¹ In de nda tlatla na kun na Masipu nin, amakina be kǝ dǝsku, ri mi Masipu dan mbasu a ami mata Kakasǝku. ² A dlamina kuraram be kǝ dǝsku, amman be kǝ gagiwak bai. ³ Aturo kwamtǝna kun, aro kun da dǝpsa a ri Masipu i kunu Kakasǝku. ⁴ Lakwtu wara Masipu pake nin, aci ne aro kun, kun ye kwa pakayi na aci i kunu kǝrmai. ⁵ Awayi na wana duniya tuku da gǝsha kun wato, mi a ɗa gagiwak ndak dlama tapai ndak aipapin ndak yayi gabshi ntau na ngwasa atu ne garǝm. ⁶ Gaɗa zaɗa jandau shitan Kakasǝku Afǝkwa ye i aɗa kata yi mi akǝmu rama bai. ⁷ I aɗak zada tuku ne kun gǝɗ kwa dlame rakan lakwtu gǝɗ kwadagayi na akshi. ⁸ Amman gususku dolle kwa wayina zadak be jandau fau aro, shitan, gabshi ufta, nanga-nanga, na gabshi rama da miya kun. ⁹ Kwa dlama papiya i wita kun bai, aturo kwa seltina gamana gǝ nǝn na wana dama geri. ¹⁰ kwa dawuna karara gǝnǝn wara nda dlandu karara i kunu jigayu dari gǝnawa gǝri ba ci dlamau. ¹¹ Su tuku ne ri wara Greeka bai na Bayahude bai ko nǝn da wuda ko da wuda bai, ko nǝn baci badǝra ko na badira bai, ko guzub ko nǝn da dligɗa, amman Masipu ne mak, kuru a kunu mak. ¹² A dawi na, zam, ka ki ndawa mi Kakasǝku cikdu go aipu na ndak ntau se ndak kanjino herr, wana kǝrki, lalai aɗa, jǝba miya, na kanadi. ¹³ A dlamin kanadi na tike i wita kun. A dlamina herr i wita kun. In de dagai na jiktu na dagai nin da tufta du ka ki mi mǝgǝngyi atupte kun. ¹⁴ I dǝsku na be jandau mak, a dlaba ndak ntau, wara atu ne jibi be blan. ¹⁵ Aivina salam Masipu da dlam garva i gǝsha kun gaɗa sallam tuku ne da dauri kun i kunu tǝka gayi a dlabi ndak sambarkata. ¹⁶ Abzina tǝlam Masipu da dlabi i kuna kun tlapar. Na asen mak kǝ gugza na gabɗa i wita kun na zabura ruwa na rama gǝdlab kǝ Nǝnuwa Sǝku kwa ruwa iɗa gayi na sambarkata i kunu gǝsha kun i Kakasǝku. ¹⁷ Be kwa dlamau tawanke, i kunu tǝlam ko i kunu wana, a dlamina mak i kunu dlǝgun mǝgǝngyi Yeso. A sambarkata kakasǝku Afǝk dari gǝri. ¹⁸ Amatau, a barina aɗa kun mǝsaskin kun, ka ki mi kalkal i kunu Mǝgǝngyi. ¹⁹ Gamsadin, a ntutina amatau kun, kwa dlama be fau i aɗakshi bai. ²⁰ Mamau adgina afǝfkin kun i kunu tanke, gaɗa kasen ne abar arawai gǝshi i Mǝgǝngyi. ²¹ Afǝfkin, kwa gupta kutlai kun bai, gaɗa akshi daba kǝtla gǝshi bai. ²² Guzabcin, adgina afǝfkin wǝnduwa kun kǝ tǝka i kunu tanke, kǝ lawan daa bai ka ki ndak bari arawi gǝshi ndawa amman na jirewa, akalwina Mǝgǝngyi. ²³ Be tawanke kwa dlamau, a dlamina wana da kunu aro kun i mǝgǝngyi amman ka ki i ndawa bai. ²⁴ Kwas gadu kwaye gǝnu da ri mǝgǝngyi da kunu gado mǝgǝngyi Masipu wara kwa dlame ci guzapuna. ²⁵ Gaɗa nǝn tawanke wara dlam wana a buka adalta aye be gawa ka ki buka adalta mi a ci dlamu, a tǝro na tatǝka kurak bai.