¹ It akhuni nen nasak meke warogo palogo sekhelagukhe persembahan-persembahan ji meke ti meke at Tuhan Allah hasik bekhe lagukha, it nen persembahan bekhe lagukha tepung roti hagarogo nen werakharek meke hano meke etnogo nen at nen minyak owa tisalogo owa usailuk nen ji meke ti meke agikhe inom bigi nen ikan inom bigik haoatno. ² Ji meke ti meke warogo palogo emenogo wolok at Harun aburi inowa wolok wetno, it Imam-Imam emenogo. Ji meke ti meke begarek meke emenogo waganino tepung hano meke roti hagakharek meke etnogo inom minyak owa dawulogo bigik nen ji meke ti meke agat owa jago meke emenogo inom ikan inom it imam emenogo nen o mesbah pelrago etnogo waga upuwaga dukhogon biluk nen hetumo sabokhogon nen o mezbah pelrogo etnogo waga dukhago owasi hano meke etoma at Tuhan Allah auak'ma liaino at Tuhan Allah etsikeh alreken dogoak nen. ³ Ji meke ti meke nekarek meke at Tuhan Allah hasik biluk nen at Harun inom nen wam domba kambing warek palek etoma inom ji meke ti meke at o etoma inom at Tuhan Allah meke hetu mokalek'ma etomala bisukha. ⁴ At nen ji meke ti meke at Tuhan Allah hasik persembahan mempersembahkan hagorogo biluk nen roti hano meke emenogo inom hetumo werago nen bekhe dogono, roti etoma tepung hano meke etama waga hagarogo biluk nen hetumo werogo nen dogono, roti hano meke atama hupulrekentek doale at werakgigik hulogo bino, bino, minyak awa werago bina, roti hano meke apum dek negen meke we rago bino minyak owa dawulogo nen werago bin o. ⁵ Hit nen persembahan ji meke ti meke nekarek meke etoma buo iluk halok isago nen upuwaga isago agaken erogo bino, iti tepung hano meke etnogo waga hagarogo bino, minyak owa dawulogo nen werago bino, ji roti ti roti hano mekeapum dek negen meke werago bino, minyak owa dawulogo nen werago bin o. ⁶ Wam domba kambing etoma warogo nen palhigi-palhigik lalok nen minyak wam domba kambing palek owa etomala tisalogo upuwagak nen usailik lano; ji meke ti meke nasak meke warogo palogo hulogo bisukha. ⁷ Ji meke ti meke nasak meke aperek inom domba kambing warogo palogo nen o belanga akhaukhalrogo isago nen hit nen persembahan bino, nen agikhe tepung hano meke et nogo minyak owatilalogo biluk nen werago inom persembahan inom hit nen bin o. ⁸ Hit nen jimeke timeke nekarek meke inom, bunga eken palek inom, wam domba kambing warogo palogo nen isago werago hagakhorek owa hagarogo biluk, nen hit nen mempersembahkan at Tuhan hasik-hasik hagarogo biluk, nen hit nen it Imam lak jogisatno nen inom lak nen wolok o mezbah pelragom bisuak nen. ⁹ It Imam nen ji meke ti meke nasak meke etoma inom, bunga eken inom palek meke etoma inom, wam domba kambing warogo nen palek meke etoma inom, at Tuhan Allah hasik anek hagarogo bino. At Tuhan Allah akla etaiken hit hinowa ewerek motok dogoak nen jimeke timeke etoma o mezbah pelragoma itila upuwaga dukhogo biluk, nen hetu akma ukiluk nen at Tuhan Allah etaiken alreken hit hinowa buak. ¹⁰ Jimeke timeke nasak meke, wam domba kambing warogo palek meke etoma, roti hano meke werago etoma, inom at Harun dok at Harun aburi dok, it hak'doalek at waganoak. Jimeke timeke kudus tegelek, wam domba kambing warogo begasik nen palogo bega etoma, roti hano meke werago begama etoma, hetumo werago owasi hano meke at Tuhan Allah ahauakma liawuak. ¹¹ Hit nen jimeke timeke nekarek meke hulogo biluk, nen persembahkan hagarogo at Tuhan Allah hasik bawang merah inom bawang putih inom werago isago nen persembahkan hagarogo bugusep, ji meke ti meke ituk hanorogon isakharek meke bawang merah bawang putih nen kin apusu hit nen hagosogobiluk hanorogon biluk halok nen hetumo werago nen at Tuhan Allah meke iluk bugusep. ¹² Meke hit nen jawu hagakhep meke ewe kerampolhep meke etoma persembahan hagarogo biluk nen mepersembahakn hagarogo at Tuhan Allah wogotmo, meke hit nen wolok o mezbah pelrogoma etoma wolok lalok nen upuwago biluk nen hetumo werago nen owasi hano meke wolok lalok nen upu waga biluk ne hetumo werago nen owasi hano meke ji at Tuhan Allah etaikn alreken asuak nen iluk hit nen at Tuhan Allah elokhoma liakhusep. ¹³ Nen ji meke ti meke etoma hit nen persembahan bino. ji meke ti meke iluk hanorogon inom nekarek meke garam rtoma owa hilogo dawulogo usaino, at Tuhan Allah nen wene bekhedogolik hi nen ilue gamram iti usakhidek hagakhusep hit nen ilue garam iti inom owahilogo dawulogo bino iluk iskhe sik'mo ji meke ti meke nekarek meke etoma sabokhogon ilue garam iti hilogo dawulogo bino isikhe Tuhan Allah nen; it nen ji meke ti meke etoma persembahan bekhe dogolik ilue garam iti inom persembahkan qhagarogo bino isikhe. ¹⁴ Hat nen jimeke timeke nekarek meke jawu hikinen dikha jugulogo hagakhen meke etoma at Tuhan meke mepersembahkan hagorogo bino. Hat nen o gamndum eken di ugu meke palogo nen hetumo sagaken erogo nen persembahkan hanorogon bino, o padi aken meke heletik owa sagalogo nen ket hagarogo bino, nen jimeke timeke nekarek meke etoma jawu dikhak jugu bino. Padi jakhe eloma eken isuak. ¹⁵ Hat nen jiai ti ai jakhen meke etoma palogo inom ikon ikan inom minyak owa tisalogo dawulogo bino. ¹⁶ It Iman-Imam etama inakle ewerek-ewerek dogolik werago bino ji meke ti meke eloma at padi eken meke helekit owa sagalogo nen ato sayur-sayur inom ikan inom minyak owatisalogo dawulogo nen hatumo werogo isago nen at Tuhan Allah hasik hagarogo bino.