¹ Da ri tunu aku aman guma aya huɗu na kalaktanga i kun Urshalima na Barnabas. Na Titus i ɗagayi na ja. ² Na kalaktu nayi gaɗa Səku tatki na kalakci. Se na tatkik shi wagərma herr mi na dlamau i kun ndawa mi zəga Kakasəku bai. Na dlam kasen gaɗa na tatki iɗa rawa mi na dlamu ki vataku bai. ³ Amman ko i Titus mi na ɗa gayi na aci, nən halinaucin, go nən mi ɗawa ci i awayau na wudaci. ⁴ Rama tuku tlew dari yaganaucin ndak papiya mi dew i kunawa da dəbsa daiki dligda ndawa i kunu Yeso Masihu. Akshi ntutu da kaci nawa guzabcin dumaya. ⁵ Ja barr aɗaja i kun ladab bai i rikshi ko ki sartu gayi, gaɗa jirewa herr da dlaɓi go talta gaɗa kun. ⁶ Amman akshi mi nda lawan shi na martapa bana ta 'iyu na be wambai. Akshin tai yaye jiktu 'iyu bai. Kakasəku a genyi nən mi wara ndawa ntutu bai. ⁷ I sərum kasunu, Akshi daki nda barda wagərma herr i ndawa mi da wudakshi bai kaki mi nda baru i Bitrus wagərma herr i ndawa mi ndawa da wuda. ⁸ Atoru Kakasəku mi a awana i kun Bitrus gaɗa muwanak i ndak wuda, kasən zam a wana i kunu ga i ri ndawa mi ziga Səku bai. ⁹ Dada Yakub, Kefas, na Yahai ndawa mi nda lawangu a ləma Ikilisiya, akshi da yakinci herr mi nda bara, akshi da barija aikwak mata ki zamanci na 'iyu na Barnabas, akshi dlam kasən jab gaɗa jayi naja i ri ndawa mi ziga Kakasəku bai akshi ye dai nakshi i ri ndawa mi nda wuda. ¹⁰ Akshi zam ancu ja tani na ndak tluwa. 'Iyu na nye dlam kasənu ¹¹ Lakwtu Kefas zadan gəri Antakiya, na dlam ramma na acii dana da gaɗa acii dlam be bəlan bai. ¹² Gaɗa ndo jigab dede da nai dari yakubu aci a tata na ndawa mii ziga suku bai aakshi zaden tunu aci da 'yu na tika giri a kalau ndak duvu ndawa mii nda wudaakshi. ¹³ Kasən ke gagzhin yahudaucin gu mii aɗa gayi na acii da ɗigi na munafək gəri. Kasən ke Barnabas da ɗigi na munafakshi. ¹⁴ Nai ka akshi a ɗiga mii a kun labar herr bai na rami Kefas i kimakshi duk, "In ci Bayahudun nən ka ɗiga ka rayata kaki ndawa mi ziga Səku bin i sərum rayata ka ki yahudaucinwa to a dlam nana ka dawi ndawa mi zəga Səku bai da dlam mbasu ka ki yahudaucin?" ¹⁵ Ja mi wara nda 'yawuja ja yahudaucin, ja ndawa mi zəga Səku ndak aibu bai. ¹⁶ Gaɗa jazgadu , na nən mi a bik rra da kun wana dumaya bai, i sərum sən, nda rra na akshi da ri bari jirewa i kun Yeso Masihu amman jawun ja barr na jirewa ikun yeso masihu gada jabi rra da ri suku dari barr jirewa ga masihu ba dari wana dumaya bai. Gaɗa dari wana dumaya nin go nən mi wara a bi rra. ¹⁷ In dlamin gara tsartu mi wa maku Səku da ri Yeso Masihu nin, wa dlam nawa ndak aibu ke nan. Masihu dlamingəri guzub aibu bi? sutuku da wakata bai. ¹⁸ In na bar na jirewa ga i ɗak dumaya nən, be mi na barditu akau, na tatki i baci kelte dumaya kenan. ¹⁹ Da ri dumaya i gamtak i atu, gaɗa na dlam mbasu zadak ki Səku. ²⁰ Nda tligǝ na 'iyu aɗa gayi na Masihu, gususku 'iyu na mbasu ki aɗa ga bai, amman Masihu ne a mbasu i kunuga. Mbasu mi na dlamau gususku kasau i kunu təka, na dlama gara ne i kunu bari jirewa gaɗa wən Seku, mi aci ntutu 'iyu da bar aɗa gəri gaɗa ga. ²¹ Na dlam vatuku na herr ki Səku bai gaɗa in adalta sukunu dari dumaya nin to da ai Masihu dlam mutu vatku kenan.