidek at welagukha, it akhuni jimeke timeke hean bigidek meke it inewe degerogo sabokhogon hagarogo bisano hit hinagalrak lakhinam welagep etoma. ³⁰ It akhuni sabokhogon at it nen ji jawu ti jawu hari etnogo waga hagakhe lagukha emenogo, it akhuni o hari iti waga it nen ij jawu ti jawu hagakhe lagukkha emenogo it inewe dek erogo bisasikhe it inagalraklak inom welagukha emenogo it inelokhomake nen. ³¹ Hit nen jawu ato welrek meke etoma hagakhusep; etoma ikhok itigisogon hagarek motok dogoak iluk hagarogo bisikhe iti inaburi il aklago helago it inikimo dogoak iluk it inago halekma etomala dogolik nen. ³² Iti hari minggu hasik hagarogo bisikhe, hit nen jawu hagakhidek hiniki hinisok sowalogo biluk nen itila dogoak nen iluk hit hasik hagarogo bigi, nen hit hinewe hinetaiken sewekhogon dogolik nen jimeke timeke hean biluk dogowagik nen iluk. Elro ewekerram hiwako tanggal sembilan bulan bulan iti waga nen, omo ewe keram dukhisigin iti werekma-werekma jawa kane dukhisigin iti awaga, hit nen hari minggu iti hagari motok laga dogono. ³³ Iti hari minggu hasik hagarogo bisikhe, ³⁴ "Hat nen it aakhuni Israel meke jogisano, jigisogon jogisano, o hari ke lima belas bulan ke tujuh iti waga hari roya iti waga alrisa haldisukasik nen walreke o eka meke salogo bisukha at Tuhan Allah hasik tujuh hari etomala matok-matok etomala dogoak iluk. ³⁵ O hari ewekeram etonogo waga o kudus tegelek halekma etnogola ukiluk nen at Tuhan Allah etaga kogodekhe dogono, o hari iti waga hit nen jawu akin werek meke hagakhe dogogusep. ³⁶ hit nen tujuh hari etawaga dogolik-dogolik nen hit nen wam domba warogo hetumo warogo nen mepersembahkan hagarogo biluk nen at Tuhan Allah wagatno, nen o hari ke delapan iti waga hit nen at Tuhan Allah ai halekma kudus tegelek itila ukiluk nen at etaga kogodekhe dogono wam domba warogo nen hetumo warogo nen mempersembahkan hagarogo biluk nen at Tuhan Allah waogotno. It akhuni at Tuhan Allah aburi meke a hari raya iti waga it inewe hulogo ukiluk dogoak, hit nen jawu akin werek meke hagakhe dogosak dek. ³⁷ O hari raya etoma hagarik lagak dogoak iluk at Tuhan Allah nen hagarogo motok bisik, hit nen hagarik lagadogono o hari kudus tegelek it iwaga it inewe hulogo ukiluk nen wam domba etoma warogo nen hetumo werago nen palogo biluk inom nen warogo nen warogo palogo nasak hasik busak hasik inom, warogo nen palogo busak hasik inom nen warogo-warogo nen meep owa dawulogo busak hasik inom nen warogo nen meep owa dawulogo busak hasik imo, it nen hiwiku jogoku hagarogo bekedogak. ³⁸ O hari minggu ji at Tuhan Allah meke iluk akla awa ukilagidek nen persembahan-persembahan etoma at Tuhan Allah meke iluk akla awan wolok ukilagidek nen an Tuhan Allah meke persembahan hagarogo bigin iluk wene palogo bigidek at nen an jimeke timeke at Tuhan Allah hasik an nakla apigi waga hagasigin iluk igidek halok, hit nen nit persembahan iti at Tuhan Allah hasik mempersembahkan hagasugun iluk nen hagatno. ³⁹ Jawokane meke o hari kelima belas bulan ketujuh etoawaga hit nen jawu wagan hep meke eken ikhe meke etoma hit nen palogo nen hulogo bino, hit nen tujuh hari etowaga at Tuhan Allah hasik pesta hagatno; o hari ewekeram hari minggu iti waga hit hinewe at Tuhan Allah aila hulogo ukiluk nen at etaga kogodekhe dogono nen o hari ke delapan iti waga inom at hinewe hulogo ukiluk at Tuhan Allah etaga kogodekhe dogono. ⁴⁰ O ewekeram iti waga hit nen o ekan hano tekhak etoma palino, wen hirerekma etoma nen o korma eka oak etoma, o ikiok eka doalek eroma nen o etaga ganda rusa iti nen hit hinakla alreken hogon at Tuahn Allah hit hinopase iti at elokhoma hanorogon dogono tujuh hari etawaga hinom hanorogon motok-motok dogono. ⁴¹ Hit nen at Tuhan Allah meke wene wulagesip hsgssuok iluk hslok at Tuhan Allah hasik wene wulawek iti hagatno tujuh hari eta lagakolrek-lagakolrek Tuhan opakiat iti akla waga laga dogo lik; wene ji hit hinaburi itak lago helalago it inikimo abthogon owatne rogon hago dogoak iluk hagarogo bisikhe it hasik. Hit nen bulan ketujuh iti waga hagarik lagadogono. ⁴² Hit nen alrisa haliluk nen owalreke o eka meke kiselogo nen daku logosewelogo biluk nen hit hinewe tujuh hari itilah motok dogono it akhuni inairek asu Israel meke it inewe olrisa halekma owalreke o eka meke palogo dakilik salek werekma itila dogoak. ⁴³ Hit meke akhuni it aklago helalago kogat wikalasugun esoma it inilu at dogoak nen, an nen it akhuni Israel meke jogogisagin it inewe olrisa halekma akla etomala werekma nen an nen it soisek motok dogogogin it o Mesir nen dukhiagkhaasik mo, an newe Tuhan, Allah hit hinopase. ⁴⁴ At Musa nen it akhuni Israel meke itigisogon jogisasikhe at Tuhan Allah isikhs meke o hari minggu at Tuhan Allah hagarogo bisikhe meke esoma.