¹ Yeso fəwən gəri da ɗak zegawuu tənu, se algi gawa da ɗəgaci. ² Sai so agurrdadəmak ɗagai, da nai, da dlamici nakwana, a ramau ma, "Məgənyi, ka kasaktu naci nin, ka dəmu cəlta na iyu/ ka dəmu sarkaketa na iyu/ ka dəmu kaci na iyu go aipu." ³ Se Yesu da lənci aci, na amigəri, da ramma, "Na kasaktunga, cəltunaci/ a dlaɓi naci go aipu/a sarkakeci naci." Na səkwakuya bai , se nda cəlti na aci/saptaci na aci, da agurrdadəmak gəru. ⁴ Yeso da ramici ma, "Akəmi! Ka rama bewanbai i nən. Aji, ka tatki aɗaci, i perris daiki ci. Ke, ka dlam bari mi nabi Musa ɗawu dlamau/ ramma nda dlami, gaɗa shaida i akshi. ⁵ Yeso təfengeri ɗa kaparrnahum tənu, se marəm askarrabu ɗagai da nai i rigəri, da dladliyaci, ⁶ ma, "Məgənyi, gabayi ga/zedai ga da veji a wənduwa, ranungəri, ke a kun təta tlaparr." ⁷ Yeso da ramici ma, "Na ni, na ngaci na aci." ⁸ Marəm askarrabuu, da ngumi, da ramma, "Məgənyi, na bata bai, ka təfe i wənduwa ga, balle səsu ga, a dlam rama jaɓ, gabayi/zədai gagu a ngatangəri. ⁹ Gada iye nən mi a dəɗa kerrmai kə ɗagai, ke, iyu na askarrabaucin a dəɗa ga. Na rami sutku, ma, 'Aji nin,' se da yii, i dama ke ma, 'Ayan nin', se da nai, i gabayi ga ke, ma, ' A dlam sau nin,' a dlamau. ¹⁰ Yeso kəma sau tenu, se da dlam ajap, harr da rami ndak ɗəga gəri ma, "Jirre na ramekun, ngalte naika ɗagai na zada iman, kake sau bai, ko i kun Isrraila. ¹¹ Na ramekun, gawa ani da caɗ na dəkəma da mbashi taa abin i ɗagayi na Ibrrahim na Ishaku, na Yakubu, i kun garva Səku. ¹² Amman kutli garvau kuwa nda wayaa na akshi i kun damakənəm, iri mi nda dlam aɗan na gadaa yanau. ¹³ Yesu da rami marəm askarrabaucingu ma, "Aji! Kakə mi ka baru jirrewa, da dlaɓeci kasənu." Se gabayi gu da ngacingeri, i kalkal lakwtu/awau. ¹⁴ Yeso tufu i wənduwa Bitrrus tənu, se daiki saurak BItrrus gama da veji, na fəra guvu. ¹⁵ Se Yeso da lənci ami gara, dagas gu daivi na atu. Atu dan da tlli, da banji dlameci guzapena. ¹⁶ Dagaduwau dengara tənu, se ndau da nina ndak zuwak gawa i Yeso. Aci da ji na zuwawin gu na təlam jab, da ngaci na ndak fəra mak. ¹⁷ Da kasən kuwa, rama mi nabi Ishaya dlamu ma,- "Aci na aɗa gəri; ngwa na dagas wa, da mi na fera wa."- wakatungara. ¹⁸ To, Yeso ika algi vaiku na aci tənu, se da ɗawi ndawa daivi na riwu, nda kaci nakshi i jəgam tiwu, ke baka Anku Galili. ¹⁹ Se baci tarran dagai da nai i rigəri, da ramma, "Maləm ! na dega naci i rawanke mi kaya." ²⁰ Yeso da ramici ma, "Adayayin na vəkvin, ɗutatin guva səku ke, na sakakin, amman wen gənən na ri səna aɗagəri bai." ²¹ Nən damaa, da kun pukurracingu da ramici ma, "Məgənyi, aivayu dəgo, sekur nayi na dabgi na afəkga" ²² Amman Yeso da ramici ma, "A ɗəgayu, kaivi na gamtau da dabgi gamtakshi." ²³ Yeso təfəngeri sawu aam tənu, pukurraucingəri da ɗəgi na aci i kunu. ²⁴ Se so , zuwak tlaparr da tlai i aɗa ankuu, harr sawu aamgu da ciməngara na ganjau. Amman Yeso a yuwan. ²⁵ Se pukurraucingu da nai, i rigəri da tlatli aci, da ramma, "Məgənyi, ari ja; ja ye kambeta naja!" V 26 Yeso da ramikshi ma, "Gaɗa gəmo kwa kaluwu nakun, kun ndak iman rap?" Se da tli, da gərrnyi ɗak zuwawingu, na ankuu, Se riwu da kusaməngara. ²⁷ Ndau da dlam ajap, da ramma, :"Zada warrau tawan sutku, harr zuwawin na anku ngun a dlameci nakwana? ²⁸ Yeso zadeu da baka gayi i larrdi garrasənacin tənu, se ndawa shirin mi na zuwawin, da tase aci. Akshi vəreu da kun auɗaɗin, ke, akshi ndak dləra tlaparr. Gaɗa kasən ke, go baci buwa/rakan mi batau, da ɗəgi da dəvu tənu bai. V 29 Se akshu da dlam kurwa, da ramma, "Lambe cin tam na ja,, kaici wən kakasəku? Ka deu i ri teku i dlame ja bone bi, kapen lakwtuu da nai?" ³⁰ Lakwtu ke, na bərri aladadin gawa a dawa, i damtukshu. ³¹ Zuwawingu da wilu Yeso da ramma, "Ka dau naja nin, a dabi naja i kun bərri aladadin təu." ³² Se Yeso da ramikshi ma,"To ada!" Zuwawingu da vərai, da təfinakshi i kun aladadingu. Se bərru mak rawi, da fewi da guva jegamgu i kun ankuu, da mutu nakshi i kun aamgu ³³ Ndawa warra a dawa aladadingu da rawu nakshi. Sartu mi akshu təfi kun ɗagu tənu, da jəb bari labarr tamke na tamke, na naanadi i ɗak bee wakatu na ndak zuwawin tənu. ³⁴ Se ndak ɗagu mak da veəai, da tashi Yeso. Akshi ikaci tənu, da bari ci miya ma dabzhi dikshi larrdakshi.