¹ Kun kakaɓaucin ndak Galatiyaucin madikun ankal kun nin tai? kun mii nda tatki kun Yeso Masipu mii nda dlǝgu rank at a. ² Na jayakun be gaitak. kwa ba nǝnwa sǝku gaɗa ɗiga dumaiya bi ko dari barr jirewa mii kwa kǝmau? ³ ka ne rashik ankal kun jina kasau? Kwa ɓandu na Nǝnwa sǝku gususku kwa damau na hal ningayuwa bi? ⁴ Kwa sa bone dama-dama i vatuku bi! ⁵ Aci ɓaci ɓarikun nənwau, a dlama bik ajab i kuna kun gaɗa kwa ɗiga dumaiya bi? da gaɗa barr jirewa na rama mii kwa kimau? ⁶ Ibrahim Barna jirewa I səku, sunu nda nadici I serum adalta" ⁷ kwaika ashe ndak barr jirewa, akshi kutli Ibrahim" ⁸ kadadi ɗidke na ƙəma ma, da ri barr jirewa sǝku a dligda na ndawa mii zega səku bai. Nda dlamdi Ibrahim tin kade;" I kuna ci duk ndawa a bina barka". ⁹ Gaɗa kasunu, ndawa mi bar na jirewa, ndak barka ne I da gayi na Ibrahim wara aci na barjirewa. ¹⁰ Nda tlaryi na ndawa mii Irdi I ɗak wana dumaya" gaɗa da tarna ma " nda tlaryu na nənmi Irɗu I ɗak be nda tarnu I kunu kakadu dumaya amma dlam wana na atu gwid bin". ¹¹ Gasusku a patata, səku a rra nən wambai dari dumaya Gaɗa " Baci adalta a katu dari ɓarjirewa" ¹² Dumaya dari bar jirewa bai amman I sərum sunu Aci baci dlam zada be ƙandau I kun dumaiya, da dlamangeri da tlarya gaɗa wa. ƙaki mi nda tarnu" Nen nda dligaci I dak dəm nən nda tlaryi na aci" ¹³ Masiɦu ranawa da kun tlarya dumaya, aci dlamin geri da tlarya gaɗa wa kaki mi nda tarnu," nən mi nda dligaci I dak dəm nən nda tlaryi na aci. ¹⁴ Aɗak sau atu ne barka mi a aɗa Ibrahim dengara I ɗak ndawa mi ziga səku bai I kun masihu yeso. Gaɗa wa ba alkawar nənwa dari barjirewa. ¹⁵ Yaganaucin, na rama I dak kilado ndawa. kasaktu nakshi I ɗau nin, go nin mi a paltau ko da sukuni. ¹⁶ Gususku kasau fa nda ram alkawargu i Ibrahim na ciɗi gəri. Ram bai, ma auɗa ci bai" na tuma min gawa, amman I sərum kasunu I gaitakgeri, I auɗaci" wara aci ne Masipu. ¹⁷ Gusuku na ram sau. dumaya tuku, mi atu dew amman, 430 da kau, atu jumbuly alkawar mi kakasku dlam bai tən da sukur. ¹⁸ Aturo da gadogu dew da ri dumaya nin, da atu dew da duvu alkawar bai, amman kakasku bari Ibrahim I vataku da ri alkawar. ¹⁹ Dawun tam wan nda bar dumaya tuku? Nda sakunatu gaɗa aibabin, har səi audu Ibrahim gu dew I ri ndawa nda ndlamekshi alkawargu, nda barna kərmai dumayau dari makkaucin, dari baci təfa I gadavavi. ²⁰ To baci tufa I gadavau, a tuman nin ɗika na gayi, dak na kasən, səku gayi, dak na kasən, səku gayi tak geri. ²¹ Kasin nen dumaya a kur na alkanbr səku bi? ko robi, Aturo da nda bar dumaya mi a dumana bar aro nən da go tamtama da adalta dew da ri dumaya tuku. ²² I sərum ka sən, Rama səku amna tamke I ƙun aibabin. Amma ƙakasku dlam kasin ga alkawar geri ki rə a wa.da ri barjirewa I kun yeso masiɦu da ɗawi nda bari I ndawa mi barna jirewa. ²³ Amman kafin bar jirewa I kun yeso masiɦu da nai" nda cimna wanda roci na wa I kun dumaya har I ni ɗiɗka barjirewa. ²⁴ Dasən dumaya dlamin gara mi Iyawa kima bar sei hakwtu masihu dew, aada wa bi ra da ri barjirewa. ²⁵ Gusku barjirewa dew tanu, wa diɗa ndak zari wambai. ²⁶ Gada kun duk kutli səku dari ɓarjirewa I kun masiɦu yeso. ²⁷ Dak kun war nda dlami kun baptisma I kun masiɦu, kwa cimna aɗa kun na masiɦu. ²⁸ Na yahudancin bai ko Helinaucin, auzuɓ ko nin mi da rau; Na gəm bai ko amma, aturo duk kun be gayi I kun masiɦu yeso. ²⁹ In kun ƙi masiɦu nin kenan kun audu Ibrahim ndak dari alkawar.