¹ Afafkin wunduwawin a barine guzabcin kun be wara kalkal kakshi kwasgadu kun cham kun na baci wunduwa adəsku. ² Atina ɓakima na dlama magita.Adlaɓa darɗi i kun sakarta. ³ Adlamina magita i ɗa gayi gaɗaja cham gaɗa Kakasku da rəpci mafgi gaɗa təlamgu da ram ashir jirewa masihu. Gaɗa sune nda pa sir-sir i amiga. ⁴ Adlamina magita gaɗa na paraktadii, sartu na rama nin. ⁵ Arakinina na ankal i ri ndawa mi a vəda, Adlamina paida na sartu. ⁶ Aivina təlam kun fatawanke da dlaɓi kə herr. Aivina da dlaɓi karak kaki beza, gaɗa kwazigi dəvu mi kwa tatka na rama i tike. ⁷ I ɗa be game na iyuTychicus a rama dikun. Aci yagana ki intau baci kə jirewa, guzub i kun məgənyi. ⁸ Na wana aci i ri kun gaɗa kasau ma kwazigi be da kunu, na gaɗa aci da ɗauzati gəsha kun. ⁹ Na wana aci ɗa gayi na Onesimus, ba ci imman na yagan intau kə jirewa. wara aci cham gayi da kuna kun, akshi a rama di kun be wakatu mak i ri tuku. ¹⁰ Anstkus baci dəlo na iyu a nduma kun na markus cham, yagana Barnabas(wara kwa gəni izini sartu aci dew i ri kun a gəninaci). ¹¹ Na yeso cham wara ndə ɗaura gəri ma Justus Ndan gu ne da kunu ndawa dauda magita wanaga kə garva Səku, dlamnashi ndak impi gəshiga. ¹² Abafaras a nduma kun, aci gayi da kuna kun guzəb masihuYeso. Aci fatawanke a tana kun i kun magita gaɗa kwar i tir kwa zigi be kakasku ancu. ¹³ Iyu saida gəri acuw a wana tlapar gaɗa kun na ndawa mi a Laudikiya na ndawa mi a Herafolis. ¹⁴ Lukka marəm likta na Dimas a ndəma kun. ¹⁵ An ndəmina yaganaucin wara a kun Laudikiya, na Nyapha, na colimi a wənduwa gara. 6 In nda karantatikun kakadituku i wita kun nin, a kərantina cham i ndak coci, mi a Laudikiya, kuru a dlamina kwa karantatikshi kakakadi mi nda judu i Laudikiya. ¹⁷ Aramine Arkiba"da dlam ankal na wana mi aci gənu i kun Məgənyi gaɗa aci da jibkədu". ¹⁸ Nduma tuku da miyaga I Bulus na tarne kun da kun dəlo ga. Herr ga da dlaɓa na kun.