¹ At Tuhan Allah nen at Musa wakhikesike nen yogokhikhe o at Tuhan Allah atega jakulharekma emenago nen: ² Hatit akuni Israel meke yogisan nen hat nen jigisogon Jogisano it ilakhu ari inom werek eloma it nen persembaha bekhe dekoak nen jogisano at Tuhan Allah meke lembu sapi inom, kambing, domba inom bekhe dogokonen it jogisan o. ³ At mempersembahkan wam lembu, sapi warogo pakogo nen werago owasi hano meke at Tuhan Allah elokhoma liaekhe dogono, at ne mepersembahkan wam lembu sapi kulok meke ileken puk dek meke iki isok paledek meke bekhe dogomo, at nen wolok o at Tuhan Allah ane jakul harekma holaga pema su lakharekma elomala wolk wisuak, at Tuhan Allah nen akla aereken owa bekhe dogo'ak nen. ⁴ At nen iki upiwaga ukuloakma wam lembu sampi warek iti ukuluak'ma biluk nen palogo werago nen owasi hano meke eloma at Tuhan Allah elokhoma liaekhe dogoak, at nen persesembahan ili at akla akreken hogon biluk nen inom wene dek dapulik gogomo. ⁵ At nen lembu sapi iti at Tuhan Allah elokhoma nen paluak, nen at Harun aburi, imam-imam emenogo, it nen wam lembu sapi emenogo inamep mepersembahkan hagarogo biluk nen o mesbah pelrago wam lembu sapi palego owa lia iluk nen howasi hano meke etnogo at Tuhan Allah elokhoma liakharek meke pelrogo etnogo aliliuke meep emenogo dawulogo bilik laok nen su pintu at Tuhan Allah ane jakul harekma emenogo wagainon dawulogo bilik loak. ⁶ At nen lembu sapi biluk nen oado bukalo biluk nen palhigik-palhigik biluk nen palek wemenogo owalikmo dopok-dopk bilik-bilik laok. ⁷ At imam Harun aburi nen ai helu o Mezbah pelragoma wam lembu sapi warogo palogo o wandukogon biluk owasi hano meke at Tuhan Allah elokhoma liaegarekma etmogola hetu kolailu nen halihupuwaga hetu mokalekma itika buak. ⁸ It nen wam lembu sapi palek meke eloma selalogo hano'rogon biluk nen ululoak palek inom nen amok upusu etoma inom o Mezbah pelrogoma hetu amulok dagili ogoma itila up uwaga liaino. ⁹ Meke elautla meke inom nen oaoalriken inom ima owa sowalogo nen it ap Imam enogo o mezbah pelrogoma wam lembu sapi warogo palorogho nen upuwaga ilila biluk ne oluasi hano meke at Tuhan Allah elokhoma liakhorekma itila it Imam nen werasuak, warogo nen hetumo upuwaga biluk nen werasuak owasi hano meke at Tuhan Allah etaiken'ma walrok walrok asuwak nen. ¹⁰ Nen persembahan emenogo warogo palogo nen werago kambing inom, domba inom at nen mepersembahkan helok meke wagalumo paledek meke opaki at meke buak. ¹¹ At nen wam domba kambing emenogo palogo-palogo bilik lalok nen at owalik'mo busuk meke osokhe tek witawero bilik loak, nen akuloak inomamok ap usu inom it inom emenogo nen sabokhogon wolok o mezbah pelragoma upuwaga hetu amulok daili ogoma emenogola upuwago dukhagon bidagisukha elomala weraklasuak iluk. ¹² Wam domba kambing emenogo palogo-palogo bilik lalok nen at awalik'mo busak meke asokhe tek witawero bilik loak, nen ukuloak inomamok apusu inom it Imam eme nogo nen sabokhogon wolok o mesbah pelrogoma upuwaga hetu amulok daili ogoma emnogola upuwagodukhogon bidagisukha elomala weraklasuak iluk. ¹³ At elawutla meke inom aolriken inom ima owa sowalogo nen, eloma sabokhogon at Imam nen dipersembahakan biluk nen o mezbah pelrogoma owa werasuak, wam domba kambing warogo palogo nen owasi hano meke at Tuhan Allah elokhoma liain at Tuhan Allah etaiken alreken asuak nen. ¹⁴ Sue warogo nen palogo persembahan at Tuhan Allah hasik busak halok, sue tekukur inom sue merpati eak meke inom warogo nen palogo mempersembahkan hagorogo bin o. ¹⁵ It Imam nen wolok o mezbah pelrarogoma etoma la wolok loak nen ukuloak upuwaga biluk nen sue ewe o mesbah pelrogoma itila upuwaga aukhagon liailuk nen hetumo weratno. At sue iti meep wetoma howat nerogo o mezbah pelrogoma aliluke elomala tisalogo bilik wetnogo. ¹⁶ Sue iti olrokoade inom isi inom hat nen aliluke biluk nen o mesbah pelra go werek'ma aliluke po laino awaleken Timurke, wul werekma elomala. ¹⁷ At nen sue iti abikha oak iti selrelogo biluk nen, ewe walik at busak dek harokat biluk it Imam emenogo mesbah pelrogoma menogo upuk waga emanogo dukhogo biluk nen hetumo wera suak, hetu amulok dagili ogo etawa, sue iti warogo nen iti sogon weratno, hetumo werasumo nen owasi hano meke iti Tuhan Allah hasik liaumo nen aat Tuhan etaiken alrekan asuak nen."